طالبان وایي په پنځو ولایتونو کې یې د جنایي جرمونو په تور ۲۵ کسان نیولي دي

د افغانستان په استازیتوب په دې خبرو اترو کې د محمد ولی امیني په مشرۍ خان جان الکوزی، عنایت الله صدیق زی، میراجان سلیمان خیل، حاجي مسعود راحت، حاجي همایون خواجه زاده او محمد سلیمان بن شاه ګډون کوي او د پاکستان د پلاوي مشري د دغه هېواد د سوداګرۍ او صنعت د خونې سلاکار سید جواد حسین کاظمي کوي او سردار محمد ایوب مریاڼی، حاجي محمد یوسف اپریدی، حاجي قدیرالله وزیر، شیرین خان اپریدی او انجینیر دارو خان اچکزی یې غړي دي.

د کمېټې ډېری غړي پر ډیورنډ کرښه د پرتو ولایتونو او ولسوالیو د سوداګرۍ له خونو غوره شوي دي.

د پاکستاني پلاوي مشر سید جواد حسین کاظمي ویلي چې د ګډې کمیټې د مذاکراتو اساسي هدف د افغانستان او پاکستان د تجارتي لارو بیړني بیا پرانیستل، د سرحدي مدیریت د خنډونو له منځه وړل او د دوه اړخیزې سوداګرۍ دوام تضمینول دي.

هغه زیاته کړې چې په مذاکراتو کې به یو جامع او عملي پلان جوړ شي چې د سوداګرو او عامو خلکو ستونزې په دوامداره توګه حل شي.

نوموړي همدارنګه وویل چې د سبا ورځې مذاکراتو کې د پام وړ پرمختګ تمه کېږي او دواړې خواوې د مثبتو پایلو ترلاسه کولو هیله لري. د کاظمي په وینا، د پاکستان حکومت کمیټې ته د بشپړې پرېکړې واک ورکړی دی.

د طالبانو او پاکستاني ځواکونو ترمنځ د کړکېچ له امله د روان کال د اکتوبر له ۱۲مې نېټې راهیسې ټولې سوداګریزې لارې د هر ډول تګ راتګ پرمخ تړل شوې دي.

طالبانو د لارې پرانېستل په باوري تضمینونو پورې مشروط کړي دي.

د طالبانو د سترې محکمې په خبرپاڼه کې راغلي، چې د یادو ولایتونو ابتدایه محکمو تورنو کسانو ته له یوه کال تر ۱۳ میاشتو حبس او له ۱۰ څخه تر ۳۹ درو د وهلو سزاوې ټاکلې وې چې نن په عام محضر کې عملي شوې.

له هغه وروسته چې طالبان یو ځل بیا پر افغانستان واکمن شوي، د ملا هبت‌الله اخوندزاده د یوه فرمان له صادرېدو وروسته یې په عام محضر کې د بدني سزاوو لکه په دُرو وهل او اعدامونه بیا پیل کړي دي.

د بشري حقونو سازمانونو، ملګرو ملتونو او یو شمېر هېوادونو د طالبانو دغه اقدام غندلی دی.

خو طالبان د دغو سزاوو دفاع کوي او وایي چې دا مجازات د «اسلامي شریعت» پر بنسټ عملي کېږي.

طالبانو ته نژدې امید راډیو نن دوشنبه، د مرغومي پر ۱۵مه راپور خپور کړ، چې په کابل کې د طالبانو د پوهنې وزارت اړوند د اساسي او ثانوي زده‌کړو ریاست د ددې ډلې له ۱۰۰ تنو وسله والو څخه د زده‌کړو د تثبیت ازموینه واخیسته.

د طالبانو پوهنې وزارت مسوولین وايي، چې ددې ډلې له بیا واکمنېدو وروسته دا ۵۴ ځل دی چې له زده کړو د پاتې خپلو وسله والو د تثبیت ازموینې اخېستل کېږي او اړوندو ټولګیو ته جذبېږي.

په ورته مهال، د طالبانو وسله وال خوښ دي چې د عصري زده‌کړو زمینه ورته برابره شوې ده.

شنونکي وايي، چې طالبان له دې لارې غواړي د تېر حکومت پاتې مامورین چې په بېلابېلو ادارو کې پر دندو بوخت دي، لرې او پرځای یې خپل باوري وسله وال په دندو وګوماري.

طالبانو د نتقیص په نامه ګڼ شمیر پخواني مامورین پر کور کینول او دا لړۍ یې روانه ساتلې ده.

دوه ورځې وړاندې د طالبانو د هلمند په امنیه قوماندانۍ کې سرچینو افغانستان انټرنشنل - پښتو ته ویلي، چې طالبانو په یاده قوماندانۍ کې د تېر حکومت شاوخوا ۳۰ تنه مسلکي کارمندان له دندو وشړل.

ځايي سرچینو افغانستان انټرنشنل ته ویلي چې په دغو نښتو کې تر اوسه د سیمې درې اوسېدونکي او د طالبانو یو غړی وژل شوي دي. د سرچینو په وینا، د ټپیانو شمېر ۱۶ کسانو ته رسېدلی دی.

سرچینې زیاتوي چې د چاه‌اب ولسوالۍ د اوسېدونکو او طالبانو ترمنځ د سرو زرو د استخراج پر سر نښتې لا هم روانې دي او وضعیت په چټکۍ سره د خرابېدو په حال کې دی.

افغانستان انټرنشنل ته په رسېدلو ویډیوګانو کې د نښتو له سیمې دود پورته کېږي.

د ځايي سرچینو د معلوماتو له مخې، د اعتراضونو له پراخېدو او د نښتو له سختېدو وروسته د طالبانو اړوند شرکتونو مسوولینو سیمه پرېښې او «د تېښتې په حال کې دي».

د سیمې اوسېدونکي وايي چې د معترضانو د وژل شویو او ټپیانو شمېر مخ په زیاتېدو دی.

سرچینو همدارنګه ویلي چې خلک د چاپېریالي زیانونو او د شرکتونو د بې بریده کیندنو له امله د اوبو د بندېدو په اعتراض کې راوتلي دي.

د چاه‌اب ولسوالۍ اوسېدونکي تېره جمعه هم له هغو طالبانو سره ونښتل چې د سرو زرو کان د استخراج لپاره سیمې ته ننوتل.

د ځايي سرچینو په وینا، یاد شرکتونه له بشر نورزي سره نږدې اړیکې لري، چې د نشه‌یي توکو یو لوی قاچاقبر او د طالبانو له مهمو مالي ملاتړکوونکو بلل کېږي. د چاه‌اب اوسېدونکي د دریو شرکتونو پر فعالیتونو اعتراض لري.

د طالبانو تر واک لاندې حریت راډیو ته سرچینو ویلی، چې د یادې پانګونې پیل به همدا روانه اونۍ د ۱۰ میلیونه ډالرو په ارزښت د ترمینلونو له جوړیدو پیل او ګڼو خلکو ته به پکې د کار زمینه برابره شي.

د افغانستان لپاره د امریکا د مرستو کمښت او د ښځو د حقونو او بندیانو د خلاصون په برخه کې د طالبانو د نه‌همکارۍ له امله د بندیزونو ګواښونو پر خصوصي پانګوالو فشار زیات کړی، چې د هېواد اقتصاد ته ساه ورکړي.

د طالبانو تر واک لاندې افغانستان بانک هم تېره ورځ له خصوصي بانکونو غوښتي، چې په بهر کې خپلې پانګونې کمې او په کوردننه پروژو کې ونډه واخلي.