عبدالله عزام: ټرمپ به د طالبانو له لوري امریکا ته پېښ شوی ذلت په ونزوېلا کې جبران کړي

علي‌یف له اذربایجاني ټلوېزیون سره په مرکه کې ویلي، اذربایجان د ډونالډ ټرمپ په مشرۍ د امریکا ادارې ته د غزې د سوله ساتو ځواکونو د فعالیتونو د څرنګوالي په اړه یو لړ پوښتنې کړې دي.

هغه څرګنده کړه: «موږ ۲۰ پوښتنې برابرې کړې او امریکايي لوري ته مو سپارلي دي. د سوله ساتو ځواکونو په عملیاتو کې زموږ ګډون په پام کې نه‌دی نیول شوی».

هغه زیاته کړه: «زه هېڅکله هم د اذربایجان له خاورې بهر په جګړو کې د ګډون په اړه فکر نه‌کوم».

د یادونې وړ ده، چې د تېر کال په نومبر میاشت کې د اذربایجان د حکومت یوې سرچینې ویلي و، اذربایجان به تر هغه پورې غزې ته د سولې ساتنې عملیاتو لپاره سرتېري ونه‌لېږي، څو چې د اسراییل او حماس ترمنځ جګړه په بشپړ ډول نه‌وي درېدلې.

سرچینې افغانستان انټرنشنل ته وايي، د تخار د چاه‌اب ولسوالۍ د سمتي سیمې اوسېدونکو د سرو زرو د کان د کېندنې پر سر په شخړو کې د طالبانو اړوند شرکتونو وسایلو ته اور اچولی دی. په دې نښتو کې درې لاریونوال او یو طالب وژل شوي او ۱۶ نور ټپيان دي.

لاریون کوونکو په تخار کې د طالبانو د سرو زرو د استخراج وسایل وسوځول | افغانستان انټرنشنل پښتو

سرچینو همدارنګه ویلي، چې خلک د چاپېریالي زیانونو او د شرکتونو د بې بریده کېندنو له امله د اوبو د بندېدو په اعتراض کې راوتلي دي.

ازادۍ جبهه وايي، په بدخشان کې هم ورته پېښه رامنځته شوې او هلته هم یو شمېر معترضینو ته مرګ‌ژوبله اوښتې، خو د کره شمېر په تړاو یې څه نه‌دي ویلي.

دغې جبهې د دوشنبې په ماخوستن (د مرغومي ۱۵مه) د یوې خبرپاڼې په خپرولو سره ویلي، د طالبانو له لوري د هېواد د شمالي ولایتونو د کاني سرچینو چور کول د ځايي خلکو له کلک غبرګون سره مخ شوي دي.

یادې جبهې طالبان د بغلان په نهرین ولسوالۍ کې د مقاومت جبهې د یوه غړي جسد ته پر سپکاوي تورن کړي دي.

د مقاومت جبهې طالبان د دوی د یوه غړي جسد ته پر سپکاوي تورن کړل | افغانستان انټرنشنل پښتو

خبرپاڼه کاږي: «دغو جنایتکارانو ته سزا ورکړه خپل هېوادنی رسالت او همداراز دیني او انساني وجیبه بولو. دوی دې زموږ قاطع او غاښ ماتوونکي ځواب ته په تمه واوسي، دوی به د خپلو جنایتونو بیه هرو مرو پرې کړي».

ازادۍ جبهې څرګنده کړې، چې د هېواد په شمال کې د طالبانو «عسل» میاشت پای ته رسېدلې او همداراز یې په یادو ولایتونو کې د وژل شویو کسانو کورنیو ته تسلیت ویلی دی.

طالبانو لا تر اوسه د دغو پېښو په تړاو څه سپیناوی نه‌دی کړی.

د طالبانو تر واکمنۍ لاندې افغاني سرې میاشتې ټولنې د دوشنبې په ورځ (د مرغومي ۱۵مه) په درېیو جلا جلا خبرپاڼو کې ویلي، د خوست په مرکز کې پر ۱۰۰۰ راستنو شویو کورنیو ۷۱ ټُنه خوراکي توکي وېشل شوي دي.

په دې مرستو کې هرې کورنۍ ته ۷۱ کیلو خوراکي توکي ورکړل شوي چې په‌کې اوړه، وریژې، غوړي، بوره، رُب او مکروني شامل دي. له دې سربېر هرې کورنۍ ته د ښځینه‌وو کالي، د سر مینځلو شامپو او نور اړین توکي هم سپارل شوي دي.

له دې سره سم، د پکتیا د مرکز ګردېز په ګډون په زرمت او روحاني بابا ولسوالیو کې له ۱۰۰۰نورو راستنو شویو کورنیو سره ۱۰۰ټُنه د خوراکي او غېر خوراکي توکو مرسته وشوه. دغه مرستې چې د‎ ترکیې سرې میاشتې له لوري برابرې شوي، هرې کورنۍ ته په خوراکي توکو کې ۵۰ کیلو اوړه، ۱۰ کیلو وریژې، ۵ لیټره غوړي، ۱۰ کیلو نخود، ۵ کیلو بوره، ۱۰ کیلو مکروني، ۳ کیلو مالګه، ۳۵۰ ګرامه سرېلاک او په غېر خوراکي توکو کې ۱ کمپله او ۲ بوتله د لوښو مینځلو شامپو ورکړل شوي دي.

دغې ټولنې همداراز د کونړ د څوکۍ ولسوالۍ په بېلابېلو سیمو کې پر ۷۰۰ زلزله‌ځپلو کورنیو څه باندې ۱۰۷ ټُنه خوراکي توکي وېشلي دي.

دغه مرستې هم د ترکیې د سرې میاشتې له لوري برابرې شوي او هرې کورنۍ ته د اوړو، غوړیو، وریژو، بوره، لوبیا، شین چای، مالګه او بېسکېټ په ګډون ۱۵۳ اعشاریه ۳ کیلوګرامه خوراکي توکي او همداراز یوه روغتیايي بسته هم ورکړل شوي دي.

افغاني سرې میاشتې ټولنې زیاته کړې، دا مرسته به د یادو کورنیو د خوراکي توکو د لنډمهاله اړتیاوې پوره کړي.

دغه مرستې په داسې حال کې دي، چې په دې وروستیو کې له ګاونډیو هېوادونو او په ځانګړې توګه له ایران او پاکستان څخه میلیونونه افغان کډوال په زوره اېستل شوي او له ډېریو سره یې لا تر اوسه هېڅ ډول مرستې نه‌دي شوي او له اړوندو چارواکو په دې سړه هوا کې د مرستو غوښتونکي دي.

د ښاغلي ونس کورنۍ د پېښې پر مهال په دې استوګنځي کې نه وو.

د امنیتي مسوولینو په وینا، دا پېښه د سهار په تیاره کې هغه مهال رامنځته شوه چې د هغه ساتونکو د ښیښو د ماتېدو غږ واورېد او له داسې کس سره مخ شول، چې د چکش په وسیله یې هڅه کوله کور ته داخل شي.

یاد کس د پټ امنیتي خدمت یوه موټر ته هم زیان اړولی و او وروسته په هماغه ځای کې ونیول شو.

جي‌ډي ونس له دې پېښې څو ساعته وروسته په اېکس کې په یو پیغام کې د پټ امنیتي خدمت او د سینسیناتي ښار د پولیسو له چټک غبرګون څخه مننه وکړه او ویې ویل، چې د ده په باور «یوه رواني کس» د ښیښو په ماتېدو سره غوښتل کور ته ننوځي.

هغه ټینګار وکړ، چې د پېښې پر مهال دی او د هغه کورنۍ په کور کې نه وو او واشنګټن ډي‌سي ته ستانه شوي وو.

ونس په دې پیغام کې له رسنیو غوښتنه کړې، چې د خپلو ماشومانو د ساتنې لپاره د کور د ماتو شویو ښیښو انځورونه خپاره نه‌کړي او زیاته یې کړه، چې د دې انځورونو د خپرولو خبري ارزښت په اړه شک لري.

د امریکا د خوندیتوب ځانګړې ادارې ویلي، چې د دې قضیې څېړنه د ځایي پولیسو او فدرالي ادارو په همغږۍ روانه ده او د نیول شوي کس هویت تر اوسه په رسمي ډول نه دی اعلان شوی.

د طالبانو د کانونو او پټرولیم وزارت د دوشنبې په ورځ (د مرغومي ۱۵مه) د یوې خبرپاڼې په خپرولو سره ویلي، دغه یاقوت چې څه موده مخکې داوطبۍ ته وړاندې شوي و، بالاخره نن د احمد فواد شېرزوی شرکت د داوطلبۍ ګټونکی شو.

دغه شرکت یو کیلو ګرام یاقوت په ۷۰ زره ډالرو وپېرل. په دې بیې سره د دغو یاقوت ټولییز ارزښت ۱۱ میلیونه او ۴۸۰ زره ډالره کېږي.

له دې سره سم، د کابل په شمالي دروازه کې ترلاسه شوي ۱۲۵۵ کیلوګرامه عقیق او ۲۷۲ کیلوګرامه لاجورد هم نن د طالبانو له لوري په یوې داوطلبۍ کې وپلورل شول.

په دې داوطلبۍ کې یو کیلوګرام عقیق پر ۱۱۵ افغانۍ او یو کیلو ګرام لاجورد پر ۱۵۰ افغانیو وپلورل شول.

د یادونې وړ ده، چې د کاني سرچینو ټول عواید مخامخ د دولت خزانې ته ځي او د کاني سرچینو په اړوندو ساحو کې اوسېدونکو لپاره د ژوند هېڅ ډول امکانات نه‌برابرېږي.