د برېتانیا «سان مجلې» راپور ورکړی، چې د لاریونونو تر ځپلو وروسته یوشمېر امریکایي پوځي جېټ الوتکې او ځانګړي ځواکونه برېتانیا او جرمني ته لېږدول شوي دي. تر دې وړاندې ټرمپ خبرداری ورکړی و، که په ایران کې لاریون کوونکي ووژل شي؛ نو د امریکا لهخوا به له سخت ګوزار سره مخ شي.
یادې مجلې زیاته کړې، ښايي د الوتکو او امریکایي ځواګونو لېږد د ایران له اوسني وضعیت سره تړاو ولري. د راپور له مخې؛ د امریکا د ۱۶۰مې ځانګړو هوايي عملیاتو د قطعې اړوند (سي -۱۷) او (دوه ایسي-۱۳۰) الوتکې د برېتانیا په رف فیرفورډ هوايي اډه کې ښکته شوې دي.
په راپور کې راغلي: «ګومان کېږي چې جنګي الوتکې د ایران مشر علي خامنهیي څاري، چې له پراخو لاریونونو سره مخ دی.» د راپور په پای کې ویل شوي: «۱۶۰مه قطعه تر ډېره د ارزښتناکه او مهمو موخو پر وړاندې د چټکو او لوړو ګواښونو ماموریتونو مسوولیت لري.»
ډونالډ ټرمپ خبرداری ورکړی، که ایران لاریونوال ووژني، امریکا به «سخت» غبرګون وښيي. دا په وروستیو ورځو کې په ایران کې د پراخو لاریونونو پرمهال د امریکا د ولسمشر دویم خبرداری دی.
