د فرانسې د لومړۍ مېرمنې د انلاین ځورونې په قضیه کې ۱۰ کسان مجرم وپېژندل شول

د ملا برادر د دفتر مشر عبدالله عزام د دوشنبې په ورځ (د مرغومي ۱۵مه) په انګلیسي ژبه په اېکس کې لیکلي، چې امریکا نه‌شي کولی «په افغانستان کې د ماتې تاریخي شرم پټ کړي».

امریکا په ۲۰۰۱ کال کې پر افغانستان برید وکړ او د طالبانو حکومت یې ړنګ کړ. دې هېواد له ۲۰ کلنې جګړې وروسته له طالبانو سره د سولې هوکړه وکړه او له افغانستان څخه ووت.

د هغه مهال د افغانستان حکومت د امریکایي ځواکونو د وتلو پر مهال د مقاومت توان له لاسه ورکړ او له هېواد څخه د اشرف غني له وتلو وروسته افغانستان سقوط وکړ.

عبدالله عزام پر اېکس لیکلي: «د ټرمپ په وینا، امریکا په افغانستان کې تحقیر شوه او نړۍ وغندله، خو وروسته په ونزوېلا کې د [مادورو] نیول د دې هېواد وضعیت بدل کړی دی».

هغه زیاته کړې: «که یو یرغلګر د نړۍ په نورو برخو کې څومره اعتبار او شهرت ترلاسه کړي، هغه یې په افغانستان کې له لاسه ورکوي... له هغه ځایه په شرم سره وځي او بیا هڅه کوي چې دا [له لاسه ورکړی اعتبار] په بل ځای کې بېرته ترلاسه کړي».

مادورو د شنبې په ورځ (د مرغومي ۱۲مه) نیټه د امریکا د ځانګړو ځواکونو په عملیاتو کې ونیول شو او بیا هغه او د هغه مېرمن امریکا ته د محاکمې لپاره انتقال شول.

سره له دې چې د طالبانو د ادارې د اقتصادي مرستیال د دفتر مشر خبرې سختې دي، د دې ډلې نورو چارواکو د امریکا پر وړاندې نرم او سوله‌ییز موقف غوره کړی دی. د طالبانو د بهرنیو چارو وزیر څو ځله د طالبانو د ادارې او امریکا ترمنځ د اړیکو عادي کول غوښتي دي.

که څه هم د سیمې هېوادونه له طالبانو ملاتړ کوي؛ خو د امریکا فشار او د ملګرو ملتونو د بندیزونو له امله نړۍ د طالبانو اداره په رسمیت نه پېژني او د څارونکو په وینا، طالبان یو نازک او منزوي موقعیت لري.

علي‌یف له اذربایجاني ټلوېزیون سره په مرکه کې ویلي، اذربایجان د ډونالډ ټرمپ په مشرۍ د امریکا ادارې ته د غزې د سوله ساتو ځواکونو د فعالیتونو د څرنګوالي په اړه یو لړ پوښتنې کړې دي.

هغه څرګنده کړه: «موږ ۲۰ پوښتنې برابرې کړې او امریکايي لوري ته مو سپارلي دي. د سوله ساتو ځواکونو په عملیاتو کې زموږ ګډون په پام کې نه‌دی نیول شوی».

هغه زیاته کړه: «زه هېڅکله هم د اذربایجان له خاورې بهر په جګړو کې د ګډون په اړه فکر نه‌کوم».

د یادونې وړ ده، چې د تېر کال په نومبر میاشت کې د اذربایجان د حکومت یوې سرچینې ویلي و، اذربایجان به تر هغه پورې غزې ته د سولې ساتنې عملیاتو لپاره سرتېري ونه‌لېږي، څو چې د اسراییل او حماس ترمنځ جګړه په بشپړ ډول نه‌وي درېدلې.

د ښاغلي ونس کورنۍ د پېښې پر مهال په دې استوګنځي کې نه وو.

د امنیتي مسوولینو په وینا، دا پېښه د سهار په تیاره کې هغه مهال رامنځته شوه چې د هغه ساتونکو د ښیښو د ماتېدو غږ واورېد او له داسې کس سره مخ شول، چې د چکش په وسیله یې هڅه کوله کور ته داخل شي.

یاد کس د پټ امنیتي خدمت یوه موټر ته هم زیان اړولی و او وروسته په هماغه ځای کې ونیول شو.

جي‌ډي ونس له دې پېښې څو ساعته وروسته په اېکس کې په یو پیغام کې د پټ امنیتي خدمت او د سینسیناتي ښار د پولیسو له چټک غبرګون څخه مننه وکړه او ویې ویل، چې د ده په باور «یوه رواني کس» د ښیښو په ماتېدو سره غوښتل کور ته ننوځي.

هغه ټینګار وکړ، چې د پېښې پر مهال دی او د هغه کورنۍ په کور کې نه وو او واشنګټن ډي‌سي ته ستانه شوي وو.

ونس په دې پیغام کې له رسنیو غوښتنه کړې، چې د خپلو ماشومانو د ساتنې لپاره د کور د ماتو شویو ښیښو انځورونه خپاره نه‌کړي او زیاته یې کړه، چې د دې انځورونو د خپرولو خبري ارزښت په اړه شک لري.

د امریکا د خوندیتوب ځانګړې ادارې ویلي، چې د دې قضیې څېړنه د ځایي پولیسو او فدرالي ادارو په همغږۍ روانه ده او د نیول شوي کس هویت تر اوسه په رسمي ډول نه دی اعلان شوی.

د راپور له‌مخې، دا پیغام په وروستیو اوونیو کې د روسیې د ولسمشر ولادیمیر پوتین له لارې رسېدلی او نتنیاهو له هغه سره څو ځله ټلیفوني اړیکې نیولي دي.

کان زیاته کړې، بیت‌المقدس اندېښمن دی چې تهران فکر کوي د اسراییل برید نږدې دی، نو ممکن د ناسمې محاسبې له امله له مخکې پر اسراییل برید وکړي او د نتنیاهو له‌خوا لېږل شوی پیغام د همدې ډول سناریو د مخنيوي لپاره دی.

نتنیاهو د دوشنبې په ورځ د اسراییل په پارلمان کې په خپله وینا کې وویل، د ایران هر ډول برید به «درنې پایلې» ولري.

امریکا د تېرې شنبې په ورځ (د مرغومي ۱۳مه) پر ونزوېلا د برید په ترڅ کې د یاد هېواد ولسمشر او همداراز مېرمن یې لاس تړلي امریکا ته ولېږدول او په امریکا کې به د نشه‌يي توکو د کاروبار په تړاو محاکمه شي.

د ملګرو ملتونو سرمنشي انتونیو ګوترېش د دوشنبې په ورځ (د مرغومي ۱۵مه) امنیت شورا ته په یوه پیغام کې پر ونزوېلا د امریکا له برید وروسته په یاد هېواد کې د بې‌ثباتۍ د زیاتېدو، پر سیمې یې د احتمالي اغېز او له نورو هېوادونو سره یې د اړیکو د څرنګوالي په تړاو ژوره اندېښنه ښودلې ده.

ګوترېش ویلي: «د جنورۍ د درېیمې د پوځي اقدام پر مهال د نړۍوالو قوانینو درناوی نه‌دی شوی».

د ملګرو ملتونو منشور د هر دولت د ځمکنۍ بشپړتیا او سیاسي خپلواکۍ پر وړاندې د زور کارول یا ګواښ په کلکه منع کړی دی.

نوموړي همداراز ویلي، د نړۍوالې سولې او امنیت ساتنه هغه وخت شونې ده، چې ټول غړي هېوادونه د منشور ټولو مادو ته ژمن پاتې شي.

ګوترېش په ډاګه کړې: «ما تل پر دې ټینګار کړی چې ټول اړخونه باید د نړۍوالو قوانینو بشپړ درناوی وکړي، په ځانګړي ډول د ملګرو ملتونو د منشور، چې د نړۍوالې سولې او امنیت د ساتنې بنسټ جوړوي».

د هغه په وینا، ونزوېلا له لسیزو راهیسې له کورني بې‌ثباتۍ او ټولنیزو او اقتصادي کړکېچونو سره مخ ده، ولسواکي زیانمنه شوې، میلیونونه خلک کډوال شوي او وضعیت بحراني دی: «خو لا هم شونې ده چې د لا پراخې او ورانوونکې جګړې مخه ونیول شي».

هغه له له ټولو وینزویلايي اړخونو غوښتي چې په یوه ټول‌شموله او ډموکراتیکو خبرو اترو کې برخه واخلي، داسې خبرې چې د ټولنې ټول قشرونه وکولای شي خپل راتلونکی پخپله وټاکي.

پر ونزوېلا د امریکا د عملیاتو له امله د اوښتو مرګ‌ژوبلې کره شمېر لا هم معلوم نه‌دی او د ونزویلا حکومت د امریکا دغه اقدام د ملکي او نظامي سیمو پر وړاندې پوځي یرغل بللی او دا یې د ملګرو ملتونو د منشور ښکاره سرغړونه ګڼلې ده.