ازادۍ جبهې په کابل کې د دوو طالب وسله والو د وژلو خبر ور کړی
د طالبانو مخالفه وسله واله ډله ازادۍ جبهه ادعا کوي چې د کابل ولایت په سروبي ولسوالۍ کې یې د طالبانو دوه وسله وال وژلي او یو بل یې ټپي کړی دی.
د طالبانو مخالفه وسله واله ډله ازادۍ جبهه ادعا کوي چې د کابل ولایت په سروبي ولسوالۍ کې یې د طالبانو دوه وسله وال وژلي او یو بل یې ټپي کړی دی.
یادې ډلې په یوه خپره کړې خبرپاڼه کې ویلي، چې د ازادۍ جبهې جنګیالیو د چارشنبې په ورځ، شاوخوا د ماښام په ۶:۳۰بجو د طالبانو د استخباراتو د پلټنې یوه پوسته د کابل ولایت د سروبي ولسوالۍ قوماندانۍ ته څېرمه په نښه کړې ده.
د خبرپاڼې له مخې، د دې «عملیاتي برید» په پایله کې دوه طالب وسلهوال وژل شوي او یو بل د دې ډلې غړی ټپي شوی دی.
تر اوسه پورې د طالبانو چارواکو د ازادۍ جبهې د دې ادعا په اړه کوم رسمي غبرګون نه دی ښودلی خو دا ډله د طالبانو ضد یوه وسله واله ډله ده چې تر ډېره د افغانستان په بېلابېلو ولایتونو، په ځانګړي ډول کابل ښار او شاوخوا سیمو کې د چریکي بریدونو ادعاوې کوي.
دیاده ډله وایي چې موخه یې د طالبانو پر وړاندې وسلهوال مقاومت او د یوه «ټولشموله او ولسواک نظام» رامنځته کول دي.
ازادۍ جبهې تر دې وړاندې هم په کابل، پروان، پنجشېر، کاپیسا او یو شمېر نورو ولایتونو کې د طالبانو پر پوستو، وسایطو او غړو د بریدونو مسوولیت منلی دی.
طالبانو بیا تل د دغو بریدونو ادعاوې رد کړې یا یې د تلفاتو کچه کمه بللې ده.
