هند افغانستان ته ۷،۵ ټڼه د سرطان ضد درمل استولي
د هند د بهرنیو چارو وزارت ویلي چې دغه هېواد له افغانستان سره د روغتیا په برخه کې یو بل مهم ګام پورته کړی او کابل ته یې ۷،۵ ټنه د سرطان ضد درمل استولي دي.
د هند د بهرنیو چارو وزارت ویلي چې دغه هېواد له افغانستان سره د روغتیا په برخه کې یو بل مهم ګام پورته کړی او کابل ته یې ۷،۵ ټنه د سرطان ضد درمل استولي دي.
د هند د بهرنیو چارو وزارت ویاند رندهیر جیسوال په وینا دا مرسته د افغانستان د سرطان ناروغانو د بېړنیو اړتیاوو د پوره کولو لپاره شوې ده.
د هند مرسته په داسې حال کې ده چې د طالبانو ماليې وزارت د سلواغې په لومړۍ نېټه خبرداری ورکړ، چې د روانې سلواغې میاشتې تر ۱۹مې نېټې وروسته له پاکستان نه هر ډول وارېدوونکي درمل نه محصولېږي.
دغه وزارت د یوې خبرپاڼې په خپرولو سره ویلي، چې دغه پرېکړه د طالبانو د ریاستالوزرا اقتصادي معاونیت په سپارښتنه شوې ده.
تر دې وړاندې د پاکستان او طالبانو ترمنځ د وروستیو سیاسي او سوداګریزو ترینګلتیاوو او د ترانزیتي لارو د تړل کېدو له امله د طالبانو د ریاستالوزرا اقتصادي مرستیال عبدالغني برادر سوداګرو ته د دریو میاشتو ضربالاجل ټاکلی و چې له پاکستان سره خپلې ټولې سوداګریزې معاملې تصفیه کړي.
