د پاکستان پوځ وایي له طالبانو سره یې په وروستیو نښتو کې ۱۲ سرتېري وژل شوي

متقي وویل ټینګار وکړ، چې تفاهم به هغه وخت پایله ولري چې مقابل لوری هم د حل‌لارې لپاره عملي او صادقانه اراده وښيي.

د طالبانو د بهرنیو چارو وزیر د وروستیو تحولاتو په تړاو د طالبانو دریځ څرګند کړ او ویې ویل چې د افغانستان امنیتي او دفاعي ځواکونو وروستي اقدامات د هېواد د حاکمیت، هوايي حریم او ځمکنۍ بشپړتیا د ساتنې په موخه ترسره کړي، چې ټاکل شوي اهداف یې په بریالیتوب ترلاسه کړي دي.

د طالبانو د بهرنیو چارو وزارت په خبرپاڼه کې راغلي، چې د ترکیې د بهرنیو چارو وزیر د افغانستان سوليز دريځ وستایه او څرګنده یې کړه چې له اړوندو او همنظرو هېوادونو سره په اړيکه کې دی څو د وضعیت د ارامېدو او د تاوتریخوالي د کمېدو لپاره ګډې هڅې همغږي شي.

په پای کي دواړو لوریو په دوامداره تماس ټینګار وکړ.

مجاهد دا هم وویل، چې د پاکستان کشفي الوتکې اوس مهال د افغانستان په هوايي حریم کې شتون لري.

د هغه په ​​وینا، دغو الوتکو نن، د جمعې په ورځ، په پکتیا، پکتیکا، خوست او کونړ ولایتونو کې بریدونه کړي دي.

د هغه په ​​وینا، په دې بریدونو کې ملکي وګړو ته زیان رسیدلی دی.

ذبیح الله مجاهد د جمعې په ورځ په یوه انلاین خبري کنفرانس کې خبرداری ورکړ، چې د دې جګړې دوام به سیمه بې ثباته کړي. هغه د سیمې له هیوادونو وغوښتل چې د پاکستاني پوځ د بریدونو مخه ونیسي.

د طالبانو ویاند، د ډیپلوماسۍ او خبرو اترو لپاره د ډلې پر ژمنتیا ټینګار وکړ، او ویې ویل چې پاکستان د خبرو اترو له لارې د شخړې حل کولو ته لیواله نه دی.

هغه د ملکي وګړو د نښه کولو په اړه د پاکستاني چارواکو څرګندونې رد کړې او ادعا یې وکړه چې د طالبانو هوايي ځواک په دقت سره پوځي اهداف په نښه کړي دي.

مجاهد د پاکستاني چارواکو هغه څرګندونې هم رد کړې، چې طالبان د هند په استازیتوب نیابتي جګړه کوي، او ویلي یې دي چې طالبان «د نیابتي جګړو هیڅ تاریخ نلري».

هغه پاکستان پوځ د سیمې د بې ثباته کولو لپاره "بهرني پروژې" پرمخ وړلو تورن کړ.

ذبیح الله مجاهد ادعا وکړه، چې د سرحدي سیمو په پرونیو نښتو کې ۵۵ پاکستاني سرتیري وژل شوي او ویلي یې دي چې د دغو سرتیرو له ډلې د ځینو جسدونه د طالبانو په ولکه کې دي.

هغه یو ځل بیا تایید کړه، چې په دې نښتو کې ۱۳ طالب ځواکونه هم وژل شوي دي.

په یوه ویډیویي پیغام کې فطرت زیاته کړې، چې طالبان به هیڅکله د چا تېری بې ځوابه نه پریږدي.

د طالبانو لوي درستیز ټینګار وکړ، چې په سرحدي سیمو کې غچ اخیستونکي بریدونه ترسره شوي، چې په لوی شمېر کې یې د پاکستان پوستې نیولي او د دوی یو لوی شمیر سرتیري یې وژلي دي.

د طالبانو چارواکي وویل: «زموږ پیغام پاکستاني پوځ ته دا دی چې دوی به د دې په پرتله ډیر قاطع ځواب ترلاسه کړي.»

هغه وویل، چې که پاکستان په افغانستان کې هر ځای سرغړونه وکړي، نو متقابل ځواب به ترلاسه کړي.

فصیح الدین وویل، چې که پاکستان غواړي افغانستان ناامنه کړي، نو د طالبانو ځواکونه دا وړتیا لري چې دوی په ښاري مرکزونو او حتی پلازمینه خوندي نه پریږدي.

سفارت په یوې خبرپاڼه کې ویلي، چې امریکایي وګړي باید د پاکستان سره د نږدې پرتو سیمو له سفر څخه ډډه وکړي.

دا یې هم ټینګار کړی، چې که الوتنه نه وي، نو دوی باید د ازبکستان او تاجکستان د پولو له لارې له افغانستان څخه ووځي.

د امریکا سفارت خپلو وګړو ته خبرداری ورکړی چې د ایران له لارې د وتلو له هڅې ډډه وکړي.

په بیان کې ویل شوي، چې افغانستان «د ناکرارۍ، جرم، ترهګرۍ، خپل سري توقیف، تښتونې او محدودو روغتیايي اسانتیاوو د خطر له امله» یو لوړ خطر لرونکی هیواد دی.

هغه ویلي چې «فتنه خوارج» هڅه کړې وه په ایبټ‌اباد، صوابۍ او نوښار کې واړه ډرونونه والوځوي، خو د ده په وینا د ډرون ضد سیسټمونو ټولې الوتکې نسکورې کړې دي. پاکستان تل پاکستاني طالبانو ته د «فتنه خوارج» نوم کاروي.

د اطلاعاتو وزیر زیاته کړې چې دغو پېښو هېڅ ډول ځاني زیان نه دی اړولی، خو په خبره یې دا پرمختګونه یو ځل بیا په پاکستان کې د ترهګرۍ او د طالبانو ترمنځ مستقیم تړاو څرګندوي.

بلخوا د طالبانو د دفاع وزارت په یوې خبرپاڼه کې ادعا کړې چې په اسلام‌اباد او ځینو نورو ښارونوکې یې د پاکستان پوځي مرکزونه په هوايي بریدونو هدف ګرځولي دي.