طالبانو په مهمند ولسوالۍ کې د پاکستان پر یوه نظامي مرکز د ډرون بریدونو خبر ور کړی

نوموړي د یکشنبې په ورځ پر اېکس په يو پيغام کې وویل، چې د ايران د رهبر، د هغه د کورنۍ د ځينو غړو، ملګرو او د وروستيو پېښو د نورو قربانيانو وژل کېدل د ده د ژور خفګان لامل شوي دي.

عبدالله زياته کړې چې خامنه يي داسې مهال وژل شوی، چې د « هېواد د ملي ګټو، خپلواکۍ او عزت د دفاع په لاره کې ولاړ و او دا پېښه به د ايران د معاصر تاريخ يوه مهمه برخه وبلل شي».

هغه د ايران له مشرتابه، ولس او ويرجنو کورنيو سره خواخوږي څرګنده کړې او هغوی ته يې تسليت ويلی دی.

عبدالله ویلي، چې «د ایران د چارو په رهبرۍ، د ملي ګټو په ساتنه او د خپلواکۍ او سرلوړۍ کې د هغه [خامنه يي] ونډه د معاصر ایران په سیاسي کارنامه کې مهمه برخه ګڼل کېږي».

هغه ویلي چې د خامنه‌ یي مړینه د ایران د دولت او ملت لپاره ستره ضایعه ده او خپله ژوره خواخوږي یې د هغه له کورنۍ، خپلوانو او پلویانو سره شریکه کړې ده.

دوستم ټینګار کړی چې افغانان به د هغه ملاتړ او مرستې، چې د ده په وینا، د افغانانو د جهاد او حقه مبارزو په برخه کې شوې وې، هېڅکله هېرې نه کړي او دا خاطرې به تلپاتې او روښانه پاتې وي.

هغه د خامنه یې وژل «مظلومانه» بللي دي.

په خپره شوې اعلامیه کې ویل شوي، چې د بیان او رسنیو ازادي د بشري حقونو له بنسټیزو اصولو څخه ده او د هرې ټولنې اساسي ستنه بلل کېږي.

د دغه سازمان په وینا، د رسنیو د فعالیتونو محدودول او د هغوی د نشراتو مخنیوی د ملي او نړیوالو منل شویو معیارونو خلاف عمل دی او د بیان ازادۍ ښکاره سرغړونه ګڼل کېږي.

اعلامیه زیاتوي چې رسنۍ د عامه پوهاوي، شفافیت او ځواب‌ویلو په پیاوړتیا کې مهم رول لري او پر هغوی هر ډول فشار یا جبري بندول د خلکو د معلوماتو د لاسرسي حق زیانمنوي.

یاد سازمان له طالب واکمنانو غوښتي چې د بیان ازادۍ او د معلوماتو د لاسرسي حق ته په درناوي سره پر خپلې پرېکړې له سره غور وکړي او د راه فردا ټلوېزیون د فعالیت د بیا پیل زمینه برابره کړي.

همداراز، له ملي او نړیوالو بنسټونو غوښتنه شوې چې په افغانستان کې د رسنیو د ازادۍ د ملاتړ لپاره جدي اقدامات وکړي. سازمان یو ځل بیا ټینګار کړی چې د بیان ازادۍ او د رسنیو د خپلواکۍ دفاع ته ژمن دی.

د یادولو وړ ده، چې تېره ورځ سرچینو افغانستان انټرنشنل ـ پښتو ته وویل، چې طالبانو په کابل کې د وحدت ګوند د مشر محمد محقق اړوند «راه فردا» ټلوېزیون پر خپرونو بندیز ولګاوه. طالبانو ویلي، چې محقق د طالبانو او پاکستان ترمنځ د شخړې په تړاو د طالبانو ضد څرګندونې کړې دي.

د احمدي نژاد د دوو ساتونکو مړینه هم تایید شوې ده.

د ایران چارواکو تر اوسه په رسمي ډول د احمدي نژاد د وژل کېدو اعلان نه دی کړی.

هغه له ۲۰۰۵ څخه تر ۲۰۱۳ پورې د ایران د ولسمشر په توګه دوه دورې پاتې شوی دی.

د ولسمشر کیدو دمخه، احمدي نژاد د تهران ښاروال و.

د پاکستان د اطلاعاتو وزیر عطاالله تارړ نن د یکشنبې په ورځ د کپ پر ۱۰مه اعلان وکړ، چې هیواد یې په افغانستان کې په ۴۶ هدفونو بریدونه کړي دي.

هغه وویل چې د طالبانو ۱۸۲ پوستې ویجاړې شوې او ۳۱ نیول شوي دي.

دغه پاکستاني چارواکي ویلي، چې د طالبانو ۱۸۵ ټانکونه، پوځي موټر او تجهیزات هم ویجاړ شوي دي.

خو د طالبانو دفاع وزارت ویلي چې د پاکستان پر وړاندې په ځوابیه بریدونو کې یې شاوخوا ۲۰۰ پاکستاني نظامیان وژلي، ګڼې پوستې یې نیولې او له منځه وړې دي او په مختلفو سیمو کې یې ډرون بریدونه کړي دي.

د طالبانو د سرحدي پوليسو وياندعابدالله فاروقي د یکشنبې په ورځ وویل، چې د شنبې په شپه یې ځواکونو په غچ اخېستونکو عملياتو کې په تورخم کې پر ډیورنډ کرښه د پاکستان پر يوې امنيتي پوستې بريد کړی او لږ ترلږه لس پوځیان یې وژلي دي.

نوموړی ویلي، چې په برید کې د پاکستان کميساري، د اېف‌سي ځواکونو قومانداني، امنيتي پوستې او ټانکونه هم ويجاړ شوي دي.

پاکستاني اړخ په خپله اعلامیه کې ویلي، چې په مختلفو ولایتونو کې یې د طالبانو د قول اردوګانو اړوند کنډکونه، تجهیزات او موټر په نښه کړي دي.