هرات کې د ایران قونسل: له افغانستان سره د توکو لیږد لا هم روان دی
په هرات کې د ایران قونسل، علي رضا مرحمتي، وایي چې سره له دې چې په ایران کې کړکیچونه او جګړې روانې دي خو د ایران او افغانستان ترمنځ د تجارتي توکو ټرانزیټ لا هم روان دی.
هغه په یوه خبري غونډه کې څرګنده کړه چې د ایران په ځینو بندرونو کې د امریکا او اسراییل د ګډو حملو له امله ممکن ځینې ستونزې رامنځته شوي وي، خو د دواړو هیوادونو ترمنځ د سوداګرۍ هڅې دوام لري.
قونسل مرحمتی زیاته کړه چې د افغانستان د سوداګرو لهخوا اخیستل شوي توکي د لېږد په بهیر کې دي او د ویزو د وېش بهیر هم روان دی. هغه همدارنګه وویل چې د جګړې له امله د ویزو د غوښتونکو شمېر لږ شوی دی.
مرحمتی له څخه د ایران څخه د افغان کډوالو د ستنېدلو د زیاتوالي خبر هم ورکړ او ویې ویل چې احتمال لري دا بهیر په راتلونکو ورځو کې نور هم زیات او چټک شي.
په ورته وخت کې، ځینو ځایي سرچینې راپور ورکړی چې د ایران د کړکېچونو او د پاکستان سره د تګ راتګ د لارو د تړل کېدو له امله، په لویدیځو ولایتونو کې د خوراکي توکو بیې لوړې شوي دي.
سرچینې وایي چې مخکې د لویدیځو ولایتونو د اوسیدونکو لپاره اړین اوړه په لویه کچه د قزاقستان او پاکستان له لارې واردېدل، خو اوس یې بیې لوړې شوي دي. د راپورونو له مخې، تر دې وړاندې د ۴۰کیلوګرامه بوجۍ اوړو بیه ۱۱۰۰ افغانی وه، خو اوس ۲۰۰افغانی زیاته شوې او ۱۳۰۰افغانی ته رسېدلې ده.
