اسراییلي دفاعي ځواکونو په لبنان کې د حزب‌الله سره تړاو لرونکي تاسیسات په نښه کړي

حیدري د امریکا د بهرنیو چارو وزیر مارکو روبیو د وروستي ایکس پوسټ یادونه کړې، چې افغانستان یې د «ناوړه نیونو ملاتړي هېواد» په توګه یاد کړی. هغه په دې اړه څرګنده کړې: «طالبان د هېواد مشروعیت نه لري، د نړیوالې ټولنې له لوري هم د یوه مشروع حکومت په توګه نه پېژندل کېږي. د افغانستان خلکو دا ډلې د واکدار په توګه نه دي ټاکلي.»

هغه همدارنګه ټینګار وکړ چې تر هغه وخته پورې چې افغانستان د طالبانو له منګولو څخه ازاد نه شي او یو قانوني او مسول حکومت رامنځته نه شي، هېواد د نړیوالو سفرونو لپاره خوندي ځای نه ګڼل کېږي.

حیدري زیاته کړې، نړیواله ټولنه باید د افغانانو د حقونو ساتنې لپاره د طالبانو غیرقانوني عملونه په کلکه وغندي.

سارا اډمز، په ایکس تازه څرګندونو کې ټینګار کړی چې ځینې سیاستوال د طالبانو په وړاندې کمزوري اقدامات کوي، چې له امله یې د امریکایي اتباعو وضعیت لا پسې خراب شوی دی.

هغې لیکلي:«تاریخ به هغو کسانو ته مهربانه نه وي چې د افغانستان په دننه کې د واقعیتونو او ګواښونو پر وړاندې یې پاملرنه ونکړه.»

اډمز په ځانګړي ډول د محمود شاه حبیبي یادونه کړې، چې د طالبانو لخوا غیر قانوني نیول شوی او زیاته کړې یې ده چې د طالبانو کړنې د نړیوالو لپاره د پام وړ امنیتي خطرونه رامنځته کوي.

هغې نړیوالې ټولنې ته خبرداری ورکړی چې د افغانستان د وضعیت د لا خرابېدو د مخنیوي لپاره باید جدي اقدامات وکړي او د بې‌عدالته نیولو کړنې د نړیوالو معیارونو مطابق وڅاري.

د همت غورځنګ په اعلامیه کې راغلي، په دې مراسمو کې د ښځو د حقونو فعالانې، د پوهنتونونو او ښوونځیو استادانې او د برازیل عام ولس ګډون وکړ او د افغان ښځو ملاتړ یې اعلان کړ.

اعلامیه کې راغلي:«ښځې د انسانیت ستنې او د ټولنې د عزت، پوهاوي او پرمختګ سرچینه ده. دوی باید د سیاست او نورو اهدافو د وسیلې پر ځای د برابر او کرامت لرونکي وګړي په توګه وپيژندل شي.»

غورځنګ د نړیوالو بنسټونو، د برازیل حکومت او نړیوالې ټولنې څخه غوښتنه کړې چې د افغان ښځو د حقونو دفاع وکړي، د جنسیتي توپیر پېژندنه ومني او د ښځو له اساسي حقوقو څخه ملاتړ وکړي.

همداراز په اعلامیه کې ویل شوي چې «همت» غورځنګ د مارچ ۸، ۲۰۲۶ ورځ د ښځو د مدني مبارزې، عدالت او برابري لپاره د ژمنې ورځ بولي او یادونه یې کړې چې افغان ښځې هیڅکله د ظلم پر وړاندې خاموشې نه پاتې کېږي.

د افغانستان رسنیو د ملاتړ سازمان په اعلامیه کې ویلي چې د افغان کډوالو، په ځانګړې توګه د افغان خبریالانو روان وضعیت په پاکستان کې خورا اندېښمن دی. په اعلامیه کې راغلي چې د نړیوالو قوانینو سره سره افغانان په پاکستان کې د مجرمانو په څېر چلند سره مخ دي.

امسو زیاته کړې چې د پولیسو له‌خوا د افغانانو نیول او د کمپونو پر ځای زندانونو ته د هغوی لېږدول غیرانساني اقدامات دي. د سازمان په وینا، تر ټولو بوږنوونکې پېښه دا ده چې یوه افغان خبریاله د خپلې کورنۍ له دوو نورو ښځینه غړو سره درې ورځې مخکې د اسلام‌اباد په یو زندان کې بندي شوې ده. د امنیتي دلایلو له مخې د نوموړې خبریالې هویت نه‌دی افشا شوی، خو تر دې مخکې هم یوه بله افغان خبریاله ورته برخلیک سره مخ شوې وه.

سازمان ټینګار کړی چې دا خبریاله او لسګونه نور مسلکي کادرونه د خپل هېواد د ناوړه امنیتي وضعیت او د ژوند د ګواښونو له امله پاکستان ته پناه وړې ده، او پوښتنه کوي: «ایا د خپل ژوند د ژغورنې لپاره هجرت کول جرم دی؟»

امسو له پاکستاني حکومت غوښتي چې نیول شوې خبریاله او د هغې کورنۍ سملاسي خوشې کړي او د افغان خبریالانو پر وړاندې ځورونې پای ته ورسوي. همداراز، سازمان له ملګرو ملتونو او د خبریالانو د خوندیتوب نړیوالو بنسټونو غواړي چې د پناه‌غوښتونکو د حقونو د ساتنې لپاره پاکستاني حکومت باندې فشار راوړي.

اعلامیه پای کې له نړیوالې ټولنې، اروپا، امریکا او نورو هېوادونو کې مېشتو افغان خبریالانو، رسنیو او د رسنیو فعالانو غوښتنه کوي چې د بې‌عدالتۍ او بندي شویو خبریالانو ستونزې راپورته کړي او د عدالت غږ پورته کړي.

رسنیو ته سرچینو تایید کړې چې پاکستاني پلاوی، چې پکې مولوي فضل الرحمن خلیل، مولوي عبدالله شاه مظهر او مولوي ساجد عثمان شامل دي، په کابل کې د طالبانو له استازو سره خبرې کوي.

پاکستاني چارواکو د سمدستي پوښتنو ځواب نه دی ورکړی چې ایا دا پلاوی په رسمي ماموریت افغانستان ته تللی؟ او ددې ترڅنګ د ماموریت محتوا هم نه ده افشا شوې.

د طالبانو نشراتي ادارې المرصاد هم په ایکس تایید کړې چې، د پاکستان پوځ او ادارې د افغانستان د وضعیت له مخې د خبرو اترو غوښتنه کړې ده.

المرصاد ټینګار کړی چې طالبان د خپلې خاورې او خلکو د دفاع ترڅنګ د خبرو دروازې پرانستې ساتلي، خو یوازې هغه وخت به د مذاکراتو میز ته کېني چې د پاکستاني پلاوي نیت صادقانه وي او هڅه د کمزوریو پټولو یا وخت ضایع کولو لپاره نه وي.