د ایران پرضد د پوځي فشار زیاتېدو سره هم‌مهاله؛ د برېتانیا اټومي اوبتل عرب سمندر ته ورسېد

د سریلانکا حکومت د یکشنبې په ورځ د تېلو بیې لوړې کړې، چې دغه بیې له تېرو دوو اوونیو راهیسې د دویم ځل لپاره لوړې شوې دي. د یادې پرېکړې موخه د منځني ختیځ د جګړې له امله د انرژۍ احتمالي کمښت ته چمتووالی ښودل شوی.

د نوو بیو له مخې؛ عادي پټرول له ۳۱۷څخه ۳۹۸ روپیو ته لوړ شوی او ډیزل چې تر ډېره د عامه ترانسپورټ لپاره کارېږي، ۳۸۲ روپیو ته رسېدلی دی. چارواکي وايي، تمه ده چې د بیو په لوړولو سره به د تېلو مصرف له ۱۵ تر ۲۰ سلنې پورې راکم شي.

د سریلانکا ولسمشر انورا کومارا دیسانایکه ویلي، چې هېواد یې باید د منځني ختیځ د اوږدې جګړې لپاره چمتووالی ونیسي؛ ځکه دغه وضعیت د سریلانکا د انرژۍ پر رسولو مستقیم اغېز کولای شي.

د سریلانکا حکومت دارنګه د اوونۍ کاري ورځې څلورو ته راکمې کړې او له ادارو یې غوښتي، چې د امکان په صورت کې له کور څخه د کار کولو سیسټم فعال کړي.

د امریکا ولسمشر ډونالډ ټرمپ د شنبې په شپه اعلان وکړ، که ایران د هرمز تنګي د پرانیستلو په اړه ټاکل شوی ضرب الاجل رعایت نه‌کړي؛ نو دوی به د ایران ټولې د انرژۍ فابریکې په نښه کړي او دغه لړۍ به له تر ټولو لویو فابریکو پیل کړي.

ټرمپ مخکې خبریالانو ته ویلي و، چې امریکا په یوه ساعت کې د ایران د برېښنا تولیدي ظرفیت په بښپړه توګه له‌منځه وړلای شي؛ خو زیاته کړې یې وه چې د دغه اقدام اراده نه‌لري.

د ایران د انرژۍ وزارت د معلوماتو له مخې؛ دماوند، کرمان او رامین خوزستان فابریکې د ایران تر ټولو سترې د برېښنا رسونې مرکزونه دي.

هغه وایي، په دغه موده کې یې د همکارو بنسټونو په ملاتړ ۶۴،۴۴ کیلو متره ځمکه له ناچاوده توکو پاکه کړې چې په ټولیز ډول یې ۷زره او ۵۲۲ ماینونه او ناچاوده توکي کشف او شنډ کړي دي.

د هغه په وینا؛ تر دوه مېلیونه ډېرو کسانو ته یې د ماینونو او ناچاوده توکو په اړه عامه پوهاوی هم ورکړی دی.

هغه زیاته کړې، چې په یاده موده کې د ملاهبت الله د حکم له مخې د کندهار ولایت د سپین بولدک ولسوالۍ اړوند په وېش بازار کې د اورلګېدنې له امله زیانمنو سوداګرو ته ۲۰۰مېلیونه افغانۍ نغدي مرسته ورکړل شوې ده.
هغه وړاندې ویلي، چې په تېرکال کې د راستنېدونکو کډوالو لپاره څلور لنډمهاله پنډغالي هم جوړ شوي دي.

اکسیوس خبري اژانس د یوه امریکایي چارواکي او یوې باخبره سرچینې له قوله راپور ورکړی، چې د ډونالد ټرمپ حکومت د ایران په وړاندې د راتلونکو ګامونو او د احتمالي سولې د خبرو اترو د پیل په اړه لومړنۍ ارزونې پیل کړې دي.

د امریکایي چارواکو په خبره؛ تمه ده چې شخړه له ایران سره دوه تر درې اونیو پورې دوام وکړي. په دې منځ کې جرد کوشنر او سټیف ویتکاف په هغو خبرو اترو کې برخه لري، چې د احتمالي ډیپلوماتیکو اړیکو لپاره ترتیب شوې دي.

سرچینې وايي، چې په وروستیو ورځو کې مستقیم تماس د امریکا او ایران ترمنځ نه‌دی شوی؛ خو مصر، قطر او بریتانیا د دواړو خواوو ترمنځ پیغامونه لیږلي دي. ایران د خبرو اترو لپاره خپله لېوالتیا څرګنده کړې؛ خو د اوربند، د جګړې د بیا نه پیلولو تضمین او د تاوان د ورکړې په ګډون سخت شرطونه لري.

یوه امریکایي چارواکي ویلي، واشنګټن له تهران څخه شپږ ژمنې غواړي چې په‌کې د پنځو کلونو لپاره د توغندیو پروګرام بندول، د یورانیمو غني کول صفر ته رسول، د نطنز، اصفهان او فردو تاسیساتو تړل، سخته څارنه، د سیمه‌ییزو وسلو د کنټرول تړونونه او د نیابتي ځواکونو مالي ملاتړ بندول شامل دي.

بنیامین نتنیاهو پر اېکس پاڼه د روان وضعیت او د تېرې شپې په اړه ویلي، چې دا «د هېواد د راتلونکي لپاره یوه ډېره سخته شپه» ده. نوموړي زیاته کړه، چې د اراد له ښاروال سره یې خبرې کړې او د ټپیانو لپاره یې دعا کړې ده.

هغه ویلي: «اړوندو ادارو ته لارښوونه شوې، چې د ټولو حکومتي بنسټونو په همکارۍ اړینې مرستې برابرې کړي». نتنیاهو همداراز د بېړنیو خدمتونو او ژغورنې ځواکونو ستاینه کړې او ټینګار یې کړی، چې خلک باید د ملکي دفاع د لارښوونو پیروي وکړي.

نوموړي په پای کې ویلي: «موږ هوډ لرو چې په ټولو جبهو کې خپلو دښمنانو ته ضربه ورکړو».