افغانستان او منځنۍ اسیا ته د روسیې او بلاروس د سون توکو واردات زیات شوي
د رویټرز خبري اژانس د راپور له مخې، افغانستان او د منځنۍ اسیا هېوادونو د رېل پټلۍ له لارې له روسیې او بلاروس څخه د سون توکو واردات زیات کړي دي.
په راپور کې د سوداګرو له قوله ویل شوي، چې د ۲۰۲۶ کال په لومړیو دریو میاشتو کې د افغانستان او منځنۍ اسیا هېوادونو د سون توکو واردات شاوخوا ۵۰ سلنه زیات شوي دي.
د معلوماتو له مخې، د جنوري، فبروري او مارچ په میاشتو کې دغو هېوادونو ته د سون توکو عرضه ۳،۳۴۷ میلیون متریک ټنو ته لوړه شوې ده.
راپور زیاتوي، له هغه وخت راهیسې چې اروپايي ټولنې د ۲۰۲۳ کال په فبرورۍ کې د روسیې پر نفتي محصولاتو بندیزونه ولګول، افغانستان او د منځنۍ اسیا هېوادونه د روسیې د سون توکو له مهمو بازارونو څخه ګرځېدلي دي.
کارپوهان وایي، دا بدلون د نړیوالو بندیزونو او د انرژۍ بازار د بدلېدونکو شرایطو پایله ده، چې له امله یې روسیه هڅه کوي خپل صادرات نوي بازارونو ته واړوي.
