د جرمني د دفاع وزیر د امریکايي ځواکونو له کمېدو وروسته د اروپا پر پیاوړي دفاع ټینګار وکړ
د جرمني د دفاع وزیر بوریس پیستوریوس اعلان وکړ، چې له جرمني څخه د ۵۰۰۰ امریکایي سرتېرو وتل باید د دې لامل شي چې اروپایان خپله دفاع نوره هم پیاوړې کړي.
د جرمني د دفاع وزیر ویلي، چې له جرمني څخه د امریکايي سرتېرو پلان شوې پریکړه باید اروپايي هېوادونه دې ته وهڅوي چې خپلې دفاعي وړتیاوې لاپسې پیاوړې کړي.
د جرمني د دفاع وزیر بوریس پیستوریس ویلي، چې دا پرېکړه تمه کېدونکې وه.
د جرمني د دفاع وزیر زیاته کړې، چې د سرتېرو ایستل به په جرمني کې د امریکا پر شاوخوا ۴۰ سرتېرو اغېز وکړي. «موږ اروپایان باید د خپلې امنیتي ساتنې ډېره برخه خپله پر غاړه واخلو.»
نوموړي ټینګار وکړ چې جرمني د خپلو وسله والو ځواکونو پر پراخلو، د پوځي تجهیزاتو د تدارکاتو په چټکولو او د بنسټیزو تاسیساتو په جوړولو سره په سم لوري روان دی.
د سرتېرو د ایستلو دا لړۍ وروسته له هغه توده شوه چې ډونالډ ټرمپ د جرمني له لومړي وزیر فریدریښ ميرز سره په منځني ختیځ کې د واشنګټن پر ستراتیژۍ له ناندریو وروسته، د ځواکونو د ایستلو ګواښ وکړ.
