۵۷ اسلامي هېوادونو په افغانستان کې پر ښځو د بندیزونو لرې کولو غوښتنه کړې

طالبانو ویلي، چې د سې شنبې په ورځ یې په میدان وردګو ولایت کې د خبریالانو فکري، عقیدوي او مسلکي ظرفیت لوړونې په موخه سیمینار جوړ کړی و.

یاد سمینار ته د وینا پرمهال د طالبانو د چارو ادارې رییس نورالحق انور ادعا کړې، چې بهرنۍ رسنۍ د یادې ډلې د اطاعت او یووالي د کمزوري کولو هڅه کوي.

نوموړي زیاته کړې:« بهرنۍ رسنۍ د بیان ازادي موږ ته په داسې بڼه وړاندې کوي چې زموږ له دیني او ټولنیزو ارزښتونو سره توپیر لري او په پایله کې یې زموږ د اطاعت او یووالي د کمزوري کولو هڅه کېږي».

نوموړي یادې څرګندونې پرداسې مهال کړي، چې یادې ډلې په افغانستان کې پر ټولو کورنیو رسنیو سخت محدودیتونه لګولي او د رسنیو ټول فعالیتونه سانسور کېږي.

د امریکا د جورجیا د ایالتي پولیسو د راپور له مخې، دغه پېښه د تېرې اپریل میاشتې پر ۲۳مه نېټه هغه مهال وشوه چې تورن کواډرامیل ویلیامز د پولیسو له اشارې وروسته د تېښتې هڅه وکړه او له بل موټر سره یې ټکر وکړ.

د محکمې د اسنادو له مخې، کواډرامیل ویلیامز د جولای میاشتې پر اتمه نېټه د قتل په دوو جرمي مواردو، له پولیسو څخه په تېښته او د ميتامفیتامین د وئشلو د نیت په تور تورن شوی دی.

په دې ترافیکي پېښه کې ۳۶ کلن افغان خبریال حبیب الله عزیزي او ۱۸ کلن تریجون انتوني وژل شوي دي. انتوني له موټر څخه بهر لوېدلی و او عزیزي روغتون ته له لېږدول کېدو وروسته د سختو ټپونو له امله ساه ورکړه.

اسناد ښيي چې تورن ویلیامز پر سړک له ټاکل شوي سرعت څخه په ساعت کې شاوخوا ۲۰ مایله زیات سرعت درلود او د درېدو د غږیزو او نورو اشارو له ورکولو وروسته هم ونه درېد.

حبیب الله عزیزي چې په دې پېښه کې یې ژوند له لاسه ورکړی، په یوه خیریه انلاین پاڼه کې د یوه افغان عکاس خبریال په توګه معرفي شوی چې په ساوانا ښار کې یې ژوند کاوه.

د محکمې د اسنادو پر بنسټ، پولیسو د تورن کواډرامیل ویلیامز له موټر څخه ميتامفیتامین مخدره توکي هم ترلاسه کړي دي او نوموړی اوسمهال په بند کې دی.

حبیب الله عزیزي له یوې لسیزې زیاته موده په افغانستان کې له طلوع نیوز سره د کامره مین په توګه کار کړی و او د جمهوریت له پرځېدو وروسته هغه امریکا ته کډوال شوی و.

فضلي پر خپل ایکسی لیکلي د پښتنو او بلوڅو تاریخي پیوستون کومه نوې پدیده نه ده، بلکې دواړه ولسونه ګډ دښمن او ګډ برخلیک لري.

د نوموړي په وینا، پښتانه او بلوڅ د استعمار او د هغه د شومو توطیو پر وړاندې د اوږدې مبارزې ګډ تاریخ لري.

فضلي زیاته کړې، پاکستان چې نوموړي د استعمار پوسته بللې، اوس هم هڅه کوي د اجیرو او مصنوعي ملېشو په رامنځته کولو سره د پښتنو او بلوڅو تاریخي پیوستون، ورورګلوي او ګډه مبارزه کمزورې کړي.

هغه ټینګار کړی، چې د پښتنو او بلوڅو ترمنځ تاریخي پیوستون ژورې ریښې لري، تلپاتې دی او په توطیو نه ماتېږي.

د نوموړي په وینا، همدا د افغانانو روښانه او ثابت دریځ دی.

د طالبانو د پکتیکا امنیه قومندانۍ نن سې شنبه، د چنګاښ پر ۲۳مه په خپره شوې خبرپاڼه کې لیکلي، چې په دغه ټانکر موټر کې په ډېر مهارت سره لرګي ځای پر ځای شوي وو او غوښتل یې چې په ناقانونه توګه یې بل ځای ته ولېږدوي.

د پکتیکا د طالبانو مسوولینو په وینا، دغه موټر د سروبي ولسوالۍ د رباط له سیمې څخه بار شوی و او غوښتل یې چې دغه لرګي غزني ولایت ته یوسي.

د طالبانو د پکتیکا ولایت د امنیه قوماندانۍ د معلوماتو له مخې، یاد ناقانونه بار د سروضې ولسوالۍ اړوند د پړاو په سیمه کې د ځنګلونو د ساتنې او څارنې قطعې د سرتېرو له خوا کشف او ونیول شو.

د دغه قاچاقي لېږد په تړاو د یاد ټانکر موټر چلوونکی هم نیول شوی دی.

د طالبانو د پکتیکا ولایت امنیتي چارواکو زیاته کړې، چې نیول شوی موټر چلوونکی دا مهال د دوی په توقیف کې دی او د پېښې په اړه ترې پوښتنې او ګروېږنې روانې دي.

د قزاقستان د صنایعو وزیر یرساین ناګاسپایف ویلي چې د روان کال په لومړۍ نیمایي کې د فلزاتو په سکټور کې د تولید کچه ۹۷،۳ سلنې ته رسېدلې وه. د ناګاسپایف په وینا، په دغه سکټور کې د تولید کمښت د فابریکو د منظمې بیارغونې او د هېواد د کاني زېرمو د تدریجي زوړوالي له امله رامنځته شوی و.

د دې ستونزې د هواري لپاره قزاقستان پر کورنیو تولیداتو د تمرکز تر څنګ، له افغانستان او قرغیزستان څخه د خامو موادو د واردولو تړونونه کړي دي.

د قزاقستاني رسنیو د راپورونو له‌مخې، په وروستیو میاشتو کې د قزاقستان د فلزاتو د فابریکو لپاره د مسو، جستو او سرو زرو د خامو موادو په رسولو کې زیاتوالی راغلی، چې له امله یې صنعتي وده ۱،۸ سلنه نوره هم ښه شوې ده. یرساین ناګاسپایف زیاته کړې چې د نویو تولیدي فابریکو په پرانیستل کېدو سره، د قزاقستان د تولیداتو سکټور په لومړۍ نیمایي کې ۹،۸ سلنه وده کړې ده.