کویټ: په خپل هوايي حریم کې مو څو بالستیک توغندي او بې‌پیلوټه الوتکې شنډې کړي

د امریکا د بهرنیو چارو وزارت په خپره کړې خبرپاڼه کې ویلي، دواړو لوریو د لبنان او اسراییل ترمنځ د خبرو د درې اړخیز چوکاټ د عملي کېدو پر څرنګوالي بحث وکړ.

د خبرپاڼې له مخې، مارکو روبیو په دې لیدنه کې د یاد چوکاټ د بریالي پلي کېدو لپاره د متحده ایالاتو پر ژمنتیا ټینګار کړی او ویلي یې دي چې واشنګټن به د دې بهیر ملاتړ ته دوام ورکړي.

د امریکا د بهرنیو چارو وزارت د دواړو چارواکو د خبرو نور جزئیات نه دي خپاره کړي، خو ویلي یې دي چې د سیمې ثبات او د هوکړو عملي کېدل د دواړو لوریو د بحث مهمې برخې وې.

دغه لیدنه داسې مهال شوې چې امریکا د لبنان او اسراییل ترمنځ د امنیتي او سرحدي تفاهماتو د عملي کېدو په برخه کې د ملاتړ پر دوام ټینګار کوي.

د قطر د بهرنیو چارو وزارت په یوه اعلامیه کې ویلي، دا ډول ادعاوې د هغو کسانو له لوري مطرح کېږي چې غواړي سیمه د لا ډېرو شخړو او کړکېچونو پر لور بوځي.

د دغه وزارت په وینا، قطر نه پخوا او نه هم په راتلونکي کې د خپلو ګاونډیو هېوادونو، د ایران په ګډون، پر ضد په هېڅ ډول پوځي اقدام کې ګډون کړی او نه به هم ګډون وکړي.

د قطر د بهرنیو چارو وزارت ټینګار کړی چې د دوحې بهرنۍ تګلاره د خبرو اترو، منځګړیتوب او د شخړو د سوله‌ییز حل پر بنسټ ولاړه ده او د سیمه‌ییز ثبات او امنیت ملاتړ کوي.

د قطر دغه څرګندونې داسې مهال کېږي چې په وروستیو ورځو کې د امریکا او ایران ترمنځ د کړکېچ د زیاتېدو او د احتمالي پوځي اقداماتو په اړه بېلابېل راپورونه خپاره شوي، او په همدې لړ کې ځینو اسراییلي رسنیو د قطر د احتمالي رول په اړه هم ادعاوې کړې وې، چې دوحې یې اوس په رسمي ډول رد کړې دي.

د ترلاسه شویو راپورونو له مخې، د شپې شاوخوا ۹:۱۰ بجې د قدس ښار په اسمان کې د جنګي الوتکې غږ اورېدل شوی دی.

همداراز، د اراک ښار یوه اوسېدونکي ویلي چې د جنګي الوتکو کمزوري غږونه یې اورېدلي، چې ښايي د تهران یا کرج پر لور روانې وې.

په همدې حال کې، د اهواز ښار اوسېدونکو ویلي چې د شپې شاوخوا ۱۰:۳۰ بجې په دغه ښار کې د څو زورورو چاودنو غږونه واورېدل شول، چې د دوی په وینا، یو شمېر یې د «درې لارې تپې» له سیمې څخه اورېدل کېدل.

تر اوسه ایراني چارواکو د دغو راپورونو په اړه رسمي څرګندونې نه دي کړې او د چاودنو یا د جنګي الوتکو د فعالیت په اړه یې معلومات نه دي خپاره کړي.

د دغه راپور له مخې، چې د پنجشنبې په ورځ، د چنګاښ په ۲۵مه خپور شوی، اسراییلي چارواکي باور لري چې امریکا ښايي په راتلونکو ورځو کې خپل بریدونه د ایران تر غیرپوځي بنسټونو هم وغځوي.

راپور زیاتوي، په تل‌ابیب کې داسې اټکل کېږي چې که د واشنګټن او تهران ترمنځ روان کړکېچ کم نه شي، نو راتلونکې اوونۍ به د دواړو لورو ترمنځ د شخړې د لا پراخېدو احتمال موجود وي.

دا په داسې حال کې ده چې د امریکا ولسمشر ډونالډ ټرمپ په وروستیو ورځو کې څو ځله ویلي، که د ایران اسلامي جمهوریت بېرته د خبرو مېز ته حاضر نه شي، امریکا به د ایران پر بنسټیزو زېربناوو او پلونو خپل بریدونه پراخ کړي.

تر اوسه ایراني چارواکو د اسراییل د ۱۲ کانال د دغه راپور په اړه رسمي غبرګون نه دی ښودلی، خو تهران تر دې وړاندې ټینګار کړی چې د بهرني فشار او پوځي ګواښونو تر سیوري لاندې به خبرو ته حاضر نه شي.

د امریکا او ایران ترمنځ د کړکېچ له زیاتېدو سره، په سیمه کې د احتمالي پوځي نښتو او د امنیتي وضعیت د خرابېدو په اړه اندېښنې هم زیاتې شوې دي.

سنټکام په یوه اعلامیه کې ویلي، دا بریدونه د پنځمې پرله‌پسې شپې لپاره ترسره کېږي او موخه یې د ایران د اسلامي جمهوریت د پوځي وړتیاوو لا ډېر کمزوري کول دي.

د امریکا پوځ ویلي، د دغو عملیاتو په ترڅ کې هغه هدفونه په نښه کېږي چې د ایران د پوځي ظرفیت برخه ګڼل کېږي، خو د بریدونو د دقیقو سیمو، زیانونو او تلفاتو په اړه یې نور جزئیات نه دي ورکړي.

دا بریدونه په داسې حال کې دوام لري چې په وروستیو ورځو کې د امریکا او ایران ترمنځ پوځي کړکېچ زیات شوی او دواړه لوري یو پر بل د بریدونو او متقابلو اقداماتو ادعاوې کوي.

تر اوسه ایراني چارواکو د سنټکام د دې وروستۍ ادعا په اړه رسمي غبرګون نه دی ښودلی او د بریدونو د پایلو په اړه هم خپل معلومات نه دي خپاره کړي.