ټایم مجلې د افغان نجونو د زدهکړو ملاتړې او د «سوله» ښوونځي شریکه بنسټګره او مشره شبانه بسیج راسخ د ۲۰۲۶ کال د ۱۰۰ اغېزناکو ځوانو څېرو په نوملړ کې شامله کړې ده. په دې کلني نوملړ کې هغه سل کسان شامل دي چې په خپلو برخو کې مهم کارونه کوي او راتلونکی بدلوي.
د افغانستان لپاره د روسیې د ولسمشر ځانګړي استازي ضمیر کابلوف د اسلام اباد کنفرانس ته د وینا پرمهال ویلي، مسکو د یوه سولهییز او له اقتصادي پلوه پر ځان بسیا افغانستان غوښتونکی دی.
د طالبانو د ترانسپورت او هوايي چلند وزارت د هوا پوهنې ادارې خبر ورکړی چې سبا د تلې ۹مه په ۱۲ ولایتونو کې د سختو بارانونو، تالندې او برېښنا، تېزو بادونو او سېلابونو راوتو اټکل شوی.
د طالبانو تر واک لاندې د افغانستان بانک لومړی مرستیال صدیقالله خالد وايي، د نړیوالو اقتصادي کړکېچونو سربېره، توانېدلي چې د تېر کال په اوږدو کې د سیمې او نړۍ د ډېرو اسعارو په پرتله د افغانۍ ارزښت او ثبات ثابت وساتي.
د پاکستان د بهرنیو چارو وزارت خبر ورکړی چې په سومالیا کې د تېلو د تښتول شوې بېړۍ د ژغورنې په عملیاتو کې د درېیو پاکستاني وګړو په ګډون پنځه کسان وژل شوی دي.
ایران د حکومت یوه ویاند د چهارشنبې په ورځ وویل چې د خلیج د اوربند د بیا ټینګولو لپاره یې د خپل وروستي وړاندیز په اړه د امریکا ځواب ترلاسه کړی دی. دا اعلان څو ورځې وروسته له هغې شوی چې د امریکا ولسمشر ډونالډ ټرمپ وویل دغه وړاندیز یې رد کړی دی.
په اسلام اباد کې د طالبانو مخالفینو ویلي چې د طالبانو اوسنۍ اداره د افغانانو استازې نه ده او د مشروعیت له جدي ننګونو سره مخ ده. دوی د ښځو پر زده کړو او کار د طالبانو پر بندیزونو او په افغان خاوره کې د وسله والو ډلو پر فعالیت نیوکه کړې ده.
د افغانستان د ازادۍ جبهې د سیاسي کمېټې رییس داود ناجي وايي، چې طالبانو د چارشنبې د سهار راهیسې د بدخشان په زيباک کې د یادې جبهې د ځواکونو پر مرچلو څو ځله بریدونه کړې دي. د نوموړي په خبره چې د طالبانو یاد بریدونه د ازادۍ جبهې د کومانډو ځواکونو له متقابل ځواب سره مخ شوي دي.
روسیې ناټو ته خبرداری ورکړی، چې که د بالتیک سمندر پر غاړه د روسیې د کالینینګراد سیمې د منزوي کولو یا محاصرې هڅه وشي، مسکو به د خپلو سیمو د دفاع لپاره له اټومي وسلو په ګډون له ټولو ممکنه وسایلو کار واخلي. خو ناټو د مسکو اټومي څرګندونې «غیرمسوولانه» بللې دي.
د طالبانو د عامې روغتیا وزیر نور جلال جلالي بېلاروس ته د خپل سفر په لړ کې د دغه هیواد د درمل جوړونې له دولتي فابریکې لیدنه کړې. طالبانو ویلي چې جلالي د بېلاروس روغتیا وزارت له مرستیال سره د دواړو هېوادونو ترمنځ د درمل جوړونې د همکاریو پر پراختیا هم غږېدلی دی.
د پاکستان د سند ایالت عالي محکمې د طبي بنسټونو افغان محصلانو ته په جناح طبي پوهنتون کې د زده کړو د بېرته دوام اجازه ورکړې ده. د سند د عالي محکمې د حکم لهمخې په لیلیو کې د پاتې کېدو لپاره د افغان محصلانو لنډمهاله ملاتړ هم غوځول شوی دی.
په تخار کې د طالبانو رسنیز دفتر ویلي چې په چاه اب ولسوالۍ کې د سرو زرو د یوه کان نړېدو له امله ۱۰ کسان تر خاورو لاندې شوي دي. طالبانو ویلي چې د کان کېدنکو د ژغورلو عملیات دوام لري.
د طالبانو تر واک لاندې د احصایې او معلوماتو ادارې ویلي چې ۱۴۰۵ کال په لومړیو شپږو میاشتو کې د هېواد په کچه ۷۱ زره او ۳۴۷ د زېږون کارتونه وېشلي دي.
د طالبانو د سرحدونو، قومونو او قبایلو چارو وزیر ملا نورالله نوري په یوه ولسي غونډه کې د یادې ډلې مخالفو جبهو په ځانګړې ټوګه مقاومت جبهې ته خبرداری ورکړی، چې د افغانستان د نا امنه کولو هڅه دې نهکوي کهنه له بدو پایلو سره مخ به مخ شي.
طالبانو د پانګونې بین الوزارت کمېټې په غونډه کې د هرات په اسلام کلا بندر کې د ۱۰ زره ټنه په ظرفیت د نفتو او ګازو د زېرمو جوړولو طرحه تایید کړې ده. طالبانو ویلي چې د نفتو او ګازو د زېرمې په یادو تاسیساتو کې به شاوخوا درې زره کسانو ته د کار زمینه هم برابره شي.
د طالبانو د امارتي شرکتونو عمومي ریاست ویاند محمد نبي بهار ویلي چې په ننګرهار کې د تېرکال په پرتله سږکال د مالټو په حاصلاتو کې له ۳۰ تر ۴۰ سلنې زیاتوالي اټکل شوی دی. نوموړي په خبره سږکال به د ننګرهار د مالټو بڼونه څه باندې ۸ زره ټنه حاصلات ولري.
د افغانستان د رسنیو ملاتړ سازمان (امسو) ویلي، چې د «افغان غږ (اوا)» خبري اژانس د فعالیتونو درول او د دغه اژانس د خبریالانو نیول د اندېښنې وړ دي او د رسنیو د ازاد فعالیت پر وړاندې جدي ستونزې رامنځته کوي.
طالبانو په تخار کې د یوې دیني مدرسې ښوونکی له هغه وروسته نیولی، چې یو زدهکوونکی یې سخت وهلی و. د مدرسې دغه ښوونکی وروسته له هغې ونیول شو، چې په وروستیو ورځو کې پر خواله رسنیو د نوموړي د وهلو ویډیو په پراخه کچه خپره شوه.
د طالبانو برېښنا شرکت رسنیز دفتر وايي، د طالبانو يو پلاوي د تاجکستان د برېښنا شرکت له مشر سره په لیدنه کې له تاجکستان نه د واردېدونکې برېښنا کچې پر زیاتوالي، د برېښنا لېږد مزو پر پراختیا، د برېښنا کیفیت، تعرفې او د پانګونې پر فرصتونو خبرې کړې دي.
په پاکستان کې د طب یوشمېر افغان محصلین وایي، سره له دې چې د پنجاب، خیبر پښتونخوا او سند ایالتونو عالي محکمو د افغان محصلینو د اېستلو په اړه د پاکستان د طبي شورا پرېکړه ځنډولې؛ خو لاهم په ځینو پوهنځیو کې ټولګیو ته د داخلېدو اجازه نه ورکول کېږي.
پاکستان او ازبکستان د اقتصادي همکاریو پراختیا او د ازبکستان ـ افغانستان ـ پاکستان د رېل پټلۍ پروژې د عملي پړاوونو پر مخ وړلو هوکړه کړې ده.