په پاکستان کې د طب یوشمېر افغان محصلین وایي، سره له دې چې د پنجاب، خیبر پښتونخوا او سند ایالتونو عالي محکمو د افغان محصلینو د اېستلو په اړه د پاکستان د طبي شورا پرېکړه ځنډولې؛ خو لاهم په ځینو پوهنځیو کې ټولګیو ته د داخلېدو اجازه نه ورکول کېږي.
پاکستان او ازبکستان د اقتصادي همکاریو پراختیا او د ازبکستان ـ افغانستان ـ پاکستان د رېل پټلۍ پروژې د عملي پړاوونو پر مخ وړلو هوکړه کړې ده.
د طالبانو ویاند ذبیحالله مجاهد وايي، دغه ډله له ټولو هېوادونو سره د اړیکو د ټینګښت هڅه کوي او غواړي د نورو هېوادونو باور ترلاسه کړي. ورته مهال هغه ومنله، چې لاهم ځینې هېوادونه له طالبانو سره تعامل ته چمتو نهدي.
د ایران ولسمشر مسعود پزشکیان ویلي، چې طالبان او ځینې هېوادونه د دوستانه اړیکو سربېره خپلې ګټې او محاسبې هم څاري. هغه وويل: «عراق، افغانستان، پاکستان، اذربایجان او نور دوست او ګاونډي هېوادونه له موږ سره مرسته کوي؛ خو دوی خپلې محاسبې هم لري».
په خیبر پښتونخوا کې د دغه ایالت د پخواني والي شوکتالله خان په مشرۍ یوې قومي جرګې د سیاسي کړکېچ کمولو لپاره هڅې پیل کړې دي. یادې جرګې د پښتونخوا له والي فیصل کریم کونډي او سر وزیر سهیل اپریدي سره جلا، جلا ناستې کړې دي.
افغان ۲۰کلن ځوان حکمتالله رحماني د ناګویا اسیایي لوبو د جودو ۶۶ کیلوګرامه وزن په کټګورۍ کې له یوې بریا او یوې ماتې وروسته له سیالیو بهر شو. رحماني لومړی د کمبوډیا سیال په وړاندې بریا ترلاسه کړه؛ خو په بل پړاو کې یې د منګولیا د یوه استازي په وړاندې ماتې وخوړه او له لوبو بهر شو.
د پاکستان د پخواني لومړي وزیر عمران خان د تره زوی قاسم زمان ادعا کړې، چې د عمران خان درې خویندو علیمه خان، عظمی خان او نورین نیازۍ له تېرو دوو ورځو راهیسې د نه خوړو اعتصاب کړی دی.
یو نوي څېړنیز راپور موندلې، چې په افغانستان کې د معلولیت لرونکو کسانو وضعیت د ۲۰۲۱کال تر اګست وروسته په بېساري ډول کړکېچن شوی، روغتیايي او ښوونیز خدمتونو ته یې لاسرسی محدود شوی، اقتصادي ستونزې یې زیاتې شوې او ښځې او نجونې له څو اړخیزو محدودیتونو او تبعیض سره مخامخ شوې دي.
د خیبر پښتونخوا په صوابۍ ولسوالۍ کې یو کس د ټیکټاک ویډیو جوړولو پر سر خپله خور او خورزه په ډزو وژلې دي. پولیس وایي، چې دغه پېښه د صوابۍ ولسوالۍ په ګاډون سیمه کې شوې ده.
د کډوالۍ نړۍوال سازمان وايي، د ۲۰۲۶کال د سپټمبر له ۱۳مې تر ۲۶مې نېټې پورې له ایران او پاکستان نه ۹۵زره او ۶۷۱ کسان افغانستان ته داخل شوي؛ په داسې حال کې چې په همدې موده کې ۴۱زره او ۸۹۶ کسان له افغانستان نه وتلي دي.
ځایي سرچینو د سېشنبې په ورځ (د تلې ۷مه) افغانستان انټرنشنل ته ویلي، چې د بدخشان د پنځمې ناحیې په بيبي اسما جومات کې ملا د محمد په نوم یو ماشوم سخت وهلی دی. سرچینو ویلي، چې محمد یتیم دی او مور یې د شکایت ثبتولو د پایلې له وېرې قضیې ته له رسېدنې ډډه کړې ده.
د امریکا د کورني امنیت وزارت د سرپلټونکي دفتر په یوه نوي راپور کې ویلي، د هغه افغانانو د پناه غوښتنې په نږدې ۴۰ سلنه دوسیو کې نیمګړتیاوې موندل شوې چې د ۲۰۲۱کال له اګست وروسته د «اپرېشن الایز ویلکم» پروګرام له لارې امریکا ته لېږدول شوي وو.
سره له دې چې واشنګټن پر ۲۷ ایراني هوايي شرکتونو بندیزونه لګولي او د سیمې په ځینو هېوادونو کې د ایراني هوايي شرکتونو الوتنې ځنډول شوې، په افغانستان کې د ایراني هوايي شرکتونو فعالیتونه لاهم له کوم بدلون پرته دوام لري.
په پنجشېر کې د طالبانو د والي ویاند سیفالدین لټون خبر ورکړی، چې په دغه ولایت کې د داوطلبۍ له لارې ۶زره او ۶۳۹ قيراطه زمرد د ۷ مېلیونه، ۳۴۱زره او ۵۰۰ افغانیو په ارزښت پر کورنیو سوداګرو پلورل شوي دي.
په نیمروز کې د طالبانو د امنیه قوماندانۍ ویاند ګل محمد قدرت وايي، چې د زرنج-دلارام پر لویه لار د یوې ترافیکي پېښې له کبله یو کس مړ او ۸ نور ټپیان شوي دي. نوموړي ویلي، ټپیان نږدې روغتیايي مرکز ته لېږدول شوي دي.
په ډنمارک کې مېشت افغان خبریال او مستندساز نجیب خواجه وایي، د افغانستان د وروستیو لسیزو تر ټولو دردناک حقیقت دا دی چې عام افغانان د ټولو سیاسي او پوځي بدلونونو اصلي قربانیان پاتې شوي دي.
د امریکا د کانګرس یوشمېر غړو د دغه هېواد د بهرنیو چارو او د کورني امنیت وزیرانو ته په یوه لېږلي لیک کې غوښتنه کړې، د هغه افغان متحدینو او د هغوی د کورنیو وضعیت ته دې بېړنۍ پاملرنه وشي چې لاهم له هېواده بهر له ناروښانه برخلیک سره مخ دي.
د کاتو انسټیټیوټ په یوې نوې ارزونې کې راغلي، چې د ډونالډ ټرمپ تر بیا واکمنېدو وروسته امریکا ته د افغانانو قانوني کډوالي او د کډوالو د منلو کچه نږدې ۹۹.۸ سلنه راکمه شوې ده.
د «افغانستان د تحلیلګرانو شبکې» ویلي، چې افغان ماشومان د شري ناروغۍ له ګواښ څخه یوازې په بېړنیو او لنډمهاله کمپاینونو ژغورل کېدای نه شي. د شبکې په باور، د دې ناروغۍ د پراختیا ګواښ جدي او ډېره پاملرنه غواړي.
د اسلاماباد د اضافي ولسوالۍ او جزایي قضیو محکمې قاضي محمد افضل مجوکه په خپله پرېکړه کې نومول شوی تورن ین ګو شوان د خپل چینایي هموطني ژو ژن لیانګ د وژنې په جرم د پاکستان د جزا قانون د ۳۰۲ بي مادې له مخې په اعدام محکوم کړ.
یورو ایشیا رېویو په خپله یوه تازه مقاله کې لیکلي، چې په افغانستان کې د سراسري ثبات او امنیت په اړه د طالبانو له ادعاوو سره سره، بېلابېلې وسلهوالې مخالفې ډلې خپل چریکي او هدفمند فعالیتونه او جغرافیوي پوښښ پراخوي چې له دې سره یې د طالبان دغه ادعا ننګولې ده.