د «افغانستان د تحلیلګرانو شبکې» ویلي، چې افغان ماشومان د شري ناروغۍ له ګواښ څخه یوازې په بېړنیو او لنډمهاله کمپاینونو ژغورل کېدای نه شي. د شبکې په باور، د دې ناروغۍ د پراختیا ګواښ جدي او ډېره پاملرنه غواړي.
د اسلاماباد د اضافي ولسوالۍ او جزایي قضیو محکمې قاضي محمد افضل مجوکه په خپله پرېکړه کې نومول شوی تورن ین ګو شوان د خپل چینایي هموطني ژو ژن لیانګ د وژنې په جرم د پاکستان د جزا قانون د ۳۰۲ بي مادې له مخې په اعدام محکوم کړ.
یورو ایشیا رېویو په خپله یوه تازه مقاله کې لیکلي، چې په افغانستان کې د سراسري ثبات او امنیت په اړه د طالبانو له ادعاوو سره سره، بېلابېلې وسلهوالې مخالفې ډلې خپل چریکي او هدفمند فعالیتونه او جغرافیوي پوښښ پراخوي چې له دې سره یې د طالبان دغه ادعا ننګولې ده.
د طالبانو او اسلاماباد ترمنځ د زیاتېدونکو ترینګلتیاوو له امله د طالبانو د مخالفو جریانونو ترمنځ اختلافات زیات شوي دي. د دغو جریانونو یوه ډله له پاکستان سره همکاري د وضعیت د بدلون لپاره اړینه بولي، خو بله ډله بیا دا کار د افغانستان د ثبات لپاره ګواښ ګڼي.
افغانستان انټرنشنل- پښتو د طالبانو د مشر هغه تازه اعلان کړې لایحه ترلاسه کړې، چې ټولو ولایتونو او ولسوالیو ته پکې د علماوو شوراګانو تشکیلات او تګلوری روښانه شوي. طالب ادارې ته ژمنتیا، «جهادي فکر» لرل او د ملا هبت الله د فرمانونو ننګه، په دې شورا کې د غړیتوب بنسټیز معیارونه دي.
د خیبر پښتونخوا د لکي مروت ولسوالۍ په سلیمان خېل کلي کې د دوو ډلو ترمنځ په ډزو کې څلور کسان وژل شوي او دوه نور ټپیان شوي دي. پولیس وايي چې پېښه د تجوړۍ پولیسو مرکز په اړونده سیمه کې رامنځته شوې ده.
د امرالله صالح په مشرۍ زرغون بهیر د پنجشېر او کاپیسا ولایتونو کې د طالبانو پر ځواکونو او پوستو د بریدونو خبر ورکړی دی. دغه بهیر د سې شنبې په ورځ ویلي چې ځواکونو یې د پنجشېر د حصارک په دره کې د طالبانو دوه رېنجر موټر لهمنځه وړي دي.
د امریکا ولسمشر ډونالډ ټرمپ د سېشنبې په ورځ وویل، دی نه پوهېږي چې د ایران اسلامي جمهوریت نظام به «لا هم تسلیم شي که نه»، خو زیاته یې کړه چې دغه رژیم له امریکا سره په جګړه کې «خورا کمزوری» مخته روان دی.
د امریکا د بهرنیو چارو وزارت د «عدالت لپاره د جایزې ورکړه» پروګرام د ایران د سپاه پاسداران د هوافضا څانګې د درېیو لوړپوړو چارواکو په اړه د معلوماتو لپاره تر ۱۵ میلیونو ډالرو پورې جایزه اعلان کړی ده.
ځايي سرچینې وايي چې د طالبانو د عدلیې وزارت په وروستیو ورځو کې د کابل په لوېدیځ کې د امید سبز ښارګوټي د یو شمېر کورونو د معلومېدو، قلف کولو او تخلیه کولو بهیر چټک کړی دی. د سرچینو په وینا، طالبانو د پخواني حکومت د چارواکو کورونه معلوم کړي او نیولي دي.
اسوشیټیډ پرېس خبري اژانس د امریکايي چارواکو په حواله راپور ورکړی چې واشنګټن په قطر کې د السیلیه کمپ فعالیت د نورو نهو میاشتو لپاره غځوي. په دغه کمپ کې له زرو ډېر افغانان اوسېږي چې د امریکايي ځواکونو پخواني همکاران او د امریکايي سرتېرو د کورنیو غړي هم پکې شامل دي.
د خیبر پښتونخوا د بر سوېلي وزیرستان ولسوالۍ په شکتوۍ سیمه کې ځايي مشرانو په یوه لویه جرګه کې له حکومت او امنیتي ادارو څخه غوښتي چې په ابادو او ولسي سیمو کې د هاوان مرمیو ډزې او د ډرون څرخکو کارول دې سمدستي بند کړي.
د طالبانو د ټولګټو چارو وزارت د کابل - جلال اباد پر لويه لاره د غر ښوييدو له امله، د دغې لارې د تړل کېدو خبر ورکړی. دوی له خلکو غوښتي چې تر بلې خبرتیا پر دغه لاره له تګ راتګ څخه ډډه وکړي.
په ننګرهار کې د طالبانو رسنیز دفتر وایي، د دې ولایت په خوږیاڼو ولسوالۍ کې د یوې ناچاودې هاوان مرمۍ د چاودنې له امله درې ماشومان مړه او یو بل سخت ټپی شوی دی. د خبرپاڼې له مخې، دغه پېښه د خوږیاڼو ولسوالۍ په زاوې سیمه کې رامنځته شوې ده.
د پاکستان د اطلاعاتو وزیر عطاالله تارړ وایي چې د سولې لپاره د پاکستان غوښتنه باید د دغه هېواد د کمزورۍ په مانا ونه ګڼل شي. نوموړي خبرداری ورکړی چې له افغانستان څخه د پاکستان د بېثباته کولو هرې هڅې ته په تېر کې ځواب ورکړل شوی او په راتلونکي کې به هم بې ځوابه نه پاتې کېږي.
د طالبانو مخالفې وسلهوالې ډلې، متحدې جبهې په یوه خبرپاڼه کې ادعا کړې چې د کندهار ښار د ۱۱مې حوزې اړوند د ملنګ کاریز په سیمه کې یې د طالبانو د پولیسو یو غړی وژلی دی. د یادې جبهې د معلوماتو له مخې، دا برید د سېشنبې ورځې مازدیګر د دوی د ځواکونو له خوا ترسره شوی دی.
د طالبانو دفاع وزارت اعلان وکړ، چې د نورستان په کامدېش کې یې د خپلو وسله والو مخالفانو پر ضد پيل کړي عملیات د ۴۱ وسله والو له وژلو او ۶۱ نورو له ژوندي نیولو سره پای ته رسولي.
د طالبانو د کندهار امنیه قوماندانۍ تایید کړې چې د دې ډلې دوو وسلهوالو غړو په سپین بولدک ولسوالۍ کې یو شمېر ماشومان وهلي او شکنجه کړي دي.
ننګرهار کې معتبرو فرهنګي سرچینو افغانستان انټرنشنل – پښتو ته ویلي چې طالبان په جلال اباد ښار کې د غازي امان الله خان په مقبره کې د لیلامي توکو مارکېټ جوړوي. سرچینې وایي، ننګرهار کې د طالبانو د ولایت چارواکي په دغه قرارداد کې ښکېل او په دغه ځای کې ۶۲ غرفې جوړوي.
د هلمند د موسیکلا ولسوالۍ د عمومي دولتي روغتون یو شمېر ناروغانو او پایوازانو افغانستان انټرنشنل ته ویلي چې سهار روغتون ته پر وخت ورځي، خو د ډاکټرانو او نورو کارکوونکو د کار تر پیل پورې شاوخوا یو ساعت انتظار باسي.
د کونړ د سید جمالالدین افغان پوهنتون یوه محصل افغانستان انټرنشنل- پښتو ته ویلي چې د طالبانو د امر بالمعروف ماموران د محصلانو ږیرې ګوري او د هغو کسانو د پوهنتون او لیلیې کارتونه اخلي چې ږیره یې لنډه کړې وي.