د انټرنېټ څار نړۍوالې ادارې «نېټبلاکس» د جمعې په سهار (د غبرګولي لومړۍ نېټه) اعلان وکړ، چې په ایران کې د انټرنېټ پرې کېدو لړۍ ۸۴مې ورځې ته وغځېده او نړۍوالو شبکو ته د خلکو پراخ لاسرسی لا هم د څه باندې ۱۹۹۲ ساعتونو راهیسې پرې دی.
د افغانستان انټرنشنل – پښتو لهخوا د راټولو شویو شمېرو له مخې؛ یوازې تېره اوونۍ (د غویي له ۲۵مې تر ۳۱مې) ۷زره او ۴۵۷ کډوالې کورنۍ چې ټولټال ۳۹زره او ۲۹۶ کسان کېږي؛ له ایران او پاکستان نه افغانستان ته ستنې شوې دي.
د لوی اختر په درشل کې د کندهار د څارویو بازارونه د پخوا پرتله خورا پېکه شوي او د څارویو پلورونکي وایي، سږکال د قربانۍ لپاره بازارونو ته د راوړل شویو څارویو بیې خورا راټیټې شوې او خلک یې نه پېري.
د افغان ښځینهو کرېکټ جلاوطنه لوبډله به د روان کال (د جون په ۲۲مه) انګلستان ته خپل تاریخي سفر پیل کړي. د انګلستان او ولز کرېکټ بورډ ویلي، چې دغه سفر تر ډېره «کلتوري او ورزشي» ارزښت لري.
د افغانستان د رسنیو ملاتړ سازمان (امسو) په بامیان ولایت کې د «بامیان راډیو» د فعالیت بندېدو او د دغه رسنیز بنسټ پر دفتر د طالبانو ناڅاپي اقدام غندلی او دا یې د بیان پر ازادۍ قصدي او اندېښمنوونکی برید بللی دی.
د طالبانو د اطلاعاتو او کلتور وزارت خبر ورکړی، چې د کورنیو او بهرنیو سېلانیانو د جذب او لیدنې په موخه د هرات په اختیارالدین کلا یا ارګ کې د تاریخي ډبرو د ساتنې او نندارې لپاره دوه ځانګړي سالونونه پرانېستل شوي.
په بدخشان کې د طالبانو تر واک لاندې د طبیعي پېښو سره د مبارزې ادارې مشر محمداکرم اکبري ویلي، چې په دغه ولایت کې بېګاه شپه د سختو ورښتونو له کبله د یوشمېر ولسوالیو لارې تړل شوې او د ځاني زیان ترڅنګ خلکو ته مالي زیانونه هم اوښتي دي.
په بغلان کې د طالبانو د والي ویاند خپلواک فاروقي ویلي، چې په دغه ولایت کې د تېرې شپې سېلابونو لږترلږه ۱۵ کسان مړه کړي دي. د نوموړي په وینا؛ دغه سېلابونه د بغلان پلخمري، ډنډ غوري او دهنه غوري ولسوالیو کې راوتلي، چې له امله یې سلګونه کورونه ویجاړ شوي دي.
په تهران کې د پاکستان سفارت اعلان کړی، چې د دغه هېواد د کورنیو چارو وزیر محسن نقوي د ایران د بهرنیو چارو له وزیر عباس عراقچي سره په تهران کې لیدلي دي. په ایران کې د پاکستان سفارت دغه لیدنه «د اختلافاتو د حل لپاره د وړاندیزونو ارزونې ناسته» بللې ده.
د پاکستان تر ولکې لاندې د کشمیر په مظفراباد کې د تحریک انصاف ګوند یو مخکښ غړی چوهدري عدالت د ناپېژاندو وسلهوالو لهخوا په ډزو وژل شوی دی. دغه پېښه هغه مهال رامنځته شوې، چې نوموړی د برنالې له محکمې نه د خپل وراره او ملګري سره بېرته د ستنېدو په حال کې و.
د طالبانو تر واک لاندې د چاپېریال ساتنې ادارې خبر ورکړی، چې د دغه ادارې مشر مطیعالحق خالص په اذربایجان کې د نړۍوال ښاري فورم په څنډه کې د سومالیا هېواد د ښار جوړونې له وزیر سره د چاپېریالي همکاریو پر پراختیا خبرې کړې دي.
د طالبانو د ټولګټو چارو وزارت وايي، چې د سالنګونو لویه لار د سختو ورښتونو او د شمالي سالنګ سیمه بیا د سېلابونو له کبله په لنډمهالي ډول د هر ډول تګراتګ لپاره تړل شوې. طالبانو پر یادې لارې تلونکو مساپرو او موټر چلوونکو ته خبر ورکړی، چې تر بلې خبرتیا دې پر دغه لار تګراتګ نهکوي.
یوې کابل مېشتې افغانستان انټرنشنل – پښتو ته ویلي، چې د پلازمېنې په ځینو رستورانتونو کې ښځې او نجونې له تصویر اخیستلو منع شوې دي؛ په داسې حال کې چې د نارینهو لپاره کومه ستونزه نهشته.
د سعودي عربستان د فوټبال د مسلکي لیګ د سیالیو په وروستۍ اوونۍ کې النصر فوټبال لوبډله د کرېستیانو رونالډو په ځلېدونکې لوبې سره وتوانېده، چې زماک لوبډلې ته څلور پر یو ماتې ورکړي او د ۸۶ امتیازونو په ترلاسه کولو سره د دغه سیالیو اتلولي خپله کړي.
د برېتانیا د سمندري سوداګرۍ مرکز د منځني ختیځ په سمندري سیمه کې د ګواښ کچه لاهم «جدي» بللې او ویلي یې دي، چې د هرمز تنګي له لارې تګراتګ لا هم په څرګند ډول کم شوی؛ خو په تېرو ۴۸ ساعتونو کې په دغه سیمه کې د امنیت اړوند هېڅ پېښه نهده راپور شوې.
د کابل یو اوسېدونکی وایي، هغه مغذي او د خوارځواکۍ ضد ځانګړي خوراکي توکي چې د خوړو نړۍوال پروګرام او ځینو نورو مرستندویه ادارو لهخوا پر ماشومانو وېشل کېږي؛ د اقتصادي ستونزو له کبله بېرته د خلکو لهخوا په بازارونو کې پلورل کېږي.
د امریکا د بهرنیو چارو وزیر مارکو روبیو ویلي، چې د کیوبا هېواد د امریکا «د ملي امنیت لپاره ګواښ» دی. هغه وایي، چې له هاوانا سره د یوې ډیپلوماتیکې هوکړې د رامنځته کېدو احتمال ډېر کم دی.
اسراییلي چارواکو د پنجشنبې په ورځ (د غویي ۳۱مه) خبرداری ورکړی، چې ښایي ایران د فارس خلیج هېوادونو او اسراییل په وړاندې د توغندیو او ډرون په کارولو سره د ناڅاپي برید پلان ولري.
د پښتون ژغورنې غورځنګ مشر منظور پښتین د یوې پښتنې ماشومې او د هغې د مور د تښتولو او شکنجې په اړه د اندېښنې په څرګندولو پر فیسبوک پاڼه (میټا) لیکلي، که د خیبر جرګې پرېکړې عملي شوې وای؛ نو نن به پښتنو خپل متحد مرکز او منظم خوندیتوب لاره.
د پېښور سترې محکمې د پولیسو لهخوا د یوه نیول شوي افغان کډوال د خوشې کېدو امر وکړ. د پېښور سترې محکمې د هغه افغان ضمانت منظور کړی، چې له یوې پاکستانۍ مېرمنې سره یې واده کړی. دغه پرېکړه د نوموړي د مېرمنې نورین ولي لهخوا د ثبت شوې عریضې پر بنسټ وشوه.
د ترکیې پولیسو ویلي، چې د ناقانونه کډوالۍ پرضد د عملیاتو پر دوام یې په شېرناک او بایبورت ښارونو کې ۱۵ افغان پناهغوښتونکي نیولي دي. پولیسو همداراز د انساني قاچاق د تنظیم په تور شپږ کسان نیولي، چې له دې ډلې درې یې د محکمې په حکم زندان ته استول شوي دي.