په افغانستان کې د بېوزلۍ او اقتصادي ناورین د شدت له راپورونو سره هممهاله؛ د طالبانو امربالمعروف او نهې عنالمنکر وزارت په بلخ او فراه کې د دوو ماشومانو د پلور له مخنیوي خبر ورکړی دی. د دغو ماشومونه عمرونه ۴ میاشتې او همداراز ۹ کاله ښودل شوي دي.
د طالبانو د کانونو او پټرولیم وزارت وايي، چې د افغانستان د کانونو کورنی او نړیوال ننداراتون به د روان کال د لړم میاشتې له ۶مې تر نهمې نېټې جوړ شي. د دغه وزارت ویاند وایي، چې دغه نندارتون د باختر درخشان شرکت په همکارۍ جوړېږي.
د بدخشان د مرکز فیضاباد سیمه ییزې سرچینې او اوسېدونکي وایي، طالبانو د خپلو مخالفو ډلو د بریدونو له زیاتېدو وروسته، پر ښار د بېپيلوټه الوتکو ګزمې زیاتې کړې دي. د فیضاباد اوسېدونکي وایي، بېپيلوټه الوتکې شپه او ورځ د ښار پر بېلابېلو برخو ګزمې کوي.
د جنرال سمیع سادات په مشرۍ د طالبانو مخالفې وسلهوالې ډلې، متحدې جبهې ادعا کړې چې د بادغیس ولایت د جوند ولسوالۍ په خاربید سیمه کې یې د طالبانو د شرطې یو غړی وژلی دی.
پاکستان په کوهاټ کې د جمعې د لمانځه پر مهال د پولیسو پر حوزې برید غندلی او یوځل بیا یې ویلي، چې «د افغانستان خاوره د پاکستان پر ضد د ترهګریزو بریدونو لپاره کارول کېږي».
په کابل کې سرچینو نن شنبه، د وږي پر ۲۸مه افغانستان انټرنشنل ته وویل، چې طالبانو د لوړو زده کړو وزیر ندا محمد ندیم دعوت خصوصي پوهنتون ته ورغلی او ددغه پوهنتون لپاره یې نوی رییس او ادارې مسوولان ټاکلي دي.
د طالبانو د اطلاعاتو او کلتور وزارت وايي، چې په غره کې د درز له امله د چهلستون تاریخي څلۍ د نړېدو له جدي ګواښ سره مخ دی. طالبانو ویلي چې د چهلستون په غر کې د درز پیدا کېدل نه یوازې دغه تاریخي څلۍ زیانمن کړی، بلکې په سیمه کې د مېشتو لسګونو کورنیو ژوند هم له ګواښ سره مخ دی.
د حالوش په نوم د ایران د بشري حقونو سازمان ویلي چې د ایران د سیستان او بلوچستان ولایت په سرباز ولسوالۍ کې د یوه تېل لېږدونکي ټانکر او مساپر وړونکي موټر د ټکر له امله اووه تنه افغانان مړه شوي دي.
سلګونو کسانو د مسلم لیګ ګوند په بلنه د پاکستان په بېلابېلو ښارونو کې د سعودي عربستان په ملاتړ لاریونونه وکړل. دا لاریونونه د سعودي عربستان پر خینو ښارونو د بې پیلوټه الوتکې د برید په غبرګون کې ترتیب شوي وو.
د طالبانو د امارتي شرکتونو عمومي رییس د ایران د انرژۍ له وزیر سره په لیدنه کې د برېښنا، د څښاک د پاکو اوبو رسولو او د فاضلابو د تصفیې په برخو کې پر ګډو همکاریو ټینګار کړی. طالبانو ویلي چې ایران د افغانستان لپاره د دوه زره مېګاواټه برېښنا ورکولو لپاره هم چمتووالی ښودلی دی.
د خیبر پښتوخوا پولیسو ویلي چې تېره شپه نامعلومو وسلهوالو د جنوبي وزیرستان د قضايي محکمې يو لوړ پوړی چارواکی اسفندیار له خپل کور څخه تښتولی دی. تر اوسه کومې وسله والې ډلې د هغه د تښتونې مسوولیت پرغاړه نه دی اخېستی.
د طالبانو د کورنیو چارو وزارت ویاند عبدالمتین قانع وايي، په کابل کې د ترکیې او قطر له پلاوو سره په لیدنو کې د ایران پر وضعیت او د کابل او اسلاماباد ترمنځ پر کړکېچ خبرې شوې دي. دغو دوو پلاوو تېره اونۍ کابل ته سفر کړی و.
د خیبر پښتونخوا اعلی وزیر سهیل اپرېدي په کوهاټ کې د پولیسو پر مرکز له برید وروسته، د پاکستان او افغان طالبانو ترمنځ په خرابو شویو اړیکو اندېښنه ښودلې ده. نوموړي ویلي، په کابل کې د طالبانو په بیا واکمنېدو یې خوشالۍ نمانځل،، خو اس اړیکې د ښه کېدو پر ځای خرابې شوې.
په کندهار کې د طالبانو والي ملا شیرین له نړیوال بانک څخه غوښتي چې د دغه ولایت کروندګرو ته د تریاکو د بدیل کښت زمینه برابره کړي. نوموړي په کندهار کې د اساسي او زیربنایي پروژو د پلي کېدو غوښتنه کړې او ویلي یې دي چې خلک له کلونو جګړو او سختیو وروسته مرستې او همکارۍ ته اړتیا لري.
د طالبانو د عامې روغتیا وزارت ویلي چې د بغلان په دوو ولسوالیو کې یې له لسګونو خصوصي روغتیايي مرکزونو څخه نظارت کړی او له روغتیايي قوانینو او مقرارتو څخه د سرغړونې له امله یې ۲۹ درملتونونه، روغتیايي کنتځایونه، لابراتوارونه او د غاښو کلینیکونه تړلي دي.
د طالبانو د عامې روغتیا وزارت وايي، د یونیسف په مالي ملاتړ د ننګرهار سیمهییز تخصصي روغتون ته د شاوخوا ۳ میلیونه افغانیو په ارزښت طبي تجهیزات او وسایل سپارل شوي دي.
د افغانستان لپاره د پاکستان پخوانی ځانګړی استازی اصف درانی وايي، په کوهاټ کې وروستي برید ته په کتو، د ترهګرۍ د له منځه وړلو لپاره یوازې پوځي اقدامات بسنه نه کوي. هغه ټینګار کړی چې د ترهګرۍ پر وړاندې د مبارزې لپاره د ولس ملاتړ او باور هم اړین دی.
د بشري حقونو یو شمېر سازمانونو د ملګرو ملتونو د بشري حقونو له شورا غوښتي چې د افغانستان لپاره د ځانګړي راپور ورکوونکي ماموریت په بشپړه توګه تمدید کړي او د افغان ښځو او نجونو د حقونو په اړه ځانګړي راپورونه او بحثونه دې همداسې دوام ومومي.
ایراني چارواکو ویلي، حسین پدران یې د اسراییلو د استخباراتي ادارې «موساد» لپاره د جاسوسۍ په تور اعدام کړی دی. د ایران د چارواکو په وینا، نوموړی په اصفهان ولایت کې د توغندیزو مرکزونو په اړه حساس معلومات موساد ته رسول.
د محمود خان اڅکزي په مشرۍ د پاکستان د اپوزیسیون ایتلاف پرېکړه کړې چې د هېواد د روان سیاسي او اقتصادي بحران د هواري لپاره د ټولو سیاسي ګوندونو کنفرانس جوړ کړي.
د طالبانو تر واک لاندې د دولتي شرکتونو عمومي ریاست وایي، چې د ازبکستان په ترمذ ښار کې د افغانستان او ازبکستان د سپکو صنایعو د تولیداتو لومړنی ګډ نندارتون جوړ شوی چې پکې د افغانستان د شمال د ډبرو سکرو دولتي شرکت په ګډون، لسګونو افغان شرکتونو خپل تولیدات نندارې ته وړاندې کړي دي.