پاکستان کې مېشتو هغو افغانانو چې د امریکا د «پي۱» او «پي۲» وېزو پړاوونه یې بشپړ کړي، د یوې غونډې په ترڅ کې د لېږد د بهیر د ځنډېدو او د پاکستاني پولیسو له خوا د نیول کېدو په غبرګون کې اعتراض وکړ. دغه کسان چې ځانونه د امریکا پخواني همکاران بولي، له واشنګټن وغوښتل چې دوی هېر نه کړي.
د پولنډ سرحدي ګارډ ویلي، درې افغانان او دوه پاکستاني وګړي یې هغه مهال نیولي چې غوښتل یې په ناقانونه توګه له دغه هېواده جرمني ته واوړي. د چارواکو په وینا، یاد کسانو د انساني قاچاق د یوې مشکوکې شبکې له لارې د پولنډ له خاورې د تېرېدو هڅه کوله.
د ملګرو ملتونو پراختیایي پروګرام (یو این ډي پي) ویلي، چې په افغانستان کې اقتصادي او بشري کړکېچ لا ژور شوی، که څه هم د اقتصادي ودې نښې شته خو د نفوس چټک زیاتوالی، پراخې بېوزلۍ، وچکالۍ او د نړیوالو مرستو کمښت میلیونونه خلک له سختو ستونزو سره مخ کړي دي.
د والسټریټ ژورنال د راپور له مخې، سعودي عربستان د ایران له لوري پر خپلو د انرژۍ تاسیساتو او ملکي زېربناوو تر بریدونو وروسته، په پټه توګه د ایران دننه د بې پيلوټه الوتکو او توغندیو د توغولو ځینې مرکزونه په نښه کړي دي.
د پاکستان پوځي سرچینو تایید کړې چې د خېبر پښتونخوا په باجوړ کې د مېنا پر پوځي کمپ د وسلهوالو په یوه برید کې لږ تر لږه ۸پاکستاني عسکر وژل شوي او ۳۵ نور ټپیان دي. د پوځي راپورونو له مخې، بریدګرو لومړی پر دغه مرکز یوه درنه چاودنه کړې او بیا یې وسله واله نښته پیل کړې ده.
د عمر زیاتېدل د ژوند یوه نه بدلېدونکې برخه ده. د هرکال په تېرېدو د انسان په څېره، بدن او حتا ذهن کې د زړښت نښې څرګندېږي. خو اوس ساینسپوهان وایي، ښايي د ځوان پاتې کېدو لپاره کوم ګران بیه درمل یا پټ راز ته اړتیا نه وي؛ بلکې حللاره یې ډېره ساده ده، سفر وکړئ.
طاوس، چې د دايکندي ولايت يوه ۲۶ کلنه واده شوې ښځه ده، وايي يو سړی د «طالبانو په ملاتړ» غواړي هغه دويم واده ته اړه کړي او په نکاح يې کړي. هغې افغانستان انټرنشنل ته ويلي، چې د طالبانو له خوا د نيول کېدو او د جبري دويم واده له وېرې، اوس په پټه ژوند کوي.
د طالبانو د عامې روغتیا وزارت ویاند شرافت زمان ویلي، چې په کندز ولایت کې ۳۵ټنه بېکیفیته او له نېټې تېر درمل او خوراکي توکي له منځه وړل شوي دي.
د تېر جمهوري نظام د دفاع وزارت پخواني سرپرست وزیر شاه محمود میاخېل، د طالبانو د لوړو زدهکړو د وزیر ندا محمد ندیم، د وروستیو څرګندونو په غبرګون کې ویلي چې د «خپلواک هېواد» ادعا او له روسیې د همکاریو غوښتنه دوه متضاد پیغامونه دي.
په ملګرو ملتونو کې د افغانستان پخواني ځانګړي استازي، محمود صیقل، خبرداری ورکړی چې یو شمېر اروپايي هېوادونه د افغان کډوالو د جبري ایستنې لپاره له طالبانو سره د معاملو په لټه کې دي او ښايي د دې بهیر په بدل کې دغې ډلې ته سیاسي، ډیپلوماټیک او اقتصادي امتیازونه ورکړي.
د طالبانو د بهرنیو چارو وزیر امیرخان متقي، په کابل کې د د سره صلیب نړیوالې کمېټې د نوي ټاکل شوي مشر جوهانیز بروور سره په لیدنه کې په بشري برخو کې د دوه اړخیزو همکاریو پر پراختیا او د متقابل تعامل پر پیاوړتیا ټینګار کړی دی.
د امریکا مشرانو جرګې د چارشنبې په ورځ هغه طرحه رد کړه چې غوښتل یې د ایران جګړه د کانګرس له اجازې پرته محدوده کړي. د اوریګون سناتور جیف میرکلي له لوري وړاندې شوې طرحه د ۵۰ پر وړاندې د ۴۹ رایو په پایله کې رد شوه.
د طالبانو د کرنې اوبو لګولو او مالدارۍ وزیر عطاالله عمري د زابل په شاهجوی ولسوالۍ کې د ۱۰۰ میلیونه افغانیو په لګښت د یو کرنیز او سوداګریز کمپلکس د بنسټ ډبره کېښوده. نوموړي ویلي، هڅه کوي چې د هېواد د کرنیزو محصولاتو لپاره په ډېر شمېر کې سړې خونې جوړې کړي.
د امریکا د مرکزي قوماندانۍ (سینټکام) مشر براډ کوپر ویلي چې د امریکا د هوايي بریدونو له امله د ګاونډیو هېوادونو او امریکا د ګټو د ګواښلو لپاره د ایران وړتیا په پراخه کچه کمه شوې او د دغه هېواد دفاعي صنعت شاوخوا ۹۰ سلنه زیان لیدلی دی.
د طالبانو د مشر هبتالله اخوندزاده د حکم له مخې ټاکل شوې چې په نږدې ورځو کې د کندهار په ولایت کې د «جامعه عمر» د دریو برخو د جوړولو او پراختیا چارې په رسمي ډول پیل شي.
رویټرز د سرچینو له قوله راپور ورکړی، چې عراقي چارواکو په منځني ختیځ کې د روانې جګړې له امله د رامنځته شوي اقتصادي بحران د کابو کولو لپاره د پیسو له نړۍوال صندوق څخه مالی مرسته غوښتې ده.
د طالبانو د عامې روغتیا وزارت وایي، د یاد وزارت د خوړو او درملو مرستيال حمدالله زاهد روسیې ته د خپل سفر په ترڅ کې د دغه هېواد د خوړو خونديتوب د تنظيم ادارې له مسولينو سره د خوړو د خونديتوب او سوداګریزو همکاریو د پراختیا په اړه خبرې کړې دي.
د مې په ۱۳مه د تاشکند فارما پارک د درمل جوړونې په مرکز کې د ازبکستان-افغانستان سوداګریز فورم او نوې سوداګریزې ناستې شوې او د نویو هوکړو او د افغانستان په بازارونو کې د ازبک درمل جوړوونکو د درملو د وړاندې کولو په اړه خبرې شوې دي.
د طالبانو عدلیې وزارت ویلي، د زوجینو د تفریق اصولنامه چې ۱۲ فصلونه او ۳۱ مادې لري، د مولوي هبتالله اخوندزاده له توشیح وروسته په رسمي جریده کې خپره شوې ده.
په کندهار کې د طالبانو والي ملا شیرین د یاد ولایت د ۱۱ ولسوالیو له امنیه قوماندانانو سره په ولسوالیو کې د نشهيي توکو د کر، پیر، پلور او قاچاق د مخنیوي په اړه ناسته کړې. یاد طالب چارواکي د کندهار د امنیتي وضعیت په اړه هم غږیدلي.
د سعودي عربستان د حج امنیتي ځواکونو دوه سعودي وګړي له دې امله نیولي چې څلور مصري او یو پاکستانی وګړی یې د حج د مقرراتو او لارښوونو خلاف مکې ته لېږدول. د راپور له مخې، دغه کسان داسې مهال نیول شوي چې غوښتل یې یاد کسان د حج له رسمي اجازې پرته مکې ته بوځي.