په جوزجان کې د غالیو تولیدونکې ټولنې مسوولین وايي، په کورني بازار کې د خامو موادو نشتوالي او د طالبانو نه پاملرنې یې صادرات اغېزمن کړي دي. د یادې ټولنې د معلوماتو له مخې، د دغه ولایت په اقچې ولسوالۍ کې ۸۰زره کسان د غالیو په اوبدلو بوخت دي.
په پنجاب کې د پراخ لاریون لپاره د تحریک انصاف ګوند د فعالیتونو له زیاتېدو سره هممهاله د پاکستان فدرالي حکومت د اسلاماباد امنیت د ټینګښت لپاره له پنجاب، سند او بلوچستان ایالتونو څخه د ۲۳زره او ۵۰۰ امنیتي ځواکونه د لېږد غوښتنه کړې ده.
د طالبانو د عامې روغتیا وزارت په افغانستان کې د سرطان پر وړاندې د مبارزې بنسټ لهخوا پر سرطان ناروغۍ د اخته کسانو په اړه خپرې شوې شمېرې رد کړې. د طالبانو د عامې روغتیا وزارت ویاند شرافت زمان یادې شمېرې ناسمې بللې دي.
د خوړو نړۍوال پروګرام په خپل تازه راپور کې ویلي، چې د سپټمبر په لومړۍ اوونۍ د افغانستان په بازارونو کې د توکو بیې په ټوله کې تر ډېره بریده ثابتې پاتې شوې؛ خو د ځینو اساسي خوراکي توکو او کرنیزو توکو بیې لاهم د تېرکال پرتله لوړې دي.
سيبياېس نیوز شبکې په یوه پروګرام کې د ایران په اصفهان ولایت کې د امریکا اېف ۱۵ جنګي الوتکې د پرېوتو او د هغې د دوو پیلوټانو د ژغورلو لپاره د امریکا د پوځ او استخباراتي ادارې د پراخو عملیاتو نوي جزییات خپاره کړي دي.
د افغانستان د ازاده مبارزو لوبغاړی سخي قنبري به د روانې سپټمبر میاشتې په ۲۶مه د سویډن په سټاکهولم ښار کې د خپل برازیلي سیال تیاګو سېلوا پر وړاندې سیالي وکړي. دواړه لوبغاړي به د «AFN» سازمان په سیالیو کې د ۶۵.۸ کیلوګرامه وزن په کټګورۍ کې د یو بل پر وړاندې د لوبو ډګر ته ښکته شي.
ایراني رسنیو راپور ورکړی چې د دغه هېواد په کهګیلویه او بویراحمد ولایت کې د یوې ترافیکي پېښې له امله لږ تر لږه اووه کسان مړه شوي او درې نور ټپیان شوي دي چې څلور مړه شوي کسان افغانان دي.
د حوثیانو له خوا پر سعودي عربستان د تېرې ورځې د بریدونو او د فارس خلیج په اوبو کې پر څو بېړیو د نامعلومو توغندیو له لګېدو وروسته، په نړیوال بازار کې د خامو تېلو بیه په هر بېرل کې ۳،۶۲ ډالره لوړه شوې ده.
د اروپايي ټولنې د ملکي خوندیتوب او بشري مرستو څانګه وايي، په ټوله نړۍ کې میلیونونه ماشومان روانه اوونۍ بېرته ښوونځیو ته ستنېږي، خو په افغانستان کې لا هم د ډېرو ماشومانو د زدهکړو پر وړاندې جدي خنډونه شته.
د امریکا د ولسمشر ډونالډ ټرمپ د لومړۍ دورې د ملي امنیت سلاکار جان بولټون وايي، لا هم په ایران کې د حکومت د بدلون په ګډون د مطلوبې پایلې د ترلاسه کولو امکان شته.
د طالبانو ویاند ذبیحالله مجاهد په یوه تازه مرکه کې له داعش ډلې سره د طالبانو د وژل شوي پخواني مشر ملا اختر محمد منصور د مذاکراتو له هڅې پرده پورته کړې او وایي چې د هغه په امر یې د داعـ.ـش ډلې له ویاند سره د ایمیل له لارې پیغامونه تبادله کړي و.
د افغانستان کرېکټ ملي لوبډلې د هند پر وړاندې د درېیو شلاوریزو نړیوالو سیالیو په لومړۍ لوبه کې د ۷ وېکټو په توپیر ماتې وخوړه. د دغې لوبلړۍ دویمه لوبه به د روانې اونۍ په سېشنبې او وروستۍ لوبه به د پنجشنبې په ورځ ترسره شي.
د افغانستان لپاره د یونسکو دفتر د کلتوري څانګې مسوول برنډن کاسار د بامیان لپاره له طالب والي سره کتنه کې ویلي، د یونسکو دفتر په بامیان کې د تاریخي او لرغونو ځایونو بیارغونې او ساتنې ته ژمن دی. د بامیان لپاره طالب والي بیا ویلي، په دې بهیر کې باید د دوی پالیسۍ په پام کې ونیسي.
د طالبانو د زندانونو تنظیم اداره وایي چې د دغه ډلې د مشر ملا هبت الله، په لارښوونه د کور او ښار جوړونې وزیر نجیب اللّٰه حیات حقاني، لغمان ته د ولایتي زندان د ارزونې لپاره تللی. منتقدان بیا وایي، د طالبانو امیر او وزیران یې لا د خپلو اداري چارو په توپیر او سمبالښت نه دي پوه شوي.
د طالبانو د عامې روغتیا وزارت وايي، په دولتي روغتیايي بنسټونو کې یې د نږدې پنځو زرو کسانو د ګومارنې بهیر پیل کړی دی. لا روښانه نه ده چې ښځې به د دغو نږدې پنځو زرو ټولو بستونو لپاره د نوماندۍ حق ولري او که یوازې به د دې بستونو یوې برخې ته غوښتنلیک ورکولی شي.
د ایران د بهرنیو چارو وزارت د فارس خلیج د چارو عمومي مدیر محمدعليبک په عمان کې د فارس خلیج د ساحلي هېوادونو د بهرنیو چارو وزیرانو د غونډې ځنډېدل تایید کړي او وايي، دغه غونډه د ځینو سیمهییزو هېوادونو په غوښتنه او د تهران او مسقط په ګډه پرېکړه بل وخت ته ځنډول شوې ده.
د اسلامي جمعیت ګوند مشر صلاحالدین رباني وايي، طالبان له افغانستان سره د «غنیمت شوې ځمکې» په څېر چلند کوي او د «سوځېدلې ځمکې سیاست» ته دوام ورکوي.
د هرات لپاره د طالبانو والي د سرطاني ناروغیو له متخصصینو سره لیدنه کې د دغې ناروغۍ د زیاتوالي د عواملو د معلومولو او درملنې د لارو چارو د موندلو لپاره د علمي څېړنو او تخصصي کنفرانسونو پر جوړېدو ټینګار کړی. یاده دې وي، چې دمګړۍ هېواد کې یونیم میلیون کسان پر سرطاني ناروغیو اخته دي.
د ښځنهوو شل اوریز اسیا جام سیالیو په پایلوبه کې د هند ښځینه کرکټ لوبډلې سریلانکا ته په ۷۲ منډو ماتې ورکړه او د ښځینهوو شل اوریز اسیا جام سیالیو کې یې اتم ځل لپاره اتلولي خپله کړه،خو د اسیا کرکټ شورا مشر او د پاکستان د کورنیو چارو وزیر محسن نقوي له لاسه یې د اتلولۍ جام وانخیست.
د هرات لپاره د طالبانو د رسنیز دفتر مسوولین وايي، په دغه ولایت کې د روميبانجانو د روب ۱۳ تولیدي کارخونې فعالیت لري. د دوی په وینا، پر دغو کارخونو ۶۵ میلیونه ډالره پانګونه شوې او په میاشت کې د روب جوړولو لپاره شاوخوا ۳ زره ټُنه رومي بانجانو ته اړتیا لري.
د طالبانو د کورنیو چارو وزیر سراج حقاني د ملا هبتالله له خوا د ننګرهار یو ګوښه شوی طالب چارواکی او د ټولنیزو رسنیو فعال، قاري ساجد خوږیاڼی، د دغه ولایت د خوږیاڼو ولسوالۍ امنیه قوماندان ټاکلی. هغه چې د ننګرهار د اطلاعاتو او کلتور رییس و، دوه نیم کاله مخکې له دندې ګوښه شوی و.