په کابل کې د غلاوو او جنايي پېښو له ډېرېدو سره هممهاله د طالبانو د کابل د والي په مشرۍ امنیتي غونډه شوې ده. د طالبانو امنیتي مسوولانو په کابل کې د جنایي پېښو د مخنیوي او د عامه نظم د ټینګښت لپاره پر ګډ کار ټینګار کړی دی.
د نړیوالو ورځپاڼو د خپروونکو ټولنې (WAN-IFRA) د اعلامیې له مخې، د منځني ختیځ د ډیجیټلي رسنیو د۲۰۲۶ کال سیالیو کې د ایراناینټرنشنل بېلابېلې پروژې بریالۍ اعلان شوې. په دغو پروژو کې «میډیا بات»، د «ښځه، ژوند، ازادي» کمپاین او نورو په بېلابېلو برخو کې جایزې ګټلې.
په کابل کې د پاکستان سفیرعبیدالرحمن نظاماني له طالبانو غوښتنه کړې، چې دده په وینا، «د افغانستان له خاورې راپورته کېدونکو ترهګریزو ګواښونو» پر ضد عملي اقدامات وکړي. هغه دغه څرګندونې له هند سره د پاکستان د جګړې د کال پوره کېدو په مناسبت غونډې ته کړې دي.
په تخار ولایت کې د طالبانو امنیه قوماندانۍ ویلي، چې په تېره یوه میاشت کې یې د یاد ولایت په ۱۶ ولایتونو کې د تاریاکو اړولو کمپاین په ترڅ کې پر ۲۰۰۰ جریبه ځمکه کرل شوي تاریاک له منځه وړي دي.
پر ډیورنډ کرښه له نښتو وروسته د وروستیو هوکړو په اړه له طالبانو د پخواني ولسمشر حامد کرزي پر وضاحت غوښتنې شاوخوا ۲۴ ساعته تېریږي، خو طالبانو تر اوسه هیڅ راز غبرګون نه دی ښودلی. کرزي دغه کړنې ډیورنډ کرښې ته د رسمیت ورکولو په تړاو د پاکستان هڅه بللې.
د پاکستان په کراچۍ ښار کې پولیسو ویلي، چې د تښتونې او وژنې په قضیو کې ښکېل یو تورن کس د ملیر له زندان څخه تښتېدلی. د چارواکو په وینا، دغه بندي چې د یوه سوداګر او یوه پښتون خبریال ولي بابر په وژنه کې په لاس لرلو تورن و، په زندان کې د بندیانو د شمېرلو پر مهال ورک شوی دی.
په کندهار کې د یو شمېر سیمهییزو رسنیو مسوولان ادعا کوي، چې طالبان د رسنیو د اصولو خلاف د خپلو تبلیغاتو لپاره ځانګړې خپرونې پرې جوړوي. د دوی په وینا، طالبان د دغه کار په بدل کې هېڅ مالي امتیاز نه ورکوي. طالبانو تراوسه ددې ادعا په اړه څه نه دي ویلي.
د طالبانو د اطلاعاتو او فرهنګ وزیر شېراحمد حقاني د یوناما د بشري حقونو له مسوولې فیونا فریزر سره لیدنه کې د افغانستان د رسنیو پر وضعیت، د خبریالانو پر ستونزو، د بشري حقونو پر موضوعاتو او د تاریخي ابداتو د ساتنې په اړه خبرې کړې دي.
د طالبانو د امر بالمعروف او نهی عن المنکر وزیر، د یوې غونډې پر مهال ویلي چې د قلم پر ځای کارول “عبادت اکبر” او ستر عدالت دی او باید د دین له اصولو سره سم وکارول شي. هغه زیاته کړې چې قلم د عدل غږ دی، خو بېځایه او ناسم استعمال یې ظلم ګڼل کېږي.
د پاکستان لوی درستیز ویلي چې اسلام اباد له افغانستان نه یوازې یوه غوښتنه لري او هغه دا چې «د هند په لارښوونه د وسله والو له ملاتړه » لاس واخلي او هلته د ټي ټي پي مرکزونه له منځه یوسي. طالبان په افغانستان کې د وسله والو د مرکزونو شته والی ردوي.
د طالبانو تر واک لاندې د جرمني په بن ښار کې د افغان کونسلګرۍ ځینې رسمي سندونه افغانستان انټرنشنل ته رسېدلي، چې ښيي د طالبانو له وېرې جرمني ته یو شمېر انتقال شوي افغانان اوس له طالبانو سره په بن کونسګرۍ کې کار کوي. د سند له مخې، طالبانو تازه ۱۳ تنه په بن کونسلګرۍ کې ګومارلي دي.
د افغان کډوالو یوه ډله د ترکیې پر پوله ساتوځواکو تور لګوي چې د ایران او ترکیې په پوله کې یې د هغوی ګوتې پرې کړې او ټپیان کړي یې دي. دغو کډوالو افغانستان انټرنشنل ته په استول شوي ویډیويي پیغام کې ادعا کړې چې له پولې د اوښتو پر مهال د ترکیې سرحدي ځواکونو تاوتریخوالی ورسره کړی دی.
په کندهار کې د طالبانو اړوند سرچینو افغانستان انټرنشنل ته ویلي، چې د دغه ولایت استخباراتو د قطر مذاکراتي ډلې غړی او د مولوي هبتالله اخوندزاده سلاکار ملا جان محمد مدني د ۸۰۰ زره پاکستاني روپیو رشوت اخېستلو پرمهال نیولی دی.
د جرمني په بن ښار کې د طالبانو تر واک لاندې افغان کونسلګرۍ د کارزده کړې یا پرکتیکم یو نوی پروګرام اعلان کړی، چې له مخې یې محصلان او نوي فارغان کولی شي په یوه ډیپلوماټیکه استازولۍ کې عملي تجربه ترلاسه کړي.
د طالبانو د کانونو او پټرولیم وزارت ویلي چې د کندز ولایت د قلعهزال ولسوالۍ د سرو زرو کان د استخراج قرارداد یې له سبحان مومند او د اذربایجان اړوند یوه شرکت سره د ۲۰ میلیونه او ۲۴۰ زره امریکایي ډالرو په ارزښت د پنځو کلونو لپاره لاسلیک کړی دی.
په کابل کې د طالبانو استخباراتو د طلوع نیوز خصوصي ټلوېزیون دوه خبریالان عمران دانش او منصور نیازی زنداني کړي دي. طلوع نیوز ددې خبر په تایید سره ویلي، طالبانو دوی ته خبر ورکړی چې د نیول کېدو جزئیات به یې له «قانوني څېړنو» وروسته شریک شي.
د غزې روغتیايي چارواکي وایي، د اسراییلو په تازه هوايي بریدونو کې لږ تر لږه درې فلسطینیان وژل شوي، چې د حماس تر ادارې لاندې د پولیسو د جنايي څانګې یو لوړپوړی مسوول او د هغه مرستیال هم پکې شامل دي.
د جرمني حکومت د ۲۰۲۵ کال له می میاشتې راهیسې سلګونو افغان پناه غوښتونکو ته ورکړل شوې ژمنې بېرته اخیستې دي. د جرمني د کورنیو چارو وزارت د معلوماتو له مخې، له ۱۰۵۴ افغانانو څخه چې اوس هم جرمني ته د تلو انتظار باسي، یوازې ۱۲۶ کسان د سفر په رسمي بهیر کې پاتې دي.
د ملي جمهوري غورځنګ مخکښ او پښتون سیاستوال افراسیاب خټک وایي، په بنو کې وروستۍ خونړۍ برید او د پښتونخوا په جنوبي ولسوالیو کې نورې مرګژوبلې د پاکستان د ترهګرۍ ضد تګلارې ناکامي په ډاګه کوي.
د خیبر پښتونخوا حکومت وایي، د کرمې ولسوالۍ د خلکو د خوندیتوب لپاره یې د ټل–پاړاچنار پر لویه لاره ځانګړی امنیتي ځواک جوړ کړی دی.
د پاکستان د جماعت اسلامي ګوند پخواني مشر سراج الحق ویلي، په بنو کې پر پولیس چیک پوسټ په برید کې د ۱۵ پولیسو وژل کېدل د خېبرپښتونخوا د صوبایي حکومت او امنیتي ادارو د ناکامۍ څرګند ثبوت دی.