د افغانستان او منځنۍ اسیا هېوادونو ترمنځ د سوداګرۍ په یوه مهمه لار، د هرات د تورغونډۍ بندر کې چارواکي وايي، له پاکستان سره د سوداګرۍ له محدودېدو وروسته د دغه بندر له لارې د صادراتو او وارداتو کچه د پام وړ لوړه شوې ده.
د ملګرو ملتونو پراختیايي پروګرام(یو این ډي پي) وایي، د ۲۰۲۶ کال له اپرېل څخه تر جون میاشتې پورې په افغانستان کې ۱۷۹ زره او ۸۴۵ کسان د نري رنځ یا «توبرکلوز» د تشخیص لپاره معاینه شوي دي.
د افغانستان کرېکټ ملي لوبډله نن د هند پر وړاندې د درې شلاوریزو نړیوالو سیالیو د لړۍ لومړۍ لوبه کوي. د افغانستان لوبډلمشر ابراهیم ځدراڼ وايي، د هند د ۱۵ کلن ځوان توپوهونکي سوریاونشي او مخکښ چټک توپ اچوونکي جسپریت بومرا د مخنیوي لپاره یې ځانګړي پلانونه جوړ کړي دي.
غزني کې د طالبانو د کرنې، اوبو لګولو او مالدارۍ ریاست وایي چې سږ کال په دغه ولایت کې پر شاوخوا ۲۰ زره هکټاره ځمکه د انګورو باغونه جوړ شوي او اټکل کېږي چې له دغو باغونو به ۵۰۰ زره مټریک ټنه انګور ترلاسه شي.
د افغانستان د تاریخي اثارو او لرغونو توکو د لوټ او قاچاق په اړه «غارت» په نوم مستند فلم د امریکا د مریلند ایالت په راکویل سیمه کې د جنوبي اسیا د فلمونو د فېستیوال په ترڅ کې نندارې ته وړاندې شو.
د بریکس غړو هېوادونو په منځني ختیځ کې د روانو ترینګلتیاوو په اړه ژوره اندېښنه څرګنده کړې او له ښکېلو لورو یې د «اعظمي زغم» غوښتنه کړې ده.
د بلوڅ یووالي کمېټې مشرې ډاکټر ماهرنګ بلوچ ادعا کړې چې په بلوچستان کې عدلیې خپله خپلواکي او د خلکو باور له لاسه ورکړی او محکمې د دولت د ادارو د پرېکړو د توجیه کولو پر وسیلو بدلې شوې دي.
د امریکا د مرکزي استخباراتو ادارې (سيایاې) پخوانۍ ماموره سارا اډمز وايي، په یوه ویډیو کې د القاعدې د پخواني مشر اسامه بن لادن د زوی، حمزه بن لادن، څرګندېدل د افغانستان په اړه د القاعدې د حضور د کماهمیته ښودلو هڅې تر پوښتنې لاندې راولي.
د پاکستان د لومړي وزیر د سیاسي چارو سلاکار رانا ثناءالله وايي، چې د نویو ایالتونو د جوړېدو په اړه بحث باید د اقتصادي فورمونو او سیمینارونو پر ځای په پارلمان کې وشي، څو ټول سیاسي ګوندونه خپل دریځ څرګند کړي. هغه د تحریک انصاف ګوند د راتلونکو لاریونونو په اړه هم اندېښنه وښوده.
د پخوانۍ ولسي جرګې غړي عبدالحفیظ منصور د محييالدین مهدي د وروستیو څرګندونو چې هزارهګان او تاجکان باید د مزاري او مسعود پر سر له جنجالي بحثونو تېر شي په غبرګون کې ویلي، چې د مزاري په اړه معلومات نهلري، خو مسعود د ازادۍ مکتب دی او ترې تېرېدل د پیوستون هیلې لهمنځه وړي.
په ایټالیا کې د افغانستان پخواني سفیر وحید عمر د پخوانۍ ولسي جرګې د غړي محييالدین مهدي د وروستیو څرګندونو چې ګواکې «پښتانه باید له نورو قومونو بښنه وغواړي»، په غبرګون کې ویلي، چې د افغانستان په معاصر تاریخ کې له ټولو خواوو تېروتنې شوي او د مسوولیتونو «قومي کول» د حل لاره نهده.
د افغانستان د پخوانۍ ولسي جرګې غړي محييالدین مهدي له افغانستان انټرنشنل سره په یوې تازه مرکه کې ویلي، په هېواد کې هغه مهال ملي باور رامنځته کېدلای شي، چې د پښتنو مخور شخصیتونه د تېر تاریخ مسوولیتونه ومني او د هزارهګانو په ګډون د هېواد له نورو قومونو بښنه وغواړي.
په افغانستان کې د سرطان پر وړاندې د مبارزې بنسټ د دغې ناروغۍ پر زیاتوالي د اندېښنې په څرګندولو سره اعلان کړی، چې اوس مهال په هېواد کې لږ تر لږه یو نیم میلیون کسان پر سرطان اخته دي. د دغه بنسټ د شمېرو لهمخې، په افغانستان کې په کلني ډول د سرطان شاوخوا ۵۰ زره نوې پېښې ثبتېږي.
تحریک متاثرین تیراه ۳۶ کسیزه کمېټه وايي، امنیتي چارواکو ورته ویلي چې د خیبرپښتونخوا د خیبر ولسوالۍ د تیراه هغه سیمې چې تېر کال د عملیاتو له امله ترې کورنۍ اېستل شوې وې اوس تصفیه او د خلکو د بېرته ستنېدو لپاره خوندي دي، خو ځايي حکومت لا هم د بېرته ستنېدو رسمي بهیر نهدی پیل کړی.
په خیبر پښتونخوا کې د امنیتي اندېښنو له امله په بېلابېلو ولسوالیو کې کابو هره اونۍ ګرځبندیز لګېږي چې له امله یې د خلکو ورځنی ژوند او په ځانګړي ډول د ښوونځیو د زدهکوونکو او ښوونکو تګ راتګ اغېزمن شوی دی. سیمهییز قومي مشران وايي، چې د ناامنیو سزا باید ماشومانو ته ورنهکړل شي.
له هغې ورځې راهیسې چې د سپټمبر د ۱۱مې پېښه رامنځته شوه، د نړۍ په امنیتي تګلارو او لومړیتوبونو کې ستر بدلون راغی. له ترهګرۍ او افراطپالنې سره مبارزه د نړیوال سیاست له تر ټولو مهمو موضوعاتو څخه وګرځېده.
د امریکا د مرکزي استخباراتو ادارې (سيایاې) د هغو پټو اسنادو لهمخې چې تازه خپاره شوي، د طالبانو پخواني مشر ملا عمر د ۱۳۷۹ لمریز کال وري میاشت کې یو طالب قومندان او د هغه یو شمېر مرستیالان د دې لپاره اعدام کړي وو چې افغانستان کې اسامه بنلادن ته له پناه ورکولو سره مخالف وو.
د افغانستان د ملي امنیت پخوانی سلاکار حمدالله محب اوسمهال د متحده عربي امارات د فضايي ټکنالوژۍ د یوې سترې پروژې مدیریت مخې ته وړي. پر دغې پروژې یو میلیارد ډالر پانګونه کېږي او ټاکل شوې چې له مصنوعي ځیرکتیا څخه برخمنې ۵۰ سپوږمکۍ جوړې او فضا ته واستوي.
په هلمند کې سیمهییز طالب مسوولین وايي، د هلمند د فرعي ګمرکاتو له لوري ترلاسه شوي ۱۰۴۶۳ کیلوګرامه قاچاقي وارداتي انساني او حیواني درمل په ګرمسېر ولسوالۍ کې وسوځول شول. دوی د مبدا هېواد د نوم په اړه څه نهدي ویلي، خو تر دې مخکې د هلمند پر لارو ډېری درمل له پاکستان څخه واردېدل.
د قومي وطن ګوند مشر افتاب احمد خان شېرپاو د پنجاب د اعلی وزیرې مریم نواز وروستیو څرګندونو ته په غبرګون کې ویلي، د ترهګرۍ پر وړاندې جګړه کې د خیبر پښتونخوا ۸۰ زره کسانو قربانۍ ورکړې دي. مریم نواز تېره اونۍ ادعا کړې وه، چې پنجاب ته ترهګري له ګاونډيو ایالتونو ورځي.
ازادۍ جبهې اعلان کړی، چې وسلهوالو یې د شنبې په ورځ (د وږي ۲۱مه) د غور ولایت په مرکز فېروزکوه ښار کې د طالبانو د پولیسو او د امر بالمعروف د محتسبانو د همغږۍ پر یوې غونډې برید کړی دی. خبرپاڼه کې ادعا شوې، چې په دغه برید کې ۳ طالبان وژل شوي او درې نور ټپیان دي.