د بلوچستان حکومت په ټول ایالت کې په دولتي کالجونو کې پر هر ډول غونډو او سازماني فعالیتونو بندیز لګولی او امر یې کړی چې هېڅ کالج له مخکینۍ اجازې پرته د کوم پروګرام د جوړولو اجازه نه لري.
کندوز په علياباد ولسوالۍ کې د مسافرو یو بس چپه شوی چې له امله یې ۲۶ کسان ټپیان شوي دي.د پېښې په ټپیانو کې ښځې او ماشومان هم شامل دي.
په افغانستان کې، شاوخوا ۱،۵ میلیونه کسان پر سرطاني ناروغۍ اخته دي او هر کال نږدې ۵۰ زره نوې پېښې ثبتېږي. متخصصان ناسالم خواړه، د سګرټو او نسوارو استعمال، د هوا ککړتیا، د فزیکي فعالیت کموالی او ځینې انتاني ناروغۍ د سرطان له مهمو لاملونو څخه بولي.
عراقي چارواکو له ایران سره د درېیو سرحدي لارو د بېرته پرانیستلو لپاره یو نوی مهالوېش اعلان کړی دی. دا پرېکړه د سعودي عربستان د تېلو پر پایپلاین د ډرون بریدونو له امله د پولو له تړل کېدو یو ورځ وروسته شوې ده.
د پاکستان تحریک انصاف ګوند د سپټمبر په ۲۷مه د پلان شوي لاریون او احتجاج لپاره په پنجاب کې د ولسي ملاتړ د جلبولو پراخ کمپاین اعلان کړی او ټاکل شوې د خیبر پښتونخوا اعلی وزیر سهیل افریدي، د پنجاب له بېلابېلو ښارونو لیدنه وکړي او په لاهور کې له ګوندي مشرانو او وکیلانو سره وګوري.
د طالبانو د اطلاعاتو او فرهنګ وزارت وایي، د غور په شهرک ولسوالۍ کې د تاریخي څلي جام د مرکزي ستنې د پیاوړتیا او رغولو چارې د یونسکو او اغاخان فرهنګي بنسټ په همغږۍ پیل شوي دي.
اروپايي ټولنې او د ملګرو ملتونو د خوړو او کرنې سازمان په افغانستان کې د کرنې د اقلیمي او اقتصادي ستونزو پر وړاندې د بزګرانو د مقاومت پیاوړتیا، بازارونو ته د هغوی د لاسرسي او د کلیوالو د کارموندنې لپاره د ۵ میلیونه یورو په ارزښت نوی نوښت پیل کړی دی.
د اروپايي ټولنې د بشري مرستو د برخې چارواکې دوروتیا وايي، په افغانستان کې میلیونونه ماشومان له زدهکړو بېبرخې دي او د ښوونځي د عمر شاوخوا نیمایي ماشومان اوس مهال ښوونځیو ته نه ځي.
افغان سندرغاړې ښاپېرۍ نغمې په ویرجینیا کې د افغانستان د خپلواکۍ د ۱۰۷مې کلیزې په مناسبت جوړ شوي کنسرت کې پر طالبانو غږ کړی چې د نجونو پر مخ د ښوونځیو او پوهنتونونو دروازې پرانیزي.
د پاکستان «فرايډې ټایمز» په یوه تحلیلي راپور کې ویل شوي چې د افغانستان اوسنی ناورین د طبیعي زېرمو له امله نه، بلکې د شوروي اتحاد، امریکا، پاکستان، سعودي عربستان او افغان لورو د لسیزو سیاسي او پوځي تګلارو او پرېکړو پایله ده.
د «رېر ارت اېکسچینجز» په یوه راپور کې ویل شوي چې که څه هم د طالبانو حکومت امریکا او بهرنیو پانګوالو ته د افغانستان د کانونو په سکتور کې د پانګونې بلنه ورکړې، خو د معدني زېرمو په اړه مطرح کېدونکې لوړې شمېرې لا هم د واقعي پانګونې او تولید لپاره کافي تضمین نه برابروي.
د طالبانو د عامې روغتیا وزارت وایي، یوه پلاوي یې په هند کې د دغه هېواد روغتیايي ادارو سره د همکاریو پر پراختیا، د همکاریو د هوکړهلیکونو پر نهایي کولو، د هندي درمل جوړوونکو فابریکو د ارزونې پر بهیر او د خوراکي توکو د وارداتو پر وړاندې د شته ستونزو پر موضوعاتو خبرې کړي.
د سوېلي کوریا د ولسمشر لي جې-میونګ ادارې چمتووالی نیسي چې له پارلمان څخه د هرمز تنګي ته د هېواد د سمندري ځواکونو د لېږلو غوښتنه وکړي. راپورونه ښيي چې د جنګي بېړیو او د کشفي الوتکو د لېږلو طرحه وروستیو پړاوونو ته رسېدلې ده.
د «اکانومېسټ» مجلې په یوه راپور کې ویل شوي چې په افغانستان کې د کوکنارو د کښت او تریاکو د تولید له کمېدو وروسته، په سویل ختیځه اسیا کې د کوکنارو کروندګرو ته د دې بوټي د کرلو له لارې د لا ډېرو عوایدو زمینه برابره شوې ده.
د اندونیزیا چارواکي وايي، په جاوا سمندر کې د یوې مسافر وړونکې بېړۍ له ډوبېدو وروسته د بېړۍ له ۲۴۳ سپرلیو څخه ۱۰۲ کسان ژغورل شوي او لږ تر لږه یو کس مړ شوی دی.
د «افټربرنر مېګفلګ» مجلې په یوه راپور کې راغلي چې د طالبانو له بیا واکمنېدو پنځه کاله وروسته د افغانستان د هغه هوايي ځواک ډېره برخه له منځه تللې چې امریکا د دوو لسیزو په اوږدو کې د میلیاردونو ډالرو په لګښت جوړ کړی و.
په کابل کې د ایران سفارت وایي، علي رضا بیکدلي د ایران د وسپنې پټلۍ د مالي تمویل له مسول سره د هرات–مزارشریف اوسپنې پټلۍ لومړۍ برخې جوړولو لپاره د مالي سرچینو برابرولو طرحه ارزولې ده.
روسیې د اوکراین پر بېلابېلو سیمو بریدونه کړي چې لږ تر لږه اته ملکي وګړي یې وژلي او لسګونه نور یې ټپیان کړي دي، هممهاله د روسیې ولسمشر ولادیمیر پوتین خبرداری ورکړی چې اوکراین ته د اروپايي هېوادونو د سرتېرو استول به له روسیې سره د مستقیمې جګړې په معنا وي.
د افغانستان او منځنۍ اسیا هېوادونو ترمنځ د سوداګرۍ په یوه مهمه لار، د هرات د تورغونډۍ بندر کې چارواکي وايي، له پاکستان سره د سوداګرۍ له محدودېدو وروسته د دغه بندر له لارې د صادراتو او وارداتو کچه د پام وړ لوړه شوې ده.
د ملګرو ملتونو پراختیايي پروګرام(یو این ډي پي) وایي، د ۲۰۲۶ کال له اپرېل څخه تر جون میاشتې پورې په افغانستان کې ۱۷۹ زره او ۸۴۵ کسان د نري رنځ یا «توبرکلوز» د تشخیص لپاره معاینه شوي دي.
د افغانستان کرېکټ ملي لوبډله نن د هند پر وړاندې د درې شلاوریزو نړیوالو سیالیو د لړۍ لومړۍ لوبه کوي. د افغانستان لوبډلمشر ابراهیم ځدراڼ وايي، د هند د ۱۵ کلن ځوان توپوهونکي سوریاونشي او مخکښ چټک توپ اچوونکي جسپریت بومرا د مخنیوي لپاره یې ځانګړي پلانونه جوړ کړي دي.