د پاکستان بلوچستان ایالت په مرکز کوټه کې امنیتي وضعیت د تازه راپورونو له مخې ترینګلی شوی او سیمهییز چارواکي وایي یوازې د اپرېل میاشت کې شاوخوا ۱۵۰ امنیتي ګواښونه ثبت شوي دي.
د بدخشان ولایت د طالبانو د کرنې، اوبو لګولو او مالدارۍ ریاست مسولین وایي چې دغه ولایت د شاتو مچیو د روزنې او د شاتو د تولید لپاره مناسب اقلیم او چاپېریال لري او شات یې هم زیات پلورل شوي.
د طالبانو مشر ملاهبتالله اخوندزاده هلمند ولایت ته د خپل سفر پر مهال د بُست له تاریخي کلا، کتابتون، د علامه ابن حبان بُستي له قبر او د دغه ولایت له جهادي مدرسې څخه لیدنه کړې ده. نوموړي په لښکرګاه کې له یو شمېر طالب چارواکو او دیني عالمانو سره هم لیدنې کړې دي.
د پاکستان په قامي اسمبلۍ کې د اپوزیسیون او د پښتونخوا ملي عوامي ګوند مشر محمود خان اڅکزي د افغان کډوالو د ایستلو پر تګلارې سختې نیوکې کړې او هغه یې ناعادلانه بللې ده.
د خیبر پښتونخوا دهنګو ولسوالۍپولیس چارواکي وایي، امنیتي ځواکونو د ګډو عملیاتو پر مهال د وسلهوالو هغه هڅه شنډه کړې چې غوښتل یې د پاکستان خاورې ته ننوځي.
د طالبانو د ریاستالوزراء اقتصادي معاونیت وایي، د ننګرهار ولایت په شیخ مصري پارک کې د ۴۰ مېګاواټه لمریزې برېښنا پروژې ۲۵ سلنه چارې بشپړې شوې دي.
د طالبانو تر چتر لاندې د اولمپیک، بدني روزنې او سپورټ عمومي ریاست وایي، کابل کې د اته غوره لوبډلو ترمنځ د پارالمپیک فدراسیون په همکارۍ د ویلچېر باسکټبال سیالۍ پیل شوې دي.
د طالبانو امر بالمعروف وزارت ویلي چې په شپږو ولایتونو کې یې ۳۹ښځې له کورني تاوتریخوالي ژغورلي او د هغوی د حقونو د ورکړې لپاره یې زمینه برابره کړې ده.
د افغانستان په لوېدیځ هرات ولایت کې داسې راپورونه خپاره شوي چې ځینې اوسېدونکي د سختې بېوزلۍ او ژور اقتصادي بحران له امله د ژوند د بقا لپاره د خپل بدن غړو، په ځانګړي ډول پښتورګو، پلور ته اړ شوي دي.
د طالبانو تر چترلاندې د افغانستان د سوداګرۍ او پانګونې خونې ویلي، د دې خونې مشرتابه د یوه عماني پانګوالې سره لیدلي، چې په ترڅ کې یې په افغانستان کې د چاپ په سکتور کې د پانګونې پر فرصتونو خبرې شوې دي.
د هرات ولایت په ادرسکن ولسوالۍ کې د یوې ترافیکي پېښې له امله دوه کسان مړه او ۵۱ نور ټپیان شوي دي. په دغه ولایت کې طالب چارواکو ویلي چې پېښه د یو ۴۰۴ډوله موټر د چپه کېدو له امله رامنځته شوې.
د نوي نړیوال تحلیل له مخې، اروپا د انرژۍ د امنیت په بدلېدونکې نړیواله سیالۍ کې له چین سره د پام وړ شاته پاتې شوې ده، په داسې حال کې چې د انرژۍ نړیوال کړکېچ او د فوسیل سونګ پر بازارونو فشار د نړۍ اقتصادي توازن په چټکۍ سره بدلوي.
د پیسو نړیوال صندوق ویلي، پاکستان ته یې د مالي مرستې د نوي پړاو په ترڅ کې شاوخوا ۱.۳۲ میلیارده امریکايي ډالر پور منظور کړی، چې موخه یې د دغه هېواد د اقتصادي ثبات پیاوړتیا او له نړیوالو مالي ننګونو سره د مقابلې وړتیا لوړول دي.
د عوامي نيشنل ګوند د خیبر پښتونخوا څانګې ایالتي مشر میا افتخار حسین په پېښور باچا خان مرکز کې یوې غونډې ته وييل چې افغانستان په ګډون له ټولو ګاونډیو هېوادونو سره سولهییزې او سوداګریزې اړیکې د وخت مهمه اړتیا ده.
د طالبانو د کرنې، اوبو لګولو او مالدارۍ وزارت ویلي چې د دغه وزارت د بدیل معیشت ریاست له لوري د هلمند په مرکز او یو شمېر ولسوالیو کې ۴۱ شنې خونې بزګرانو ته سپارل شوې دي.
د طالبانو تر واک لاندې د کډوالو ستونزو ته د رسېدنې عالي کمېسیون خبر ورکړی، چې تېره ورځ ۸۷۹ کډوالې کورنۍ چې ټول ۴۵۹۴ کسان کېږي، له ایران او پاکستان نه افغانستان ته جبري ستنې شوې دي.
د پاکستان د بلوچستان ایالت د دالبندین ښار ته نږدې د یوې خونړۍ ټرافیکي پېښې له امله لږ تر لږه ۱۱ کسان وژل شوي، چې د پولیسو په وینا ۱۰ تنه یې افغانان دي.
سياېناېن د امریکا د استخباراتي ارزونو له څو باخبره سرچینو په حواله راپور ورکړی چې د ایران نوی مذهبي مشر مجتبی خامنهای د سختو سوځېدنو له امله په ځانګړو امنیتي شرایطو کې تر درملنې لاندې دی.
د پاکستان د بلوچستان ایالت په ګوادر ولسوالۍ او نوشکي ولسوالۍ سیمو کې د جمعې په ورځ په دوو جلا بریدونو کې څلور کسان وژل شوي دي، چې دوه یې پاکستان د پوځ سرتېري وو.
ازبکستان او د جاپان د نړیوالې همکارۍ ادارې «جایکا» د افغانستان لپاره د ګډو بشري او پراختیايي پروژو د عملي کولو په اړه خبرې کړې دي، چې موخه یې د افغانانو د ژوند د شرایطو ښه کول او د هېواد د اقتصادي او ټولنیزو سکتورونو ملاتړ بلل شوی دی.
د راپورونو له مخې، امریکا او ایران ښايي راتلونکې اوونۍ د پاکستان په پلازمېنه اسلام اباد کې خپلې غیر مستقیمې خبرې بیا پیل کړي. دواړه لوري دا مهال د یوه ۱۴ مادهییز هوکړهلیک پر مسودې کار کوي.