د طالبانو د کورنیو چارو وزارت د سرحدي پولیسو ویاند وايي، په حیرتان ځمکني بندر کې یې له ازبکستان څخه د شرابو له قاچاق کېدو مخنیوی کړی دی. د نوموړي په وینا، د دغه قاچاق په تړاو دوه کسان هم نیول شوي دي.
د طالبانو تر واکمنۍ لاندې د افغانستان د کرېکټ بورډ مشر میرویس اشرف په هند کې د کرېکټ د ملي لوبډلې د پخواني لوبغاړي شاپور ځدراڼ پوښتنه کړې او ویلي یې دي، چې د شاپور ځدراڼ روغتیايي حالت د ډاډ وړ دی. شاپور ځدراڼ له څه مودې راهیسې په هند کې تر درملنې لاندې دی.
د پاکستان په کراچۍ ښار کې د روان میلادي کال له پیل راهیسې د ټرافیکي پېښو له امله د مړه شویو شمېر ۳۱۲ ته رسېدلی، چې پهکې ډېری قربانیان پر موټرسایکل سپاره کسان دي.
په لوګر ولایت کې په تېرو ۲۴ساعتونو کې د ترافیکي پېښو له امله لږ تر لږه دوه کسان مړه او اته نور ټپیان شوي دي.
افغانستان لپاره د بریتانیا ځانګړي استازي، ریچارد لېنډسي، د ملګرو ملتونو د کارپوهانو له خوا د طالبانو د محکمو د جزايي اصولنامې د څېړنې هرکلی کړی او دغه قانون یې «ظالمانه» بللی دی.
د ترکیې د بهرنیو چارو وزیر، هاکان فیدان، خبرداری ورکړی چې که متحده ایالات له ناټو څخه ووځي، نو دا به د اروپا لپاره «ویجاړونکي» اغېزې ولري.
د افغانستان انټرنشنل له ترلاسه شوو اسنادو سره سم، طالبانو د یوې ژمنپاڼې له لارې د هرات د غالب خصوصي پوهنتون زدهکړیالان اړ کړي چې «افغاني او شرعي کالي» واغوندي.
د افغانستان د مخکېني جمهوري نظام د چارو ادارې مشر فضل محمود فضلي په کندهار کې د درې رنګه ملي بېرغ په غبرګون کې ویلي، چې دا له استعمار څخه د خلاصون او د خپلواک افغانستان نښان دی. هغه زیاته کړې چې درې رنګه بېرغ په لویو جرګو کې د ملت استازو په بیا بیا ځل تایید کړی دی.
د افغانستان د اسلامي حزب مشر، ګلبدین حکمتیار ویلي، چې د افغانستان اوسنی وضعیت د هېڅ افغان لپاره د منلو وړ نه دی او ټول خلک د سمدستي او مثبت بدلون غوښتونکي دي.
په خوست کې د طالبانو رسنیز دفتر خبر ورکړی، چې د ترکیې هېواد له لوري په دغه ولایت کې د لېسې په کچه یو ښوونځی جوړېږي. خبرپاڼه کې راغلي چې په خوست ولایت کې د طالبانو والي عبدالله مختار سره په ناسته کې د ترکیې د یوه پلاوي مشر احمد توکور دغه ژمنه کړې ده.
په خوست کې د طالبانو ولایتي رسنیز دفتر خبر ورکړی، چې په ګربزو ولسوالۍ کې ډیورنډ کرښې ته څېرمه ۷۰۰ اړمنو کورنیو سره نغدي مرسته شوې ده. خبرپاڼه زیاتوي چې دغه مرستې د خوړو نړیوال پروګرام له لوري د طالبانو د پېښو پر وړاندې د مبارزې او چمتووالي ادارې تر څار لاندې شوې دي.
د پاکستان د زنداني پخواني لومړي وزیر عمران خان مېرمن، بشرا بي بي، د اسلاماباد له سترې محکمې غوښتي چې د روغتیایي ستونزو له امله دې د هغې پر ضد د ۱۹۰میلیونه پونډونو په قضیه کې اورول شوې سزا وځنډول شي.
په هالنډ کې مېشتو افغان فرهنګیانو افغانستان انټرنشنل- پښتو ته ویلي، چې اروپا ته جلا وطنه شویو فرهنګیانو د نارنج ګل دودیزه مشاعره ترسره کړې ده. د دغه ناستې یو تنظیموونکي ارشاد رغاند وویل، چې نارنج ګل پخوا ننګرهار کې د ښځو په ګډون نمانځل کېده، خو اوس طالبانو سانسور کړې ده.
د منځني ختیځ په نوم انستیتوت، چې په متحده ایالات کې مېشت یو خپلواک څېړنیز بنسټ دی، په خپل یو تازه خپور کړي راپور کې ویلي، چې د طالبانو شاوخوا ۵۵ غړي او چارواکي لا هم د القاعده شبکې سره مستقیم یا غیرمستقیم اړیکې لري.
د افغانستان اسلامي وحدت ګوند د طالبانو د اړیکو کمېسیون بلنې ته په ځواب کې ویلي، چې د کریم خلیلي په ګډون د سیاسي مشرانو بېرته راستنېدل یوازې هغه مهال شونې دي، چې د طالبانو سیاسي لیدلوری په بنسټیر ډول بدل او یو ریښتنی ټولګډونه نظام رامنځته شي.
په داسې حال کې چې طالبانو د دولتي کار کوونکو لپاره خولۍ او پګړۍ جبري کړي دي، خو د یادې ډلې د بهرنیو چارو وزارت دوو لوړپوړو چارواکو د انتالیا کنفرانس په ځینو ناستو کې له خولۍ او پګړۍ پرته ګدون کړی دی.
د طالبانو د اطلاعاتو او کلتور وزیر شیر احمد حقاني هرات ته د سفر پر مهال له اختیارالدین کلا، د هرات موزیم او هریوا دارالفنون څخه لیدنه کړې. نوموړي د تاریخي میراثونو پر ارزښت ټینګار کړی او ویلي یې دي، چې هر کال د لرغونو اثارو د بیارغونې او ساتنې لپاره ځانګړې بودیجه بېلېږي.
د پاکستان د خیبر پښتونخوا ایالت په بنو ولسوالۍ کې د برمي خېل په سیمه کې د انډس پر لویه لار د سړک غاړې په یوه چاودنه کې د یوه افسر په ګډون درې پاکستاني سرتېري وژل شوي او د یوه ملکي وګړي په ګډون درې نور ټپیان شوي دي.
د امنیتي ګډوډۍ، لوېدلي اقتصاد، داخلي سیاسي ژور تقسیم، د وسله والو ډلو پراخ فعالیت سره مخ پاکستان د امریکا او ایران منځګړیتوب کردار ته نړۍ د حېرانۍ ګوته نیولې ده. اساسي پوښتنه دا ده، چې ولې د پاکستان د بهرنیو چارو د وزیر پر ځای یوه دېپلوماتیکه پروسه د پوځ مشر پر مخ بیايي.
د طالبانو د هوا پوهنې ادارې خبری ورکړی، چې سبا یکشنبه، د وري ۳۰مه په ۱۲ ولایتونو کې د تېز باران، تېزو بادونو، دوړو او سېلابونو راوتو اټکل شوی.
طالب چارواکو د شنبې په ورځ اعلان وکړ، چې د دې ډلې مشر ملا هبتالله اخوندزاده او د کورنیو چارو وزیر سراجالدین حقاني هلمند ته سفر کړی دی. د دغه سفر موخه د یوه جومات د بنسټ ډبره اېښودل بلل شوې ده.