د مخکیني حکومت د سولې په خبرو کې د مرکچي پلاوي مشر معصوم ستانکزی وایي، د طالبانو تګلارې افغانستان له داسې ژور کړکېچ سره مخ کولای شي، چې ښایي د تېرو کړکېچونو پرتله ډېر خطرناک وي. هغه زیاتوي، د طالبانو پر وړاندې نارضایتي زیاته شوې او دا ستونزه یوازې په «تبلیغاتو» نهشي هوارېدای.
د امریکا د مرکزي استخباراتو ادارې (سيایاې) پخوانۍ مامورې سارا اډمز وایي، چې طالبان د خپلو کسانو (ناراضه کسانو) پر ضد د چورلکو په وسیله هوايي بریدونه کوي او وايي، دا وضعیت د طالبانو د داخلي اختلافاتو او د خپل جوړ کړي «ترهګریز دولت» د کنټرول په برخه کې د بېوسۍ ښکارندويي کوي.
په نورستان کې یوې سرچینې افغانستان انټرنشنل- پښتو ته ویلي، چې څلور نورستاني ځوانان د طالبانو له لوري په خپل سر له نیول کېدو وروسته شکنجه شوي او دوه یې په کوما حالت کې دي. د دغو ځوانانو کورنۍ په دې پېښه کې د نورستان د امنیه قوماندان قاري مزمل ساتونکي ښکېل ګڼي.
د افغانستان د سوداګرۍ او پانګونې خونې یو شمېر مسوولینو او سوداګرو په پاکستان کې د افغان سوداګرو د بار وړونکو وسایطو او سوداګریزو مالونو د اوږدې درېدنې له امله د رامنځته شویو درنو مالي زیانونو د جبران غوښتنه کړې. دوی ویلي چې تورخم او چمن کې یې له اوږدې مودې راهیسې مالونه ایسار دي.
د طالبانو د دفاع وزرات د لوی درستیز رسنیز دفتر ویلي، نن ناوخته یوه چورلکه په بدخشان کې د ناستې پر مهال د برېښنا له یوې ستنې سره د ټکر له امله زیانمنه شوې ده. د دغه دفتر په وینا، په دې پېښه کې هېچا ته زیان نهدی اوښتی.
یوې ښځې افغانستان انټرنشنل- پښتو ته په رالېږلي پیغام کې د طالبانو تر کنټرول لاندې د پاسپورټ ریاست د ښځو په څانګه کې د یوه کارکوونکي له چلنده شکایت کړی او ادعا یې کړې، چې یاد کارکوونکی د ښځینه مراجعینو له مجبوریتونو ناوړه ګټه اخلي او د هغوی د کارونو د ځنډولو لپاره پلمې جوړوي.
د ۲۰۲۱ کال د ډسمبر په یوه سړه ورځ ډګرمن رحمت الله قادري د کابل د ۱۵مې حوزې طالبانو په یوه تیاره کوټه کې واچاوه. د شکنجې پرمهال یوه طالب هغه تر ویښتو نیولی و او پر مخ یې په څپېړو واهه او بل ترې د همدې صحنو ویډیو ثبتوله.
د افغانستان د عدلیې پخواني وزیر فضلاحمد معنوي وايي، له ظلم، استبداد، وېرې او بېعدالتۍ څخه د انسانانو د ژغورلو هڅه هغه مهال دیني او اخلاقي ارزښت لري، چې موخه یې د الله تعالی رضا، د حق دفاع او د انسان د عزت ساتنه وي.
د طالبانو مشر د کابل ښوونې او روزنې پوهنتون یوې فراغتغونډې ته په استولي پیغام کې ویلي، چې محصلان باید دیني او عصري علوم زدهکړي، څو د ده په وینا، د «دښمن» پر وړاندې له خپل دین څخه د دفاع وړتیا ولري. د نجونو پر لوړو زدهکړو د بندیز له امله په فارغانو کې ښځینه محصلینې نهوې.
د ملګرو ملتونو کارپوهانو د طالبانو د واکمنۍ د پنځمې کلیزې په درشل کې ویلي چې د ښځو او نجونو په ګډون پر افغانانو د طالبانو له محدودیتونو سره سره له دې ډلې سره د تعامل بهیر دوام لري. دوی له نړۍوالې ټولنې غوښتي چې طالبان د بشري حقونو د سرغړونو په اړه ځواب ویلو ته اړ کړي.
د ایران په هرمزګان ولایت کې پر رودان-میناب لویه لار د افغانانو د سپرلۍ یو موټر چپه شوی، چې په پایله کې یې یو افغان مړ شوی او ۱۷ نور ټپیان شوي دي. سیمه ییز چارواکي وايي، دغه افغانان په یوه نیسان باروړونکي موټر کې سپاره وو.
د پنجاب ایالت په مرکز لاهور کې د پولیسو د یوې چاپې پر مهال د وسله والو په ډزو کې دوه پولیس وژل شوي دي. د پولیسو په وینا، دا پېښه د پنجشنبې په ماښام د بادامي باغ په پیشې خان څلورلارې کې شوې ده.
څلور کاله کېږي چې د طالبانو له بیا واکمنېدو وروسته د بي بي ناز له وسایلو ډک کور د ننګرهار په کامې ولسوالۍ کې پاتې دی، خو خپله په اسلام اباد کې د یوې نامعلومې راتلونکې په تمه په کرايي اپارتمان کې اوسیږي.
د طالبانو د مالیې وزیر ملا محمد ناصر د ایران د کرنې وزیر سره د لیدني پرمهال له تهران سره د سوداګرۍ په برخه کې د شته خنډونو پر لرې کولو ټینګار کړی دی. نوموړي ویلي، د دواړو هېوادونو ترمنځ د صادراتو او وارداتو بهیر دې پیاوړی شي.
د طالبانو ناراضي قوماندان جمعهخان فاتح په یوه غږیز پیغام کې د طالبانو لوی درستیز فصیحالدین فطرت ته ویلي چې دوی د طالبانو له نظام سره مخالفت نه لري، بلکې ستونزه یې د طالبانو له هغې قطعې سره ده چې د بدخشان درواز او کوز او بر یفتل ولسوالیو ته تللې ده.
محلي سرچینو افغانستان انټرنشنل ته ویلي، چې د بدخشان ولایت د نسي ولسوالۍ په مرکز کې د طالبانو یوه چورلکه «ویشتل» شوې ده. د لومړنیو معلوماتو له مخې، پر چورلکې د جمعه خان فاتح وسله والو ډزې کړې او لوېدلې ده.
د افغانستان په وروستي سیاست کې ښايي هېڅ تور د «پاکستان لاسپوڅي»تر اصطلاح ډېر نه وي کارول شوی. له مجاهدینو نیولې تر اوسنیو طالبانو او د طالبانو تر مخالفانو پورې، نږدې هر جریان چې د کابل د واکمن مخالف شوی، په یوه یا بله دوره کې د پاکستان د پروژې، لاسپوڅي او جاسوس په نوم یاد شوی دی.
د طالبانو مشر ددې ډلې د سترې محکمې نظامي مرستیال شیخ سردار محمد ابوالفيضان له دندې ګوښه کړی او د ځمکو د غصب مخنیوي کمېسیون د هلمند ولایت چارواکو ته سپارښتنه کړې چې د نوموړي د مدرسې، جومات او دوکانونو اړوند ۲۷جریبه ځمکې د استرداد او تخلیې لپاره عاجل اقدام وکړي.
د طالبانو د بهرنیو چارو وزیر امیرخان متقي او د ایران د کرنې وزیر غلام رضا نوري په کابل کې د دوه اړخیزو اړیکو او د اقتصادي او ټرانزیټي همکاریو د پراختیا په اړه غږېدلي دي.
پخواني ولسمشر حامد کرزي له ایرلنډ نه د یو ورځنیو سیالیو د لړۍ پر ګټلو او د ۲۰۲۷ کال کرکټ نړیوال جام ته د افغان ملي لوبډلې پر مستقیم تګ، لوبغاړو او ټولو افغانانو ته مبارکي ویلې ده.
د طالبانو تر واک لاندې د افغاني سرې میاشتې رییس شهاب الدین دلاور د جرمني د سولې کلي بنسټ له مسوولانو سره په لیدنه کې د زړه په ناروغۍ د اخته افغان ماشومانو د درملنې په اړه غږیدلی. یاد بنسټ ویلي، د زړه په ناروغۍ د اخته ۷۹ ناروغانو درملنه په جرمني او د ۱۳۵ نورو په افغانستان کوي.