د طالبانو د کور او ښار جوړولو وزارت د سروې او جيایاېس ریاست تخنیکي ټیم د غزني په مرکز کې د کډوالو د دویم ښارګوټي د جوړولو چارې پیل کړې دي. دغه وزارت ویلي، دغه ښارګوټی به د کډوالو د استوګنې بنسټیزې اړتیاوې پوره کړي.
د طالبانو د ټولګټو چارو وزارت خبر ورکړی، چې د روان ۱۴۰۴لمریز کال د لېندۍ په میاشت کې د افغانستان د اوسپنې پټلۍ له لارې ۶۸۴زره او ۱۰۲ مټریک ټنه انتقالات شوي دي. دغه وزارت ویلي، د دغه انتقالاتو ۱۱۵۸۱ ټنه یې صادرات وو چې ډېره برخه یې وچه مېوه، کاني ډبرې او د انارو جوس جوړوي.
د خیبر پښتونخوا په کرک ولسوالۍ کې د پولیسو په موټر وسلهوال برید شوی، چې له امله یې پنځه پولیس وژل شوي دي. د راپورونو له مخې؛ برید د کرک ولسوالۍ ګورګورې سیمه کې پر هغو پولیسو شوی، چې د تېلو او ګازو شرکت د ساتنې پر دندې بوخت وو.
د اوکراین پوځي چارواکو ویلي، چې روسیې د دوشنبې په ورځ سهار وختي پر کیف ښار هوايي بریدونه پیل کړي. دغه برید څو ورځې وروسته له هغې ترسره کېږي، چې د امریکا په مشرۍ د سولې خبرې په میامي کې پای ته رسېدلې دي.
د طالبانو د امر بالمعروف، نهې عن المنکر او شکایتونو اورېدو وزارت خبر ورکړی، په تېرو درېیو میاشتو کې شاوخوا ۵زره او ۷۸۱ افغانان چې له رواني ناروغیو سره مخ وو؛ تر راټولولو وروسته د درملنې لپاره د سرې میاشتې ټولنې ته معرفي کړي دي.
د طالبانو تر کنټرول لاندې د کډوالو ستونزو ته د رسېدنې عالي کمېسیون دارالانشاء خبر ورکړی، د دوشنبې په ورځ (د مرغومي لومړۍ نېټه) د هېواد له بېلابېلو لارو ۴۲۰ کورنۍ چې ټولټال۲۱۶۷ کسان کېږي؛ په جبري توګه افغانستان ته ستنې کړای شوې دي.
پاکستانی سناتور جان محمد بلیدي وایي، پاکستان کې مېشت افغانان د کورنیو چارو وزارت محدودیتونو او د پولیسو د ځورونو له امله له ګڼو ستونزو سره مخ دي. هغه ویلي، دغه افغانانو د طالبانو د غچ اخیستونکو اقداماتو له وېرې پاکستان ته پناه وړې او باید د نړۍوالو قوانینو پربنسټ ورسره چلند وشي.
حکومتي ځواکونه او د کردانو په مشرۍ د سوریې دیموکراتیک پوځ په حلب ښار کې تر سختو نښتو وروسته د تاوتریخوالي کمولو لپاره یوې هوکړې ته سره رسېدلي دي. د دواړو ډلو ترمنځ په نښته کې لږ تر لږه دوه ملکي وګړي وژل شوي او څو نور ټپیان دي.
د جمهوري نظام پرمهال په سریلانکا کې د افغانستان سفیر او د بېځایه شویو سازمان مشر محمد اشرف حیدري په خپلو تازه څرګندونو کې ویلي، چې د افغانستان د اوږدمهاله ثبات یوازینۍ لار د سیمې هېوادونو همغږې شوې ګډه پالیسي ده؛ نه جلا اقدامات.
د امریکا د کانګرس دوو غړو په کالیفورنیا کې د افغان کلتوري ټولنې له استازو سره ناسته کې ژمنه کړې، چې د بشردوستانه، د کورنیو د یوځای کېدو او د ځانګړې کډوالۍ ویزو (SIV) درېدلې لړۍ د بیا فعالولو لپاره به عملي ګامونه واخلي.
ټرمپ د «ټرمپ کلاس» په نوم د نړۍ ترټولو لویو او خورا پیاوړو جنګي بېړیو د جوړولو اعلان وکړ. هغه ویلي، دغه نوې جنګي بېړۍ به تر دې دمه د ټولو جوړو شویو بېړیو پرتله «سترې، ګړندۍ او ۱۰۰ چلنده پیاوړې» وي.
نوې ډیلي ته د طالبانو د عامې روغتیا وزیر د سفر تر پای ته رسېدو یوه ورځ وروسته د هند د بهرنیو چارو وزارت په یوې خبرپاڼه کې ویلي، چې دغه هېواد به د افغانستان د درملو اوږدمهاله اړتیاوې پوره کړي.
د طالبانو د کډوالو او بېرته راستنېدونکو چارو وزیر مولوي عبدالکبیر ویلي، چې واک ته د یادې ډلې له رسېدو راهیسې ۶،۸ مېلیونه کډوال له ګاونډیو او نورو هېوادونو افغانستان ته ستانه شوي او دغه شمېره د لوړېدو په حال کې ده.
د ۲۰۲۶کال اسیا جام سیالیو لپاره د چمتووالي پروګرامونو د یوې برخې په توګه د کوېټ پر وړاندې د افغانستان د فوټسال ملي لوبډلې دویمه تمریناتي لوبه ۳–۳ مساوي پای ته ورسېده. د لوبې لومړۍ پاڼۍ کې د افغانستان ملي لوبډله له ۲-۱ امتیازونو سره مخکښه وه.
د «ههنګاو» په نوم د بشري حقونو سازمان په یوه راپور کې په ایران کې د ښځو د وژنو د شمېر د زیاتوالي په اړه خبرداری ورکړی او لیکلي یې دي، چې په روان کال کې په دغه هېواد کې ۲۰۳ قضیې د ښځو وژنې ثبت شوې دي.
که له یوې خوا د عضلاتو د جوړولو لپاره سخت ورزش، وخت او هڅه ضروري وي، له بلې خوا یې پایلې هم ډېرې مثبتې دي. ځکه له دې سره د عضلاتو ځواک زیاتېږي، د بدن اضافي غوړ کمېږي او د کالوریو سوځولو وړتیا لوړېږي.
د پاکستان د لومړي وزير سياسي سلاکار رانا ثناءالله ویلي، چې تحریک انصاف د مذاکراتو اراده نهلري او د دې ګوند اجنډا بغاوت، ګډوډي او د سیاسي مخالفینو لهمنځه وړل دي.
د امریکا ولسمشر ډونالډ ټرمپ وايي، د وېنزوېلا د ولسمشر نیکولاس مادورو لپاره به دا «هوښیار کار» وي، چې واک پرېږدي. ټرمپ په دې وروستیو کې پر مادورو د فشار راوړلو په موخه د تېلو څو بېړۍ هم ضبط کړې دي.
اسټرالیا د بونډای له وسلهوالې پېښې وروسته چې پهکې لږ تر لږه ۱۵ کسان ووژل شول، د تر ټولو ډېر مېشتي ایالت نیوساوت وېلز ایالتي جرګې په یوې بېړنۍ غونډه کې د وسلو لرلو د څرنګوالي په تړاو یوه لایحه تصویب کړه. دغه لایحه به سبا پارلمان ته د تصویبېدو لپاره واستول شي.
د طالبانو سترې محکمې اعلان کړی، چې د روان کال له چنګاښ څخه تر وږي میاشتې پورې ۱,۱۶۳ کسان د نظامي محکمو د پرېکړو پر بنسټ زنداني شوي دي. نظامي محکمې د هغو کسانو دوسیې څېړي، چې د طالبانو په اداره کې د نظامي کارکوونکو په توګه دندې ترسره کوي.
د اېچبياو ټلوېزون د مشهورې ډرامې «ده وایر» اداکار جېمز رینسن د جمعې په ورځ د ۴۶ کلونو په عمر ځان وژنه کړې ده. د لاسانجلس طبي چارواکو د هغه ځان وژنه تایید کړې ده.