د طالبانو د کورنیو چارو وزارت وايي، په فراه کې یې د نږدې درېیو میلیونو افغانیو د غلا په تور څلور کسان او په کابل کې د یوې نجلۍ د وژنې په تړاو دوه نور کسان نیولي دي.
د هند پولیسو په نوي ډیلي کې د «کاکروچ» په نوم د سیاسي غورځنګ مشر ابهیجیت ډپکې نیولی دی. دغه نیونه تر هغې غونډې مخکې شوې چې سلګونو کسانو پکې د ټاکنو د عمومي کمېشنر د استعفا غوښتنه کوله.
د افغانستان د پخواني پارلمان غړې فوزیه کوفي له طالبانو سره د بهرنیو ډیپلوماټانو پر پرلهپسې تعاملاتو نیوکه کړې او پوښتنه یې کړې چې دغه لیدنو د افغان ښځو او نجونو په ژوند کې څه بدلون راوستی؟ په داسې حال کې چې د هغې په وینا، وضعیت لا خراب شوی دی.
د طالبانو امربالمعروف وزارت ویلي، چې خپلو محتسبینو ته یې ۱۰۰ عرادې موټرسایکلونه وېشلي، چې موخه یې د کارونو چټکول، د خلکو شکایتونو ته پر وخت رسېدنه او د منکراتو مخنیوی ښودل شوی دی.
د افغانستان د فوټسال ملي لوبډلې د برازیل په کوربهتوب د شپږو هېوادونو ترمنځ سیالیو کې پیرو ته درې پر صفر ماتې ورکړه. افغان لوبډلې تر دې مخکې خپله لومړۍ لوبه له جاپان سره بېګولونو مساوي کړې وه.
د ملګرو ملتونو د کډوالو عالي کمېشنري (یونسیار) وايي، افغانستان کې کورني بېځایه شوي او راستانې شوې کورنۍ همهاله له لوږې، طبیعي پېښو او ګڼو نورو ناورینونو سره مخ دي او بېړنیو بشري مرستو ته اړتیا لري.
د خیبر پښتونخوا په پېښور ښار کې شاوخوا ۱۲ ناپېژانده وسلهوال د یوه جګپوړي دولتي چارواکي اکرامالله خان، کور ته ننوتلي او د هغه دوه ماشومان یې تښتولي دي. پولیس وايي، پېښه د حیاتاباد سیمې په پنځم فېز کې شوې ده.
د جمهوري نظام پر مهال د چارو ادارې مشر فضل محمود فضلي وايي، د پاکستان هغه ادعا چې د تحریک انصاف ګوند مخکښ غړی مراد سعید په افغانستان کې دی او له هغه ځایه اعتراضونه رهبري کوي، باید له شواهدو سره مل وي.
د طالبانو د بهرنیو چارو وزارت وايي، د قونسلي چارو په برخه کې یې د ځینو اداري پروسو له ساده کولو وروسته هڅې پیل کړي چې دا لړۍ د وزارت نورو برخو ته هم وغځوي؛ خو لا یې نه دي روښانه کړي چې د بدلونونو له امله د مراجعینو وخت او لګښتونه څومره کم شوي دي.
پاکستان او ترکیې په بلوچستان کې د مسو، سرو زرو او سپینو زرو د پلټنې او استخراج لپاره هوکړه لاسلیک کړې ده. د دې پروژې چارې به د بلوچستان په پشین ولسوالۍ کې د ۴۹۹ مربع کیلومتره په ساحه کې ترسره شي.
د طالبانو د المپیک، بدني روزنې او سپورټ عمومي ریاست وايي، د بایسکلځغلونې د ملي لوبډلې درې لوبغاړو د بامیان، پروان او کابل ترمنځ شاوخوا ۴۰۰ کیلومتره بایسکلځغلونه کړې ده.
په باکو کې د طالبانو د سفارت سرپرست محمد فیصل د اذربایجان د اوسپنې پټلۍ ادارې د بهرنیو اړیکو له مشر شاهمر حاجییف سره د ټرانسپورټي او ټرانزیټي همکاریو او دوهاړخیزې سوداګرۍ پر پراختیا خبرې کړې دي.
د طالبانو تر واک لاندې د کډوالو ستونزو ته د رسېدنې عالي کمېسیون وايي، د جمعې په ورځ د تورخم، سپین بولدک، ورېښمو پل او اسلامکلا له لارو ۹۵۵ کډوال، افغانستان ته جبري راستنې شوې.
د ملګرو ملتونو پراختیايي پروګرام او د اکسفورډ پوهنتون د بېوزلۍ او بشري پرمختګ نوښت په یوه ګډ راپور کې چې د بې وزلۍ سره د مبارزې ورځې په مناسبت خپور شوی ویلي، چې په نړۍ کې نږدې ۱،۲ میلیارده کسان له سختې څو اړخیزې بېوزلۍ سره مخ دي.
د پاکستان د لاهور عالي محکمې د څه باندې ۳۰ افغان طبي زدهکوونکو د شړلو د مخنیوي حکم غځولی او د پاکستان طبي او غاښونو شورا ته یې د رسمي ځواب وړاندې کولو لپاره نوره موده ورکړې ده.
د ملګرو ملتونو د ښځو څانګې ویلي، چې په ۲۰۲۶ کال کې په ټوله نړۍ کې ۴۲۶ میلیونه ښځې او نجونې په خورا بېوزلۍ کې ژوند کوي. دغه سازمان د بېوزلۍ د له منځه وړلو د نړیوالې ورځې په مناسبت د ښځو د ملاتړ لپاره د ټولنیز خوندیتوب، روغتیا او زدهکړو په برخو کې د لا زیاتو پانګونو غوښتنه کړې ده.
د افغانستان د ۱۹ کلنو کمعمره کرېکټ لوبډله نن د عمان په مسقط ښار کې د بنګلهدېش له سیالې لوبډلې سره د څلورو یو ورځنیو سیالیو لوبلړۍ په لومړۍ لوبه کې مخامخ کېږي. ټاکل شوې چې لوبه د افغانستان پر وخت د سهار په ۱۰ بجو پیل شي.
د پاکستان د دفاع وزیر خواجه اصف هغه ادعاوې رد کړې چې ګواکې دغه هېواد خپل قیمتي کانونه امریکا ته سپارلي دي. نوموړي ویلي، د کانونو د استخراج په اړه له بېلابېلو هېوادونو سره خبرې روانې دي، خو تر اوسه له امریکا یا کوم بل هېواد سره تړون نه دی لاسلیک شوی.
د خیبر پښتونخوا په لکي مروتو او اورکزیو کې د پولیسو په بېلابېلو عملیاتو کې ۱۱ وسلهوال وژل شوي دي. د ترهګرۍ ضد پولیسو ویلي، چې په ولۍ ساګي سیمه کې یې د اتحاد المجاهدین ډلې قوماندان زاهد ګل هم وژلی، چې د کوهاټ د برید طراح بلل شوی دی.
په یمن کې د سعودي عربستان په مشرۍ د ملاتړ ایتلاف وايي، د سعودي عربستان پر لور توغول شوی یو بالستیک توغندی، دوه کروز توغندي او د پنځو بېپیلوټه الوتکو بریدونه یې شنډ او له منځه وړي دي.
د اوکراین په ختیځه جبهه کې د سټارلنک انټرنېټي خدمتونو کمزورتیا، د اوکرایني ځواکونو اړیکې ګډې وډې کړې او د روسي ځواکونو د هدفونو په نښه کولو بهیر یې ستونزمن کړی دی. دا وضعیت وروسته له هغې رامنځته شوی چې امریکا د اوکرایني پوځ لپاره د سپوږمکۍ ځینې پوځي خدمتونه محدود کړل.