د افغانستان لپاره د پاکستان پخوانی ځانګړی استازی اصف دُرانی ادعا کوي، چې له القـاعده او داعـش سربېره افغانستان کې بېلابېلې ترهګرې ډلې فعالې او د طالبانو له ملاتړه هم برخمنې دي. هغه زیاتوي، چې د پاکستان ضد ډلې ټيټيپي او بلوڅ بېلتونپال هم افغانستان کې پناه ځایونه لري.
د پاکستان د بهرنیو چارو وزارت ویاند ويلي، چې پاکستان غواړي په افغانستان کې سوله او ثبات وویني او له افغانستان سره ښې او دوستانه اړیکې ولري، خو ايا افغانستان هم غواړي چې له پاکستان سره دوستي وکړي؟. هغه ويلي چې که طالبان د وسله والو مخه ونیسي، د همکارۍ فضا بېرته رامنځته کېدای شي.
د خیبرپښتونخوا مرکز پېښور په لاس جوړېدونکو دودیزو او لاسي پکو تر ټولو لوی بازار بلل کېږي. یو وخت به له دې بازار څخه په لاس جوړې شوې پکې نه یوازې د خیبر پښتونخوا بېلابېلو سیمو بلکې افغانستان او هند ته هم لېږل کېدل، خو د عصري وسایلو او تورخم بندېدو له امله یې کاروبار پیکه شوی دی.
د خیبرپښتونخوا والي فیصل کریم کنډي وايي، د پاکستان او افغانستان ترمنځ د سوداګریزو لارو د بیا پرانېستلو لپاره اغېزناک ګامونه پورته کېږي. د نوموړي په وینا، له تېرو ۱۱ میاشتو راهیسې چې دغه لارې تړل شوي، د دواړو خواوو سوداګرو ته ګڼ زیانونه اوښتي دي.
د پاکستان پخوانی سفیر او د امریکا د جورج ټاون پوهنتون استاد توقیر حسین وايي، د افغانستان په اړه د اسلاماباد تګلارې بنسټیز بدلون ته اړتیا لري او د دې هېواد په اړه د پاکستان تر اوسه امنیتمحوره چلند برعکس پایلې لرلې دي.
د پاکستان لومړي وزیر شهباز شریف د سېشنبې په ورځ د قرغزستان په پلازمېنه بشکېک کې د شانګهای د همکارۍ سازمان په غونډه کې وویل، تر هغو چې ترهګرې ډلې د افغانستان له خاورې څخه پر پاکستان او نورو ګاونډیو هېوادونو د بریدونو لپاره کار اخلي، په سیمه کې د تلپاتې سولې ټینګښت ناشونی دی.
په پاکستان کې د طالبانو سفیر سردار احمد شکېب په اسلاماباد کې د دغه هېواد په ملي دفاع پوهنتون کې د وینا پرمهال ویلي، د تېرو څو لسیزو جګړو او امنیتي تحولاتو داسې وضعیت رامنځته کړی چې د افغانستان او پاکستان امنیتي محاسبې یې له یو بل سره په ژوره توګه تړلې دي.
د پاکستان د پلازمېنې اسلام اباد د عالي محکمې يوه قاضي د افغان محصلينو د تحصيلي ويزو د تمدېدو د څرنګوالي د قضيې په اورېدنه کې ويلي، « موږ دا مهال له افغانستان سره د جګړې په حالت کې یو او افغانستان دښمن هېواد دی».
د پاکستان او افغانستان د ګډې سوداګرۍ خونې مرستیال مشر ضیاالحق سرحدي وایي، چې د دواړو هېوادونو تر منځ د ټرانیزیټي لارو د اوږدې مودې تړل کېدو له امله پاکستان تر اوسه له پنځه میلیاردو امریکايي ډالرو ډېر سوداګریز زیان لیدلی دی.
د بحران نړیواله ډله وايي، په منځني ختیځ کې د جګړې پراخېدل د پاکستان امنیتي او ډیپلوماتیکې ستونزې زیاتوي او د بلوڅو وسلهوالو د فعالیتونو له ډېرېدو سره ښايي له افغانستان سره د پاکستان د ترینګلتیا او د نوې وسلهوالې نښتې خطر هم لوړ شي.
په افغانستان کې د پاکستان پخواني سفیر منصور احمد خان د دغه هېواد د بهرنیو چارو وزارت د ویاند وروستیو څرګندونو ته په اشارې چې پاکستان له افغانستان سره د شخړو د حل لپاره د دولتونو په کچه خبرو ته چمتو دی، یوه مثبته نښه بللې ده.
د پاکستان د بهرنیو چارو وزیر اسحاق ډار وایي، لندن ته یې د خپل سفر پر مهال د افغانستان له خاورې د ترهګریزو ګواښونو په اړه د اسلاماباد اندېښنې له برېتانوي لوړپوړو چارواکو سره شریکې کړې دي.
د پاکستان د بهرنیو چارو وزارت ویاند ویلي، که طالبان د خپلو ګټو پر ځای د هند په خدمت کې فعالیت وکړي او له افغان خاورې د پاکستان د بېثباته کولو لپاره کار واخیستل شي، اسلاماباد به طالبان د هند یوه «نیابتي ډله» وبولي.
د پاکستان د بهرنیو چارو وزارت ویاند طاهر اندرابي وايي، اسلاماباد له افغانستان سره د شخړو د حل لپاره د دولتونو په کچه خبرو ته چمتو دی. هغه ټینګار وکړ، چې د هر ډول جوړجاړي یا مېکانیزم د دوام لپاره باید کابل عملي او د تایید وړ اقدامات ترسره کړي.
د طالبانو د بدخشان امنیه قوماندان عبدالبصیر مظهري، ادعا کړې چې پاکستان ډیورنډ کرښې ته څېرمه، د چترال په سیمه کې د طالبانو وسلهوالو مخالفانو ته پناهځایونه او روزنیز مرکزونه جوړ کړي دي.
د پاکستان د اطلاعاتو او نشراتو وزارت د طالبانو د وياند ذبیح الله مجاهد هغه ادعا په کلکه رد کړې، چې یې ويلي و، د پاکستان پوځ د بدخشان په تاوتریخوالي کې په فزیکي توګه ښکېل دی.
د خیبر پښتونخوا والي فیصل کریم کنډي له یوشمېر سوداګرو او مشرانو سره په ناسته کې د وینا پرمهال ویلي، چې د پاکستان او افغانستان ترمنځ ښې اړیکې د دواړه هېوادونو په ګټه دي او ټولې ستونزې باید د خبرو له لارې حل شي.
د پاکستان په پارلمان کې د اپوزیسیون مشر محمود خان اڅکزي د حکومت پر سیاستونو په نیوکو سره ویلي، «له افغانستان سره کومه دښمني ده؟ دا دې ثابته کړل شي چې افغانستان له پاکستان سره د دښمنۍ پر لاره روان دی».
د پاکستان د استخباراتي ادارې (اې ایس اې) پخواني مشر اسد دراني له طالبانو څخه د اسلام اباد د ملاتړ له پخوانۍ تګلارې دفاع کړې او ویلي یې دي چې د دغه ډلې له جوړېدو پښېمانه نه دی.
د حزب اسلامي ګوند مشر ګلبدین حکمتیار وایي، د طالبانو او اسلاماباد ترمنځ روانه لانجه په حقیقت کې د ډیلي او اسلاماباد جګړه ده چې له کشمیر نه افغانستان ته انتقال شوې. هغه ویلي: «يوازې ناپوه او غرضي كسان به دا وايي او انګېري چې روانه لانجه د پاكستان او يوې افغانې ډلې لانجه ده».
د جمعیت علمای اسلام ګوند مشر مولانا فضل الرحمان ویلي، د ډیورنډ کرښې په اوږدو کې او د پخوانیو قبایلي سیمو سوداګرو کاروبارونه په ټپه درېدلي، باید دوی د اوسنیو ستونزو قرباني نه شي، ځکه د ډېری کورنیو اقتصادي ژوند له افغانستان سره په سوداګرۍ پورې تړلی دی.
د طالبانو ویاند ذبیح الله مجاهد د یادې ډلې او پاکستان ترمنځ د کړکېچ د حل لپاره د چین او نورو هېوادونو له منځګړیتوب هرکلی وکړ او ویې ویل، چې دوی د خبرو اترو او مذاکراتو ملاتړ کوي. هغه د دوشنبې په ورځ (د زمري ۲۶مه) هیله څرګنده کړه، چې د منځګړو هڅې به «مثبتې» پایلې ولري.