د فرانس۲۴ په یوه راپور کې راغلي، د طالبانو او پاکستان ترمنځ د روان کړکېچ له پیل راهیسې ډرونونه د دواړو خواوو د تقابل یوه نوې وسیله ګرځېدلې او اسلاماباد ادعا کوي چې یوازې د ۲۰۲۶کال په سپټمبر میاشت کې یې له افغانستان نه توغول شوي ۲۳ ځانمرګي ډرونونه شنډ کړي دي.
د پاکستان د اطلاعاتو وزارت وايي، د ملګرو ملتونو په یوه راپور کې په افغانستان کې د ټيټيپي د شاوخوا شپږ زره جنګیالیو شتون او له دې ډلې سره د طالبانو د ملاتړ یادونه شوې ده. دغه وزارت له افغان طالبانو غوښتي چې دخبرو پر ځای ددغه ډلې پر ضد عملي اقدامات وکړي.
د طالبانو ویاند ذبیحالله مجاهد د افغانستان په اړه د پاکستاني چارواکو وروستیو څرګندونو ته په غبرګون ویلي، د پاکستان پوځي کړۍ په کابل او اسلاماباد کې د ناامنۍ لامل شوې. د هغه په وینا، دغه پوځي کړیو د افغانستان او پاکستان ترمنځ د ستونزو د حل لپاره د خبرو او مذاکراتو مخه نیولې ده.
د پاکستان د بهرنیو چارو وزیر اسحاق ډار طالبانو ته خبرداری ورکړی، چې د وسلهوالو ډلو پر ضد د اقدام نه کولو له پایلو سره به مخ شي. نوموړي ویلي، پاکستان د ترهګرۍ پرضد مبارزه کې تر ۹۰زره ډېر کسان له لاسه ورکړي او اقتصاد یې نږدې ۵۰ مېلیارده ډالر زیان لیدلی دی.
د افغانستان د عدلیې پخوانی وزیر فضلاحمد معنوي په دغه مقاله کې، چې افغانستان انټرنشنل ته یې لیکلې ده، پر دې بحث کوي چې ولې د طالبانو او اسلاماباد اړیکه له ملګرتیا څخه مقابلې ته رسېدلې ده او دا ناورین د ایران، هند او د افغانستان د راتلونکي لپاره څه پایلې لري.
د پکتیا ډنډ پټان ته څېرمه پر ډیورند کرښه نن ماښام د طالبانو او پاکستاني ځواکونو تر منځ یو ځل بیا نښته شوې ده. طالبان ادعا کوي، چې لومړی ډزې پاکستاني لوري کړي او دوی ځوابي ډزې کړې دي. دوی زیاتوي، دمګړۍ وضعیت نورمال دی.
د خیبر پښتونخوا والي فیصل کریم کنډي ادعا کړې، چې افغانستان د هند او اسراییل پر مرکز بدل شوی او تور یې ولګاوه، چې تحریک انصاف ګوند د افغانستان په وضعیت او له هغې خوا د بریدونو په تړاو پټه خوله دی. هغه ادعا وکړه، چې ایالتي حکومت د ترهګرۍ پر وړاندې هېڅ څرګنده تګلاره نهلري.
په ایټالیا کې د افغانستان سفیر خالد ذکریا د افغانستان په اړه د مسکو فارمټ ناسته کې د طالبانو او پاکستان اختلافونه او له همدې امله، له ګډې اعلامیې پرته د ناستې پای ته رسېدو ته په اشارې سره ویلي، چې د سیمهییزو ګټو تضاد په افغانستان کې د نیابتي سیالیو خطر رامنځته کړی دی.
په مسکو کې مېشت امریکايي سیاسي شنونکی انډریو کوریبکو په یوې نوې مقاله کې څرګنده کړې، چې د پاکستان په اړه د طالبانو لیدلوری او دریځ په بشپړه توګه ناسم نهدی او یو څه ريښتینولي لري.
د پاکستان د ولسمشر ویاند مرتضی سولنګي د طالبانو حکومت «ترهګر رژیم» بللی دی او زیاته کړې یې ده چې طالبان د هند او نورو هېوادونو په مرسته ترهګرو ته خوندي پټنځایونه ورکړي دي.
په ملګرو ملتونو کې د پاکستان دایمي استازي عاصم افتخار احمد د ملګرو ملتونو د عمومي اسامبلۍ په شپږمه کمېټه کې ادعا کړې، چې هېواد یې د افغانستان په خاوره کې د هند له لوري د تمویلېدونکو وسلهوالو ډلو له دوامداره بریدونو سره مخ دی.
د پاکستان د لومړي وزیر سیاسي سلاکار رانا ثناءالله وايي، اسلاماباد تر اوسه د شواهدو پر بنسټ د افغانستان په خاوره کې «په محدوده کچه» عملیات ترسره کړي. هغه ویلي، د پاکستان یوازینۍ غوښتنه له طالبانو دا ده چې اجازه ور نهکړي افغان خاوره د پاکستان پر وړاندې د بریدونو لپاره وکارول شي.
د پاکستان لومړي وزیر شهباز شریف د ملګرو ملتونو له سرمنشي انتونیو ګوترېش سره په لیدنه کې په افغانستان کې د فعالو ترهګرو ډلو پر وړاندې د عملي اقدام غوښتنه کړې. نوموړي د چهارشنبې په ورځ په دې لیدنه کې د افغانستان د سولې پر ارزښت هم ټینګار وکړ.
د روسیې د بهرنیو چارو وزیر سرګي لاوروف د سېشنبې په ورځ (د تلې ۱۴مه) د مسکو فارمټ ۸مې ناستې د ګډې اعلامیې د نه خپرېدو په اړه د طالبانو او پاکستان ترمنځ پر اختلافاتو اندېښنه څرګنده کړې.
د پاکستان ولسمشر اصف علي زرداري د سې شنبې په ورځ د ملګرو ملتونو سرمنشي انتونیو ګوترېش سره اسلاماباد کې د لیدنې پر مهال وویل، په افغانستان کې مېشتې ترهګرې ډلې لا هم پاکستان په نښه کوي. هغه زیاته کړې چې اسلاماباد د دې ډلو د بهرني ملاتړ په اړه شواهد له اړوندو لورو سره شریک کړي دي.
د طالبانو د سرحدونو، قومونو او قبایلو چارو وزیر ملا نورالله نوري د غزني په جاغوري ولسوالۍ کې په یوه ولسي غونډه کې یو وار بیا د پاکستان پر حکومت او استخباراتو نیوکې کړې دي. نوموړي زیاته کړې، چې پاکستان دې د افغانانو صبر او حوصله نه ازمايي.
د ایران د بهرنیو چارو وزارت د جنوبي اسیا عمومي مدیر محمدرضا بهرامي وايي، تهران چمتو دی چې د طالبانو او پاکستان ترمنځ د روان کړکېچ د کمولو او د دواړو لورو د اړیکو د ښه کېدو لپاره منځګړیتوب وکړي.
د مسکو په غونډه کې د طالبانو د بهرنیو چارو وزیر او د افغانستان لپاره د پاکستان ځانګړي استازي ترمنځ د ترهګرۍ د موضوع پر سر لفظي ناندرۍ شوې دي. متقي پاکستان د ترهګرو مرکز بللی، خو صادق خان په ځواب کې ویلي، چې نړیوالو هم هغه مهال چې طالبان هلته اوسېدل، پاکستان د ترهګرو مرکز باله.
د افغانستان په چارو کې د روسیې د ولسمشر ځانګړی استازی ضمیر کابلوف وايي، روسیه خواشینې ده چې د افغان او پاکستاني استازو ترمنځ د اختلاف له امله د مسکو فارمټ د مشورتي ناستې په پای کې د ګډې اعلامیې پر سر هوکړه ونه شوه.
د پاکستان د کراچۍ الرشید مدرسې مشر مفتي عبدالرحیم په یوه تازه پوډکاسټ کې ویلي، پاکستاني پوځ د حرمین شریفین ساتنه کړې او د نړۍ یوازینی اټومي هېواد دی چې پر وړاندې یې هر ډول جګړه له اسلام سره دښمني ده. هغه ادعا کړې، چې هند د پاکستان پر ضد افغان طالبانو ته د اسراییل ټکنالوژي ورکوي.
د افغانستان د عدلیې پخواني وزیر فضل احمد معنوي ویلي، چې د طالبانو او پاکستان ترمنځ اوسنۍ نښتې او ژور اختلافات یوازې د تحریک طالبان پاکستان (ټيټيپي) پر مسئلې محدود نهدي، بلکې تر شا یې پېچلې تاریخي، اقتصادي او جیوپولیټیکي ریښې پرتې دي.
د تېر جمهوري نظام د عدلیې پخوانی وزیر فضل احمد معنوي وایي، له پاکستان سره د طالبانو د «بشپړ لاسپوڅي توب» اړیکه په ختمیدو ده. د هغه په وینا، طالبان به یا دغې «ناشونې اړیکې» ته دوام ورکوي او یا به د « خپلواکۍ او متقابلو ګټو» اړیکې غواړي، چې پاکستان ته د منلو وړ نهدي.