د طالبانو او پاکستان کړکېچ

د طالبانو ویاند ذبیح الله مجاهد د ایران اېراف رسنۍ سره په مرکه کې د پاکستان او افغانستان د اړیکو په اړه ویلي: «اوس یوه کوچنۍ پوځي ډله واکمنه ده، چې د پاکستان ټولې ګټې یې یرغمل کړې او له افغانستان سره هم د کړکېچ غوښتنه کوي».

د طالبانو دفاع وزیر ملا یعقوب مجاهد وايي، تر اوسه یې له پاکستان سره له «حوصلې» کار اخیستی دی. هغه خبرداری ورکړی، که د افغانستان پر وړاندې د اسلام‌اباد روان وضعیت دوام وکړي، نو بیا به پر خپلو پالیسیو هم غور وکړي. له نږدې یوه کال راهیسې د طالبانو او پاکستان تر منځ ناندرۍ روانې دي.

د پاکستان د ولسمشر ویاند له پاکستان څخه افغانستان ته د وسلو د قاچاق په اړه د طالبانو د ادعاوو په ردولو سره افغان طالبان «د منځنیو پېړیو وحشیان» وبلل. سره له دې چې ډيپلوماټيک عُرف کې دغه ډول څرګندونې ناسمې ګڼل کېږي، خو افغان طالبانو لا تر اوسه په دې تړاو غبرګون نه‌دی ښودلی.

د پښتونخوا نشنل عوامي ګوند مشر خوشحال خان کاکړ له افغانستان انټرنشنل- پښتو سره په ځانګړې مرکه کې ویلي، چې د افغانستان او پاکستان اړیکې باید د لاسوهنو پر ځای د متقابل درناوي او ورورولۍ پر بنسټ ولاړې وي او «دواړه هېوادونه باید د یو بل په چارو کې له مداخلې ډډه وکړي».

په ملګرو ملتونو کې د پاکستان دایمي استازي عاصم افتخار احمد د امنیت شورا په غونډه کې ویلي، چې په افغانستان کې لاهم ګڼې وسله‌والې ډلې خوندي پټنځایونه لري او فعالیتونه یې د سیمې امنیت ګواښي.

د افغانستان په چارو کې د پاکستان پخواني ځانګړي استازي اصف دراني ویلي چې اسلام‌اباد باید د افغانستان د کورنیو تګلارو د سمون پړه پر غاړه وانخلي، ځکه دا دنده د افغانستان د اوسنیو واکمنانو او نړیوالې ټولنې ده.

د افغانستان لپاره د پاکستان ځانګړي استازي محمد صادق وايي، له چینايي چارواکو سره یې د افغانستان له خاورې د تحریک طالبان پاکستان (ټي‌ټي‌پي) او د ختیځ ترکستان اسلامي غورځنګ د فعالیتونو له امله پر رامنځته شویو ګواښونو خبرې کړې دي.

د افغانستان لپاره د پاکستان پخواني ځانګړي استازي اصف دُراني ویلي، چې د افغانستان د تېرو دوو لسیزو د ناکامۍ او اوسنۍ غمیزې پړه پر پاکستان اچول له فکري پلوه ناسم کار دی. هغه زیاته کړې چې د کابل سقوط او د دغه هېواد اوسنی وضعیت ډېر بېلابېل عاملین لري.

پخواني افغان ډیپلوماټ زردشت شمس الجزیرې خبري شبکې ته په خپلې یوې نوې مقاله کې لیکلي، چې پر افغانستان د پاکستان هوايي بریدونه یوازې د تحریک طالبان پاکستان یا ټي‌ټي‌پي د ځپلو لپاره نه‌دي، بلکې اسلام‌اباد غواړي له دې لارې په سیمه کې خپله ستراتیژیکه واکمني او نفوذ ټینګ کړي.

د افغانستان لپاره د پاکستان پخوانی ځانګړی استازی اصف دراني وايي، د طالبانو له‌خوا د تحریک طالبان پاکستان موضوع د پاکستان کورنۍ ستونزه بلل ښيي چې کابل د دغې ډلې پر ضد د اقدام نیت نه‌لري. افغان طالبان له یادو څرګندونو سربېره دا هم وايي، چې په افغان خاوره کې هېڅ ترهګره ډله نه‌شته.

پاکستان د افغانستان د روان امنیتي او سیاسي وضعیت د ارزونې لپاره په کابل کې خپل سفیر عبیدالرحمان نظاماني اسلام‌اباد ته د لوړې کچې سلامشورو لپاره وربللی دی.

د افغانستان لپاره د پاکستان پخواني ځانګړي استازي اصف دُراني ویلي، د طالبانو اصلي ازموینه دا ده چې ډاډ ورکړي د افغانستان خاوره به د ګاونډیو هېوادونو پر ضد د ګواښونو لپاره نه کارول کېږي.

د رواداري په نوم د بشري حقونو د څار بنسټ په خپل یوه نوي راپور کې ویلي، د ۲۰۲۴ کال د ډسمبر له لومړۍ نېټې څخه د ۲۰۲۶ کال د جون تر پایه د پاکستان د پوځي عملیاتو له امله په افغانستان کې لږ تر لږه ۱۱۸۷ملکي وګړي وژل شوي او ټپیان شوي دي.

د تورخم لارې د تړل پاتې کېدو پرضد د لنډي کوتل په سیمه کې د کارګرو، سوداګرو او قومي مشرانو غونډه جوړه شوه. د غونډې ګډونوالو په تورخم لاره د سوداګرۍ د ځنډ، اقتصادي ستونزو او د زرګونه کسانو د روزګار د له‌منځه تلو په اړه ژوره اندېښنه څرګنده کړه.

د افغانستان د تېر جمهوري نظام د ملي دفاع وزارت سرپرست شاه محمود میاخېل د پاکستان د اټوم په تړاو د یوه مستند په اړه ویلي، پاکستان پوځ وسله‌والې ډلې د خپلو سیمه‌ییزو موخو او بهرنۍ تګلارې لپاره د ستراتیژیکو وسیلو په توګه کاروي.

د خيبر پښتونخوا د اطلاعاتو او عامه اړيکو وزير شفيع جان ويلي، له افغانستان سره د لارو تړل د ستونزو حل نه‌دی، بلکې د ستونزو د حل لپاره يوه مېکانیزم ته اړتیا ده، ځکه چې د سوداګریزو اړیکو د درېدو له امله خلک له ستونزو سره مخ شوي دي.

د طالبانو ویاند ذبیح‌الله مجاهد د پاکستان د بهرنیو چارو وزیر اسحاق ډار د هغو څرګندونو په غبرګون کې چې ګواکې په افغانستان کې د «ترهګرو» ډلو د موجودیت په اړه اندېښنې لري ویلي، اسلام‌اباد باید خپلې کورنۍ ستونزې پر طالبانو ور ونه‌تپي.

د پاکستان د پوځ لوی درستیز عاصم منیر، ویلي چې پوځ به یې د وسله‌والو ډلو د پټنځایونو او مرکزونو پر ضد عملیاتو ته تر هغه دوام ورکړي چې د ده په وینا، د امنیتي ګواښونو جرړې په بشپړه توګه له منځه ولاړې شي.