د افغانستان انټرنشنل - پښتو یو څارونکی وایي، د طالبانو د عدلیې وزارت له لوري د کډوالو لپاره د ناروې د کمېټې (این ار سي) د حقوقي برخې فعالیتونه له څلورو میاشتو راهیسې بند شوي دي.
یوه کورنۍ وایي، د کابل په یوه روغتیايي کلینیک «ترکش» کې د وېښتانو د کښت یا ټرانسپلانټ پر مهال د ډاکټرانو د بېغورۍ او غفلت له امله د دوی د کورنۍ یو ځوان «محمد حنیف بارک» خپل ژوند له لاسه ورکړی دی.
په کابل کې یو هټۍوال افغانستان انټرنشنل ته په لېږلي پیغام کې ویلي، چې طالبانو یې هټۍ د رسمي جواز سربېره د کوم څرګند لامل پرته مهر و لاک کړې ده.
د کابل ښار یوې اوسېدونکې افغانستان انټرنشنل ته په لېږلي پیغام کې ویلي، چې د طالبانو د پوهنې په ریاست کې ښځینه کارکوونکې د محدودیتونو او د اداري چارو پرمهال له ستونزو او لالهاندۍ سره مخ دي.
د بلخ ولایت د همدرد ښارګوټي یو اوسېدونکي افغانستان انټرنشنل ته په لیږلي پیغام کې ویلي، چې په دغه ښارګوټي کې ودانیزې چارې او ځمکو د پلور بهیر د ارزونې لپاره د طالبانو لهخوا درول شوی؛ خو د کلي مشران بیا له خلکو د ودانیزو چارو د اجازې په بدل کې ۲۰زره افغانۍ اخلي.
د بدخشان یو اوسېدونکی وايي، د دغه ولایت په ولسوالیو کې ناروغان د درملو او روغتیايي خدمتونو له کمښت سره مخ دي او په ځینو روغتیايي مرکزونو کې د ډاکټرانو او مسوولینو له نامسلکي چلند څخه هم شکایت لري.
د هرات یو اوسېدونکي افغانستان انټرنشنل ته په لېږلي پیغام کې ویلي، له تېرو دوو ورځو راهیسې طالبانو په اندېشه او جمعه بازار سیمو کې لسګونه ښځې نیولې او له ځان سره یې بیولې دي. نوموړی وايي، چې خلک د طالبانو له وېرې چوپ دي.
د بدخشان د فیضاباد ښار یو اوسېدونکي افغانستان انټرنشنل ته په لېږلي پیغام کې په دغه ولایت کې له وسلهوالو غلاوو شکایت کړی او زیاته کړې یې ده، چې طالبان یادې ستونزې ته رسېدنه نهکوي. نوموړي ویلي، چې نږدې هره شپه له هټیو او کورونو غلاوې کېږي.
د هرات اوسېدونکي افغانستان انټرنشنل ته په رالیږلي پیغام کې د هرات په یوه روغتون کې د درملنې له بهیر او د روغتون د کارکوونکو د نامسوولانه چلنده شکایت کړی. نوموړي ویلي، خپله ناروغه مېرمن یې په هرات کې یوه روغتون ته وړې وه؛ خو هغه مهال د بېړنۍ څانګې برخه کې یوازې یو ډاکټر حاضر و.
د مقر پر لویه لار یو موټرچلوونکی ادعا کوي چې د لیزري څراغونو او د ږیرې خرېیلو له امله یوه طالب چارواکي په مخ په څپېړه وهلی او سپکاوی ورته شوی دی. نوموړی وايي، طالبانو شاوخوا درې ساعته کښینولی و.
د کاپیسا د حصه اول کوهستان ولسوالۍ اوسېدونکي شکایت کوي، چې په دغه ولسوالۍ کې د طالبانو امنیه قوماندان او د محکمې رییس له خلکو پیسې او خوراکي توکي اخلي.
د هلمند د مارجې ولسوالۍ یو شمېر زدهکوونکي او کورنۍ شکایت کوي چې د ځینو ښوونیزو مرکزونو ترمنځ رقابت د زدهکوونکو پر ازموینو، نمرو او له هغوی سره پر مساوي چلند منفي اغېز کړی دی.
د کابل ښار د پنځمې حوزې د رېګرېشن سیمې یو شمېر اوسېدونکي وايي، د طالبانو تر واک لاندې کابل ښاروالۍ د هغو کورونو نړول پیل کړي چې د دوی په وینا، څه باندې شل کاله وړاندې د پخواني حکومت پر مهال کډوالو ته د استوګنې لپاره ورکړل شوي وو.
د هرات پوهنتون د طب د غاښونو څانګې یو محصل افغانستان انټرنشنل ته په لیږلي پيغام کې ویلي، طالبانو د دغه څانګې شاوخوا ۷۰ محصلین د «سنت او شریعت» د نه مراعتولو په پلمه له پوهنځي اېستلي او خبرداری یې ورکړی چې تر دویمې خبرتیا پورې دې پوهنتون ته نه ورځي.
د سرپل ولایت یو اوسېدونکي افغانستان انټرنشنل ته په لېږلي پیغام کې ویلي، چې په دغه ولایت کې د اوبو وضعیت د تېرو کلونو پرتله ډېر بدل شوی او د اوبو سرچینې په پراخه کچه کمې شوې دي.
د لوګر د یوه اوسېدونکي کورنۍ وايي، د دوی د کورنۍ یو غړی د کابل په پغمان ولسوالۍ کې د ناپېژاندو کسانو له خوا په چړو وهل شوی او وژل شوی دی. دوی له طالبانو څخه د عاملانو د نیولو غوښتنه کوي.
له ایران نه یو افغان محصل افغانستان انټرنشنل ته په لېږلي پیغام کې ویلي، چې د تهران په پیام نور پوهنتون کې شاوخوا له ۱۰۰ تر ۱۵۰ پورې افغان محصلان له نږدې شپږو میاشتو راهیسې د استوګنې قانوني اسنادو (اقامې) د مودې غځولو په برخه کې له ګڼو ستونزو سره مخ دي.
د خواله رسنیو افغان فعال سهیل نور وایي، د طالبانو د کورنیو چارو وزارت وسلهوالو کسانو د ده بې ګناه زوی په کابل کې نیولی و او تر یوې نیمې میاشتې بند وروسته یې خوشې کړی دی. دې فعال په خپله فېسبوک پاڼه لیکلي چې زوی یې د پآکستان پر ضد د ده د رسنیزو فعالیتونو له امله نیول شوی و.
د کابل د سروبي ولسوالۍ یو شمېر اوسېدونکي شکایت کوي چې د شپې له خوا یې برېښنا د ساعتونو لپاره پرې کېږي او پرلهپسې پرچاوۍ د خلکو ورځنی ژوند، کاروبارونه او د ناروغانو او ماشومانو اړتیاوې له ستونزو سره مخ کړې دي.
د بلخ یو اوسېدونکي افغانستان انترنشنل ته په لېږلي پیغام کې ویلي، چې د حیرتان بندر په ګمرک کې بېنظمي او فساد زیات شوی او هېڅوک خپل غږ نهشي پورته کولی. نوموړي ویلي، د معیار او کیفیت په نوم جوړه شوې اداره هم «بېنظمه او بېکفایته» ده.
په افغانستان کې د برېتانیا د پخوانیو همکارانو د ځانګړو ځواکونو، د ځانګړو قطعاتو سرتېرو، افسرانو او د مليامنیت یوه ډله وايي، د «ترهګرۍ» پر وړاندې یې مبارزه کړې او اوس یوازې پرېښودل شوي دي. دغه ډله وايي، له څه باندې څلورو کلونو راهیسې له وېرې، انتظار او ناروښانه برخلیک سره مخ دي.
افغانستان انټرنشنل ته په رالېږل شوي پیغام کې د کابل د اندراګاندي روغتون ناروغان او پایوازان د سرپټي انتظارځای، وړیا تشنابونو او نورو اساسي اسانتیاوو له نشتوالي شکایت کوي او له اړوندو چارواکو غواړي چې د روغتون وضعیت وڅېړي.