د هرات پوهنتون محصلان وايي، له تېرو دوو میاشتو راهیسې په پوهنتون کې د ځیرکو ټېلیفونونو کارول منع شوي او محصلان په خپلو لیلیو کې هم د یادو ټېلیفونونو د کارولو له محدودیت سره مخ دي. د دوی په خبره، نږدې هره ورځ یې لیلیې تالاشي کېږي.
د کابل ښار یوشمېر هټۍوالو افغانستان انټرنشنل ته ویلي، د شپې تر لسو بجو وروسته د هټیو تړل یې پر کاروبار منفي اغېز کوي. دوی وايي، د فعالیت قانوني جوازونه لري او په اړوندو ناحیو کې ثبت دي؛ خو بیا هم اړ اېستل کېږي چې د شپې په لسو بجو خپلې هټۍ وتړي.
د ننګرهار د دره نور د تلکي ډاک اوسېدونکو افغانستان انټرنشنل ته په غږیزو پیغامونو کې ویلي، چې له ۵۰ کلونو مېشتېدو وروسته یې کورونه طالبانو ړنګ کړي دي. یادو اوسېدونکو د انصاف غوښتنه کړې ده.
د کابل ښار د یوه دولتي ښوونځي ښوونکې وایي، نن ورځ له دې امله پرې ډېره سخته تېره شوه چې په نړۍ کې د ښوونکي ورځ نمانځل کېده؛ خو دوی اړ وو چې د نورو عادي ورځو په څېر تدریس وکړي.
د کابل د سروبي ولسوالۍ یوه اوسېدونکي شکایت کړی چې د دې ولسوالۍ لپاره د طالبانو د برېښنا شرکت د مرستیال د زوی په واده کې له دوو ورځو راهیسې پټاقۍ چاودول کېږي او د مرکزي بازار د خلکو ارام یې ګډوډ کړی دی.
د هلمند د موسیکلا ولسوالۍ د عمومي دولتي روغتون یو شمېر ناروغانو او پایوازانو افغانستان انټرنشنل ته ویلي چې سهار روغتون ته پر وخت ورځي، خو د ډاکټرانو او نورو کارکوونکو د کار تر پیل پورې شاوخوا یو ساعت انتظار باسي.
د کونړ د سید جمالالدین افغان پوهنتون یوه محصل افغانستان انټرنشنل- پښتو ته ویلي چې د طالبانو د امر بالمعروف ماموران د محصلانو ږیرې ګوري او د هغو کسانو د پوهنتون او لیلیې کارتونه اخلي چې ږیره یې لنډه کړې وي.
د کابل یو اوسېدونکي افغانستان انټرنشنل ته د یوې ویډيو په لېږلو سره ویلي، چې طالبانو د یکشنبې په شپه په خېرخانې مېنې کې سراي شمالي ته نږدې شاوخوا ۴ نجونې تر سختو وهلو وروسته نیولې دي.
د غزني یوه اوسېدونکي افغانستان انټرنشنل ته په یوه لېږلي پیغام کې ویلي، چې د دغه ولایت د «قلعه شهاده» او «قلعه کلوخک» سیمو شاوخوا ۸ تر ۱۰زره کورنۍ له کلونو راهیسې له لومړنیو اسانتیاوو بېبرخې دي او له بېوزلۍ او ګڼو ستونزو سره مخ دي.
د فراه یو اوسېدونکي افغانستان انټرنشنل ته په لېږلي پیغام کې ویلي، چې د شیخ ابونصر فراهي بندر د تړل کېدو له امله زرګونه کورنۍ له اقتصادي ستونزو سره مخ شوې دي. د هغه په وینا، د دغه بندر له لارې د تېلو واردات بند شوي او ورسره د ډېرو خلکو د کار او عاید سرچینې هم لهمنځه تللې دي.
د کندهار یو شمېر اوسېدونکي وايي، د ښار د ۱۵مې ناحیې په زاړه ګنج سیمه کې هغه پل چې ډنډ ولسوالۍ له دې ناحیې سره نښلوي، شاوخوا درې میاشتې کېږي نړول شوی، خو د بیا جوړولو چارې یې نه دي پیل شوې.
د محمد تمیم صدیقي په نوم یو افغان وايي، له پاکستان نه تر جبري ستنېدو وروسته په افغانستان کې هغه او د کورنۍ غړي یې له امنیتي ګواښونو او جدي بشري ستونزو سره مخ دي. نوموړي ویلي، د دغه پېښو د ګواښ لیکونه، اسناد، د روغتون طبي اسناد او شاهدان هم لري.
د کندوز اوسېدونکي ادعا کوي، د دغه ولایت د کرنې، اوبو لګونې او مالدارۍ ریاست د عوایدو عمومي مدیر مولوي عصمتالله د ۵ میلیونه افغانیو درغلۍ تورن شوی دی. ځايي اوسېدونکي وايي، ځینې لوړپوړي طالب چارواکي هڅه کوي، دغه موضوع په پټه حل او یاد کس بېرته خپلې دندې ته حاضر کړي.
د کابل یو اوسېدونکي افغانستان انټرنشنل ته په لېږلي پيغام کې ویلي، چې په پروان کې د طالبانو د امنیه قوماندان ورور په زور ترې پارکېنګ اخیستی او بیا یې په یوه دروغجنه قضیه کې زنداني کړی دی. د هغه په خبره، درې میاشتې یې په زندان کې تېرې کړې او د طالبانو له سخت چلند سره هم مخ شوی دی.
افغانستان انټرنشنل ته په لېږلو پیغامونو کې یوشمېر ښاریانو د غیرپلاني سیمو لپاره د ودانیزو جوازونو د ورکړې بهیر له درېدلو شکایت کړی او ویلي یې دي، د یادې پرېکړې له امله یې هغه دوسیې چې د اداري او تخنیکي پړاوونو ډېره برخه بشپړه کړې وه؛ له ناڅرګند برخلیک سره مخ شوې دي.
د کابل پوهنتون محصلانو افغانستان انټرنشنل ته په لېږلي پیغام کې ویلي، چې د لیلیې مودې کمېدو له ستونزو سره مخ کړي دي. د دوی په خبره، وړاندې محصلان په لیلیه کې د دوو کلونو لپاره اوسېدل؛ خو سږ کال دغه موده یو کال ته را کمه شوې ده.
په لیبیا کې بندپاتې ۱۸ افغانان چې د کډوالۍ نړۍوال سازمان سره ثبت دي له اړوندو ادارو غوښتنه کړې، چې هېواد ته د ستنېدو په برخه کې دې د ویزو او د سفري اسنادو په برابرولو کې ورسره همکاري وکړي.
د کونړ یو اوسېدونکي افغانستان انټرنشنل ته په لېږلي پیغام کې ویلي، د دغه ولایت د سرکاڼو ولسوالۍ د ټانګو لېسې امر «ملا فضل معبود» له زدهکوونکو غوښتي چې د ښوونځيو پر ځای مدرسې ته ولاړ شي. د نوموړي په خبره، دغه طالب امر زدهکوونکو ته ښکنځل کوي او کله ورته پېغورونه هم ورکوي.
افغانستان انټرنشنل ته په لېږلې ویډیو کې ښکاري، چې په کابل کې د خاتمالنبیین پوهنتون تر تړلو وروسته محصلان لالهانده د پوهنتون مخې ته ولاړ دي. طالب چارواکو بیا له دغه محصلانو غوښتي، چې په نورو خصوصي پوهنتونونو کې خپلو زدهکړو ته دوام ورکړي.
یو ځوان افغانستان انټرنشنل ته په لېږلي پیغام کې ویلي، په جوزجان او بلخ ولایتونو کې وسلهوالې غلاوې زیاتې شوې چې خلک یې سخت اندېښمن کړي دي. نوموړي زیاته کړې، چې غله په دغه غلاوو کې له وسلو هم کار اخلي.
د ننګرهار د درهنور ولسوالۍ د تلکي ډاګ کلي اوسېدونکي وايي، طالبانو ورته د خپلو کورونو د پرېښودو خبرداری ورکړی او یو شمېر کورونه یې هم نړولي دي. دوی وايي، دغه کلي کې تر ۳۰۰ ډېرې کورنۍ ژوند کوي او دمګړۍ د بېځایه کېدو له جدي ګواښ سره مخ دي. د دوی په وینا، طالبان دا ځمکه دولتي بولي.
یو شمېر افغان محصلان چې له پاکستان نه افغانستان ته ستانه کړل شوي، وایي د پاکستان د معتبرې ویزې په لرلو سربیره هم په کابل هوايي ډګر کې پاکستان ته د بېرته تګ اجازه نه ورکول کېږي.