له جنیټيکي تحلیل وروسته مسکو د پریګوژین مړینه تایید کړه
روسي چارواکو د جسدونو له جنیټیکي تحلیل وروسته په رسمي ډول تایید کړه، چې د واګنر ډلې مشر یوګیني پریګوژین تېره چهارشنبه د الوتکې د غورځېدو په پېښه کې وژل شوی دی.
روسي چارواکو د جسدونو له جنیټیکي تحلیل وروسته په رسمي ډول تایید کړه، چې د واګنر ډلې مشر یوګیني پریګوژین تېره چهارشنبه د الوتکې د غورځېدو په پېښه کې وژل شوی دی.
د تحقیقاتو کمېټې وویل، چې د ټولو لسو قربانیانو هویت مشخص شوی او دوی د ښاغلي پریګوژین په شخصي الوتکه کې د مسافرینو له لېست سره سمون لري.
د واګنر ډلې د مشر پریګوژین یوه شخصي الوتکه د اپریل په درېیمه د مسکو په شمال لویدیځ کې ولویده او ټول سپاره یې ووژل.
تر دې مخکې د «پریګوژین په وژنه» کې د روسیې د ولسمشر د لاس لرلو په اړه ګونګوسې خپرې شوې وې.
خو کرملین ماڼۍ بیا دا ګونګوسې رد کړې وې.
