حنفي: طالبان د ښځو د حقونو د ورکړې په برخه کې د ملت غوښتنو ته ژمن دي

د سرچينې د مالوماتو له مخې، د طالبانو په دې ډزو کې د سميع الله په نوم يو ځوان چې د ننګرهار پوهنتون د کرنې پوهنځي د لومړي کال زده‌کړیال و وژل شوی.

د لغمان ځايي چارواکو تر اوسه په دې اړه څه نه دي ويلي.

دا په داسې حال کې ده، چې طالبانو دوه کاله وړاندې هم د واده پر دوو مراسمو د موسيقۍ غږولو له امله ډزې کړې وې، چې په پایله کې یې درې تنه ووژل شوي او څو نور ټپيان شوي وو؛ خو هغه وخت طالبانو ویلي وو، چې وسله‌والو د طالبانو له نوم څخه ناوړه ګټه پورته کړې ده.

افغانستان د طالبانو له واکمنېدو وروسته دغې ډلې د موسیقۍ غږول او اورېدل حرام ګڼلی او وایي،چې د خوښۍ په مراسمو کې هم باید موسیقي ونه غږول شي.

هغه په پوځي قرارګاوو کې د کډوالو مېشتېدنه رد کړه.

د سکای نیوز په لیکنه برېتانیا ته د دغو کډوالو د لېږدولو دوه کاله وروسته ښاغلي مرسر وویل، چې په هوټلونو کې د «د ‌‌‌‌‌‌ډېرو لږو» پاتې شویو کډوالو لپاره تر دې مهاله د حل کومه لاره نه ده مېندل شوې.

د هغه په وینا، هغه استوګنځي چې دوی ته په پام کې نیول شوي وو، تراوسه یې هغه نه دي منلي.

په ۱۴۰۰ کال کې د کابل له سقوط وروسته شاوخوا پنځه ویشت زره هغه افغانان چې د برېتانیا د دولتي یا نادولتي او یا هم د هغه هېواد له ځواکونو سره یې همکاري کړې وه برېتانیا ته ولېږدول شول.

د اوږده مهال لپاره په هوټلونو کې د دغو کډوالو پاتې کېدل او د هغوی لپاره د استوګنځایونو نشتوالي د برېتانیا د حکومت لپاره سرخوږی جوړ کړی دی.

ښاغلي مرسر وویل، په هوټلونو کې د پاتې افغانانو لپاره ۹۰ زره پونډو ته اړتیا ده چې په هوټلونو کې پاتې کډوال له هوټلونو واېستل شي.

د دغو کډوالو لپاره د برېتانیا د حکومت ضرب‌الاجل د اګست میاشتې په وروستیو کې پای ته رسیږي، له همدې امله چې د افغان کډوالو د ملاتړ بنسټونه په دې اړه خپلې اندېښنې په ‌‌‌‌‌‌ډاګه کړي.

د برېتانیا د پخوانیو سرتېرو د وزارت مرستیال ژمنه وکړه، چې دغه کډوال به له دغه سیاسته زیان نه ویني.
دا رنګه هغه دغه اوازه هم رد کړه، چې ګواکې افغان کډوال به هغو پوځي قرارګاو ته لېږدول کېږي چې هلته د استوګنې لپاره وړ نه دي.

د ګوزڼ ضد واکسین د کمپاین بهیر تېره اونۍ هم په ځینو ولایتونو کې وشو، چې په ترڅ کې یې څه باندې ۱۱ میلیونه ماشومانو واکسین شول.

دا په داسې حال کې ده، چې یوازې روان کال په افغانستان کې د ګوزڼ پنځه مثبتې پېښې ثبتې شوې دي.

د یونسېف په وینا، د ګوزڼ ضد واکسین په دغه بهیر کې چې په بلخ، جوزجان، سمنګان، سرپل، فاریاب او ارزګان ولایتونو کې ترسره کېږي، څه باندې یو نیم میلیونه ماشومان به واکسین شي.

د ماشومانو د ګوزڼ یا پولیو پرضد د واکسین دغه بهیر د طالبانو د عامې روغتیا وزرات له‌خوا د یونسېف او د روغتیا نړۍوال سازمان په مرسته پرمخ وړل کېږي.

سره له دې چې له کلونو راهیسې له بېلابېلو لارو په افغانستان کې د ماشومانو ګوزڼ یا پولیو پر ضد ښه عامه پوهاوی شوی؛ خو بیا هم د پولیو نوې مثبتې پېښې ثبتېږي.

د روغتیاپالو په خبره، پولیو درملنه نه‌لري خو پرې د اخته کېدو د مخنیوي یوازینۍ لاره یې د ګوزڼ پر ضد د واکسین د دوه څاڅکو څڅول دي.

اوس‌مهال افغانستان او پاکستان د نړۍ هغه دوه هېوادونه دي، چې د پولیو ویرس په کې لا هم شته.

د ماشومانو لپاره د ملګرو ملتونو د ملاتړ صندوق "یونسېف" وايي، دغه ویروس د افغانستان په محدودو سیمو کې پاتې دی او که کورنۍ د خپلو ماشومانو د واکسین په برخه کې ناغیړي ونه‌کړي؛ نو دغه ناروغي به په افغانستان کې هم تر راتلونکې یوه کاله له منځه ولاړه شي.

سږ کال له ایران څخه څه باندې ۲۲۴ زره افغان کډوال اېستل شوي دي.

په وروستیو میاشتو کې له ایران څخه د افغان کډوالو په زور شړل زیات شوي دي.

په وروستۍ جوپه کې، ایران د جمعې په ورځ (وږي دریمه) څه باندې دوه زره افغان کډوال شړلي دي.

ایران وايي، د ډېری افغان کډوالو د بېرته ستنېدو لامل دغه هېواد ته په ناقانونه ډول راتګ، دغلته پاتې کېدل او یا هم د دوی په پاسپورتونو کې د وخت ختمېدل دي.

دا مهال په ایران کې شاوخوا پنځه میلیونه افغان کډوال ژوند کوي؛ خو ایران د دغو کډوالو د اېستلو بهیر چټک کړی دی.

د ایران د خراسان رضوي د سرحدي ساتوونکو قوماندان د زمري په میاشت کې ویلي و، چې د ۱۴۰۲ کال له پیله تر اوسه څه باندې ۲۲۴ زره افغان کډوال له ایران څخه اېستل شوي او طالبانو ته سپارل شوي دي.

د مجید شجاع په وینا، سږ کال له ایران څخه د افغان کډوالو د اېستلو شمېر د تېر کال د همدې مودې پرتله ۱۵ سلنه زیات شوی دی.

د تسنیم خبري آژانس د راپور له مخې، په ملګرو ملتونو کې د امریکا استازي د دغه سازمان په عمومي غونډه کې د وينا پر مهال وویل، د طالبانو د زور او جبر سیاست په افغانستان کې د خلکو ستونزې نورې هم زیاتې کړې دي.

د امریکا دغه دیپلوماټیک استازي زیاته کړه، تېر کال په نادولتي موسسو کې د ښځو پر کار بندیز ولګول شو چې له امله یې یو شمېر مرستندویه ادارو په افغانستان کې خپل فعالیتونه بند او یا را کم کړل.

دغو بندیزونو د هغو خلکو اقتصادي ستونزې لا ډېرې کړې، چې ژوند یې په نړۍوالو مرستو پورې تړلی و.

د ننګرهار د مرکز جلال اباد ښار يوه اوسېدونکي له رسنيو سره په خبرو کې ویلي:« بېکاري زياته شوې له هغې ورځې چې بهرنۍ مرستې کمې شوې ژوند مو له ستونزو سره مخ شوی.»

د امريکا د سولې انسټيټيوټ د روانې مياشتې په ١١مه نېټه په يوه خپاره کړي راپور کې ويلي، چې د نړۍوالو مرستو کمېدو او د طالبانو وروستيو کړنو په افغانستان کې د بې وزلۍ کچه لوړه کړې ده.

د دغه راپور پر بنسټ، د افغانستان د اقتصادي حالت د نویو ارزونو له مخې داسې ښکاري، چې راتلونکې کې به لا له نورو ډېرو ستونزو سره مخ شي.

تر دې وړاندې د خوړو نړۍوال پروګرام هم په خپل یوه راپور کې ویلي وو، چې په افغانستان کې له لسو کورنیو څخه ۹ هغه یې کافي خواړه نه لري او نږدې۲۰ میلیونه وګړي د شپې وږي ويده کېږي.