ایراني رسنۍ : یوه بې پلوټه الوتکه په ګورګان ښار کې د استوګنې په سیمه کې غورځیدلې ده
د ایران دولتي خبري اژانس ایرنا د دوشنبې په ورځ د (وږي ۲۷مه) خبر ورکړ چې یوه بې پیلوټه الوتکه د ګورګان ښار د استوګې په یوه سیمه کې ولوېده.
د ایران دولتي خبري اژانس ایرنا د دوشنبې په ورځ د (وږي ۲۷مه) خبر ورکړ چې یوه بې پیلوټه الوتکه د ګورګان ښار د استوګې په یوه سیمه کې ولوېده.
د ګورګان ولایت امنیه قومانداني وايي، چې د دزجاني روغتون په سیمه کې د چاودنې او د یوه څیز د غورځیدو پیښه څیړل کیږي.
په همدې حال کې تسنیم خبري اژانس، چې سپاه پاسداران ته نږدې یوې رسنۍ ده لیکلي، دا پېښه د ګورګان په بلوارد ستندرد سیمه کې شوې او دغه څیز د شهید دزجاني روغتون ته څېرمه لوېدلی دی.
د تسنیم د راپور له مخې، یو شمېر خلکو او د پېښې عیني شاهدانو ویلي، چې د ښار په څو برخو کې څو ناپیژانده ټوټې یو بل ته نژدي ولویدلې.
د ایران کورنیو رسنیو په ګورګان کې د "غورځیدلي څیز" انځورونه هم خپاره کړي دي.