د اروپایي ټولنې د بهرني سیاست مسوول د پاکستان د بهرنیو چارو له موقت وزیر سره یې د خپلې لیدنې خبر ورکړ. جوزیف بورل په اېکس پاڼه لیکلي، چې جلیل عباس جېلاني سره یې د افغانستان د وضعیت په اړه ځانګړی خبرې کړې دي.
ښاغلي بورل د افغان ښځو او نجونو وضعیت د اندېښنې وړ وباله.
د جنیوا په غونډه کې د اقلیم د بدلون او په پاکستان کې د تېر کال د سېلابونو په اړه تر بحث لاندې د نېول شویو موضوعاتو دوام د پاکستان د بهرنیو چارو د موقت وزیر سره د اروپايي ټولنې د چارواکو د خبرو بله برخه وه.
د اقلیمي بدلون په اړه د جینوا غونډه د روان کال د جنورۍ په میاشت کې د پاکستان او ملکرو ملتونو په کوربه توب ترشره شوه.
