د ملګرو ملتونو کډوالو اداره: په پاکستان کې د مېشتو افغان کډوالو شمېر ۳،۵ میلیونه ته رسېدلی

په دې ویډیو کې د ډزو غږونه اوریدل کیږي، چې د ازادۍ جبهې په وینا، د بلخ پر زندان د برید سره تړاو لري.

تر اوسه خپلواکو سرچینو د دغه برید او مرګ ژوبلې پخلی نه دی کړی.

همدا راز ازادۍ جبهې ویلي چې د یکشنبې په ورځ د (تلې ۲مه) يې د اندراب ولسوالۍ په ده صلاح سیمه کې د طالبانو پر یوه پوسته برید کړی چې په ترڅ کې يې دوه تنه طالب وسله وال وژل شوي او دري تنه نور ټپیان شوي دي.

طالب ضد دغې وسله والې ډلې په روانه اوونې په کابل، بغلان او پروان ولایتونو کې درې نور بریدونه هم پر طالبانو کړي.

ندا محمد ندیم دا خبرې په داسې مهال کوي، چې په تېرو دوو کلونو کې له یو شمېر پوهنتونونو څخه ځینې استادانو استعفاوې کړي او بهرنیو هېوادونو ته تللي، ځینې یې په زور منفک شوي او یا هم ګواښل شوي دي.

طالبانو هغه استادان چې د علمي کادر په حفظ سره یې په حکومتي ادارو کې د اړتیا له مخې دندې سرته رسولې، منفک کړي او بېرته د پوهنتون له استادۍ څخه منع کړي دي.

ندا محمد ندیم په بلخ ولايت کې يوې غونډې ته د وينا پر مهال ویلي، چې پوهنتونونو ته د بهرنيو هېوادونو د استادانو د ګومارلو هڅې هم روانې دي.

نديم وويل: "موږ بېلابېلو هېوادونو ته بېلابېل پلاوي لېږلي، تر څو بهر مېشتي استادان بېرته هېواد ته راستانه شي."

نوموړي د طالبانو د ګومارنو په اړه ویلي، چې د دغې ډلې مشر ملا هبت الله په ګومارنو کې ژبې، قوم او سمت ته پام نه کوي، بلکې ټولې ګومارنې د تقوا او اهلیت پر اساس کوي.

خو په طالبانو نیوکه ده، چې د افغانستان په ټولو اداراتو کې یې ملایان او د دغې ډلې غړي مقرر کړي دي، مسلکي او په کارپوه خلک یې له دندو لرې کړي او اکثرو یې هېواد پرېښی دی.

نړۍوالې ټولنې هم د طالبانو حکومت د یوې ډلې حکومت ګڼلی او بار – بار یې د یوه ټولګډونه حکومت وړاندیز کړی دی؛ خو طالبان بیا خپل حکومت یو ټولګډونه حکومت ګڼي.

جان ایلیف په کندز ولایت کې وویل، چې کاري فرصتونه محدود دي او بهرنۍ مرستې د افغانستان د خلکو لپاره حیاتي سرچینه ګرځیدلې ده.

ښاغلي ایلیف د یکشنبې په ورځ (د تلې دویمه) د کندز ښار د خلکو د ژوند د یوې ویډیو په خپرولو سره په افغانستان کې د خلکو د ژوند د سخت وضعیت په اړه خبرداری ورکړ.

هغه وویل: "خلک د پیرودلو لپاره خورا لږې سرچینې لري، کاري فرصتونه خورا لږ دي، خلکو لا د مخه خپله سپما خلاصه کړې او اکثرو یې خپل ملکیتونه پلورلي دي."

هغه زیاته کړه: "هغه نغدې پیسې چې موږ یې ویشلې دي، دا د دغو فقر ځپلو خلکو لپاره د ژوند د نجات یوه لاره ده او اکثر خلک پرې متکي دي."

ایلیف همداراز د بودیجې د نشتوالي له امله له نړۍوال خوراکي پروګرام څخه د ۸۵ سلنه اړمنو کسانو د ایستلو اعلان وکړ او ویې ویل: «د خوړو نړۍوال پروګرام له بې ساري مالي بحران سره مخامخ دی. موږ سږني ژمي کې د 15 میلیونو خلکو سره د مرستې لپاره یو ملیارد ډالرو ته اړتیا لرو."

تر دې مخکې د خوړو نړۍوال پروګرام ویلي وو، چې په افغانستان کې تر شپږ میلیونو ډېر خلک له بېړنۍ لوږې سره مخ دي.

د اسیا لپاره د نړۍوال خوراکي پروګرام سیمه ییز مشر ټینګار وکړ، چې مرستندویه هېوادونه باید د بشري دلایلو له مخې ګام پورته کړي او د افغانستان په راتلونکي کې پانګونه وکړي.

خالد هوتک چې د افغانستان په نماینده ګۍ لوبیږي، اویا کیلو ګرامه وزن لري، نن یې په خپل وزن کې له قزاقستاني سیال سره سیالي وکړه او لومړني دواړه پړاونه یې وګټل.

هغه د دغې لوبې په ګټلو سره د سیالیو منځني پړاو ته ور داخل شو او بله سیالي به یې له هندي سیال سره وي.

محمد خالد هوتک یوازیني افغان لوبغاړی دی، چې په ۲۰۱۳ کال د ووشو (Wushu) په سیالیو کې یې خپل «پاکستاني» او «لاوسي» سیالانو ته ماتې ورکړه او د برونز مډال یې وګاټه.

له دې وروسته یې د سرو زرو مډال لپاره له چینایي سیال سره سیالي وکړه خو بریالی نه شو.

لومړۍ پېښه د میدان وردګو ولایت د چک ولسوالۍ د ګردن جومات په سیمه کې د یوه موټر د چپه کېدو له امله رامنځته شوې، چې پکې سپاره یو کوچنی ماشوم مړ شوی او د چلوونکي په ګډون اته تنه ټپیان شوي دي.

د عامې روغتیا مسوولینو په ټپیانو کې د درې کسانو روغتیايي وضعیت د اندېښنې وړ ښودلی.

د طالبانو د میدان وردګو ولایت امنیه قوماندانۍ هم د یوې خبرپاڼې په خپرولو سره یاده پېښه تایید کړې ده.

دویمه پېښه د کابل – کندهار پر لویې لار د غزني د مقر ولسوالۍ په بزکو سیمه کې رامنځته شوې ده.

د طالبانو د غزني ولایت د امنیه قوماندانۍ ویاند ابو خالد سرحدي په یوه غږیز پیغام کې ویلي، چې دغه پېښه د یوه فولډر موټر او ۴۰۴ مسافر وړونکي موټر د ټکر له امله رامنځته شوې، چې د یوې مېرمنې په ګډون پکې اته تنه ټپیان شوي دي.

د غزني د سیمه ییز روغتون یوه ډاکتر افغانستان انټرنشنل – پښتو ته وویل، چې په ټپیانو کې د څلورو کسانو روغتیايي حالت د اندېښنې وړ دی.

د کابل – کندهار لویه لار یوه له هغو اوږدو لویو لارو څخه ده، چې وخت ناوخت پرې دا ډول پېښې رامنځته کیږي.