ملګرونو ملتونو ته ۸۰ ګډو هېوادونو د افغان ښځو او نجونو د وضعیت په اړه اعلامیه استولې ده
ملګرو ملتونو ته د اتیا ګډو هېوادونو خبرپاڼه کې راغلي، چې د ښځو او نجونو پر وړاندې د طالبانو فرمانونه د اسلامي ارزښتونو او نړۍوالو بشري حقونو سره په ټکر کې دي.
ملګرو ملتونو ته د اتیا ګډو هېوادونو خبرپاڼه کې راغلي، چې د ښځو او نجونو پر وړاندې د طالبانو فرمانونه د اسلامي ارزښتونو او نړۍوالو بشري حقونو سره په ټکر کې دي.
په ملګرو ملتونو کې د متحده عربي امارتو دایمي استازولۍ له اتیا هېوادونو سره په ګډه د افغان ښځو او نجونو د وضعیت په اړه د ملګرو ملتونو عمومي اسمبلۍ ته خبرپاڼه استولې ده.
دغو هېوادونو په خپره شوې ګډې خبرپاڼې کې له طالبانو غوښتي، چې ښځو او نجونو په اړه دې خپلې پریکړې بېرته واخلي.
په ملګرو ملتونو کې د عربي اماراتو دایمي استازي پر اېکس پاڼه لیکلي چې، د اسټرالیا، چلي، جاپان او هسپانې په ګډون له اتیا هېوادونو سره په ګډه یې د ملګرو ملتونو عمومي اسمبلۍ ته د افغان ښځو او نجونو وضعیت په اړه ګډه خبرپاڼه استولې ده.
په دغه ګډه خبرپاڼه کې د طالبانو له فرمانونو څخه چې په نړۍ کې د ښځو او نجونو په وړاندې د توپیر، ظلم او تاوتریخوالی تر ټولو سخت او سیسټماټیک ډول په کې شامل دی اندېښنه ښودل شوې ده او په کې لیکل شوي، چې د ښځو او نجونو په اړه د طالبانو ټول فرمانونه د ټولو اسلامي ارزښتونو او نړۍوالو بشري حقونو سره په ټکر کې دي.
دوی پر طالبانو غږ کوي هغه فرمانونه چې د ښځو او نجونو له بشري حقونو او ازادۍ څخه ناوړه ګټه پوره کوي، ژر تر ژره دې بېرته واخلي او زیاتوي، چې د افغاني ټولنې اقتصادي او ټولنیز پرمختګ لپاره د ښځو او نجونو ونډه خورا اړینه ده.
