د ملګرو ملتونو سرمنشي په غزه کې د سمدستي اوربند غوښتنه وکړه

ښاغلي بایډن د اسراییلي مشرانو سره تر لیدنې وروسته پر خپلې اېکس ټولنیزې پاڼې لیکلي: "اجازه راکړئ چې روښانه کړم؛ د فلسطین مطلق اکثریت د حماس ملاتړي نه دي".

هغه زیاته کړه: "حماس د فلسطین د خلکو استازیتوب نه کوي".

د امریکا ولسمشر دا هم ویلي، چې اسراییل باید یو ځل بیا د یهودانو لپاره خوندي ځای شي.

جو بایډن همدا راز اعلان وکړ، چې متحده ایالات به غزې او لویدیځې غاړې ته د بشردوستانه مرستو په برخه کې د نوې بودیجې لپاره 100 ملیون ډالر ځانګړي کړي.

تر دې مخکې ښاغلي بایډن د اسراییل له لومړي وزیر سره په کتنه کې د غزې په الاهلي روغتون باندې د سې شنبې د شپې د برید په اړه خپل دریځ تکرار کړ او ویې ویل چې دا برید د بل لوري کار دی.

ځايي فلسطيني چارواکي، چې پر الاهلي روغتون د بريد پړه پر اسرایيلي پوځ اچوي، وايي چې په بريد کې سلګونه کسان وژل شوي دي.

تېره ورځ د امریکا ولسمشر جو بایډن ویلي وو، چې داسې ښکاري دا کار د اسراییل نه بلکې له بل لوري شوی دی.

خو د نوموړي له څرګندونو وروسته د روسیې ولسمشر ولادیمیر پوتین د دواړو خواوو تر منځ د مذاکراتو وړاندیز کړی او پر دغه پېښه یې ژوره خواشیني څرګنده کړې ده.

هغه وويل: "په دغه بريد کې يوه ناوړه او وحشتناکه تراژیدي رامنځته شوې، چې سلګونو کسانو ته یې مرګ ژوبله اړولې، دا یو ناورین دی”.

نوموړي ټینګار وکړ، چې ژر تر ژره دې مذاکرات پیل شي او نښتې ته دې د پای ټکی کېښودل شي.

له دې وړاندې د امریکا ولسمشر جو بایډن پر خپلې ایکس پاڼې د فلسطین په غزه کې پر هغه روغتون د برید په اړه "سخته" خواشیني څرګنده کړې وه، چې پکې تر ۵۰۰ ډیر کسان وژل شوي.

همداراز نوموړي له ننتیاهو سره له لیدو وروسته وویل، چې داسې ښکاري دا برید له بل لوري څخه شوی وي.

د امریکا د ولسمشر دا ډول څرګندونې د حماس یو شمېر مشرانو ړوند تعصب بللی دی.

ښاغلي بایډن د چهارشنبې په ورځ (د تلې په ۲۴مه) د اسراییل له لومړي وزیر سره د لیدو لپاره تل ابیب ته له رسېدو وروسته وویل، چې ډېر خلک له دې نظر سره موافق نه دي.

د امریکا ولسمشر د غزې په الاهلي روغتون کې له چاودنې وروسته وویل، چې د سپینې ماڼۍ امنیتي ټیم ته یې امر کړی چې په دې اړه څېړنې وکړي.

وروسته له هغه چې په دغه روغتون کې لږ تر لږه ۵۰۰ ملکي کسان ووژل شول، اسراییل د دې برید مسوولیت نه دی منلی او څرګنده کړې یې ده، چې دا د فلسطین د اسلامي جهاد ډلې کار دی.

د فلسطین د اسلامي جهاد ډلې دا تور نه دی منلی.

د ځینو هېوادو یو شمېر مشرانو د دغې خونړۍ پېښې د څېړلو غوښتنه کړې ده.

دا لیدنه وروسته له هغې کیږي، چې په دې وروستیو کې یو شمېر رسنیو راپورونه خپاره کړل، چې د ای ایم ایف د پور په بدل کې پاکستان پر اوکراین یو شمېر توغندي او نورې وسلې پلورلې دي.

د پاکستان سرپرست لومړي وزیر انوارالحق کاکړ پر خپلې اېکس پاڼې له ولادیمیر پوتین سره د لیدنې یوه ویډیو خپره کړې، چې پکې نوموړي له روسیې سره د دوه اړخیزو همکاریو هیله مندي ښودلې ده.

نوموړي په سیمه کې د ترهګرۍ پر ضد د فعالیت، د پاکستان او روسیې مشترک اهدافو ته هم اشاره کړې ده.

همداراز د پاکستان د سرپرست لومړي وزیر له دفتره په خپره شوې خپر باڼه کې راغلي، چې سرپرست لومړي وزیر د پاکستان د دفاع، د استخباراتي معلوماتو د تبادلې او له ترهګرۍ سره د مبارزې په برخه کې له روسیې سره د اړیکو د پراختیا هیله مندي هم ښکاره کړې ده.

دا په داسې حال کې ده، چې په سیمه کې پاکستان د امریکا له ملاتړه برخمن هېواد ګڼل کیږي، که چېرې له روسیې سره د پاکستان اړیکې غښتلې کیږي، ښايي له امریکا سره یې پر اړیکو منفي اغېز وښیندي.

خو د روسیې ولسمشر ولادیمیر پوتین بیا پر اقتصادي همکاریو او پیاوړتیا ټینګار کړی او د امنیتي همکاریو په اړه روسي رسنیو څه نه دي خپاره کړي.

د پاکستان او روسیې تر منځ اړیکې وروسته تر هغې لا ډېرې خرابې شوې، چې د اوکراین جګړې په لومړیو ورځو کې د پاکستان لومړی وزیر عمران خان روسیې ته لاړ او د اقتصادي اړیکو د پراختیا ژمنه یې وکړه.

هم مهاله په پاکستان کې د عمران خان پر ضد یو شمېر ګوندونو اتحاد وکړ او د نوموړي حکومت ته یې د عدم اعتماد رایه وکړ.

وروسته له دغو بدلونونو د رهبرۍ په کچه له روسیې سره د پاکستان اړیکې سستې شوې او د پخواني لومړي وزیر عمران خان په وینا، چې د ده حکومت یوازې له دې امله نسکور شو، چې دوی غوښتل له روسیې څخه ارزان تېل تر لاسه کړي او امریکا یې مخنیوی کاوه.

د فرانسې پولیسو ویلي، چې امنیتي ځواکونه د لیل، لیون، نانټ، نیس، ټولوز او بوره په هوايي ډګرونو کې دا موضوع څېړي.

همداراز دفرانسې هوایي شرکت ډاډ ورکړی، چې دا اندېښنې له بمي ګواښونو سره تړاو نه لري.

په وروستیو ورځو کې د ورته ګواښونو په دوام، د لوور موزیم، د ورسا ماڼۍ او څو ښوونځي تخلیه شوي دي.

همدارنګه فرانسوي شرکت چې د شارل دوګل، پاریس اورلي او پاریس لو بورژه هوایی ډګرونه اداره کوي ډاډ ورکړی، چې په دې مرحله کې د بمي ګواښونو په اړه اندېښنه نه لري.

دغه شرکت فیګارو ورځپاڼې ته ویلي، چې په پاریس کې د فرانسې هېڅ هوايي ډګر له بمي ګواښونو سره نه دی مخ. همداراز دغه شرکت ټینګار وکړ: «په دې برخه کې موږ ډېر هوښیار یو».