د افغانستان د پاراتکواندو ملي لوبډله د پارا اسيايي سياليو لپاره هانګژو ته روانه شوه
د افغانستان د تکواندو فدراسیون اعلان وکړ چې د پاراتکواندو ملي لوبډله نن له غرمې وروسته له دریو لوبغاړو او یوه روزونکي سره د چین هانګژو ته روانه شوه.
د افغانستان د تکواندو فدراسیون اعلان وکړ چې د پاراتکواندو ملي لوبډله نن له غرمې وروسته له دریو لوبغاړو او یوه روزونکي سره د چین هانګژو ته روانه شوه.
د افغانستان لوبډله به د منفي ۵۸، منفي ۶۳ او منفي ۸۰ کيلوګرامو وزن سره په هانګژو کې د ۲۰۲۳میلادي کال په پارا اسيايي سياليو کې ګډون وکړي. دا لوبې د اکټوبر د ۲۲مې او ۲۸مې نېټې ترمنځ کیږي.
په دې سفر کې بادام ګل سروري د روزونکي په توګه او جاوید صدیقي د افغانستان د پارالمپیک د استازي په توګه له لوبډلې سره ملګري دي.
د هانګژو پارا اسيايي لوبو د تکواندو سيالۍ به د اکتوبر له۲۳مې نېټې پيل شي.
د کرېکټ د روان نړۍوال پنځوس اوریز جام په ترڅ کې نن افغانستان او نیوزیلینډ لوبه وکړه، چې نیوزیلینډ د شپږو لوبغاړو په سوځېدو سره ۲۸۹ منډې هدف وټاکه. د دې سیالۍ پچه افغانستان ګټلې وه؛ خو مقابلې لوبډلې ته یې د توپ وهنې بلنه ورکړه.
د نیوزیلینډ د لوبډلې له خوا درېیو لوبغاړو نیمه سلیزې بشپړې کړي او د افغانستان له اړخه عظمت عمرزي او نوین الحق دوه- دوه لوبغاړي سوځولي، د راشد خان او مجیب له خوا یو – یو لوبغاړی سوځول شوی دی.
د افغانستان د توپ وهنې په پاڼۍ کې ټولو لوبغاړو د ۳۴،۳ اورونو په لوبولو سره ۱۳۹ منډې وکړې او په دې سره یې په روان نړۍوال جام کې خپله څلورمه لوبه نیوزیلینډ ته وبایلله.
که څه هم د افغانستان د کرېکټ ملي لوبډلې د نړۍوال جام لوبې په ماتې خوړلو پیل کړې وې؛ خو د انګلستان ملي لوبډلې ته په تاریخې ماتې ورکولو سره افغان لوبډلې د خپلو ۱۴ پرله پسې لوبو د ماتې لړۍ پای ته ورسوله.
د کرېکټ د روان نړۍوال پنځوس اوریز جام په ترڅ کې نن افغانستان او نیوزیلینډ لوبه کوي، چې نیوزیلینډ د شپږو لوبغاړو په سوځېدو سره ۲۸۹ منډې هدف ټاکلی دی.
د دې سیالۍ پچه افغانستان ګټلې وه، خو مقابلې لوبډلې ته یې د توپ وهنې بلنه ورکړه.
د نیوزیلینډ د لوبډلې له خوا درېیو لوبغاړو نیمه سلیزې بشپړې کړي او د افغانستان له اړخه عظمت عمرزي او نوین الحق دوه- دوه لوبغاړي سوځولي، د راشد خان او مجیب له خوا یو – یو لوبغاړی سوځول شوی دی.
په څو شېبو کې به د افغانستان د توپ وهنې پاڼۍ پیلیږي.
په نړیوال جام کې نن د افغانستان کرېکټ ملي لوبډلې څلورمه لوبه ده. دغه لوبه د کابل په وخت ماسپښین یوه بجه د چینای په چیمدمبرم لوبغالې کې پیلیږي. د یو ورځینو لوبو په روان نړیوال جام کې د افغانستان ملي لوبډلې دوه لوبې بایللي او یوه لوبه یې ګټلې ده.
د افغانستان د کرېکټ ملي لوبډلې کپتان حمشت الله شهیدي د یوه رسنیز کنفرانس پر مهال وویل،: لوبډله په بشپړ ډول چمتو ده چې د نیوزلینډ پر وړاندې د سیالۍ ډګر ته ښکته شي.
د نوموړي په خبره د تیرو دوو ورځو راهیسې یې د هند په چینای ایالت کې د نیوزیلنډ سره د لوبې لپاره بشپړ چمتوالی نیولی دی.
د کریکټ مبصرین وايي، د چینای په چیدمبرم لوبغالی د ورو توپ اچونکو لپاره ښه ثابتیږي او د افغان لوبډلې د ورو توپ اچونکو مثلث ته په کتو سره به نن یوځل بیا افغان لوبډله د نیوزیلنډ پر وړاندې ښه ثابته شي.
ښاغلی شهیدي وايي: «موږ چې کوم معلومات لرو د چینای چیدامبرم لوبغالی د ورو توپ اچونکو لپاره ښه ثابتیدای شي. تمه لرو چې د چینای پیچ به زموږ د ورو توپ اچونکو لپاره ښه ثابت شي.»
افغانستان او نیوزیلنډ تر دې مهاله دوه پنځوس اوریزه لوبې تر سره کړي دي او دواړه لوبې نیوزلنډ لوبډلې ګټلې دي.
که څه هم د افغانستان د کرېکټ ملي لوبډلې د نړیوال جام لوبې په ماتې خوړلو پیل کړې، خو د انګلستان ملي لوبډلې ته په تاریخې ماتې ورکولو سره افغان لوبډلې د خپلو ۱۴ پرله پسې لوبو د ماتې لړۍ پای ته ورسوله.
د کرېکټ نړۍ مشهورو ستورو د انګلستان پر وړاندې د افغانستان د کرېکټ بریا ستایلې ده، او ویلي يې دې چې په نړیوال جام کې باید سترې لوبډلې د افغانستان له لوبډلې د بایلولو ډار ولري. افغانستان د کرېکټ په نړیوال جام کې د ۱۴ لوبو د بایللو لړۍ پای ته ورسوله.
د نړیوال جام د لوبو په دوام تېره ورځ د افغانستان ملي لوبډله د انګلستان لوبډلې په وړاندې د هند په ډیلي کې د لوبې ډګر ته ښکته شوه.
د انګلستان لوبډله د ۲۰۱۹ نړیوال جام اتله لوبډله وه او د لوبې له پیل وړاندې هیڅ چا داسې تصور نه و کړی چې افغانستان دې د تېر نړیوال جام اتلې او دفاعې لوبډلې ته ماتې ورکړي.
افغان لوبډلې دغه لوبه د ۶۹ منډو په توپیر له انګستان څخه وګټله.
د کرېکټ نړیواله شورا وايي:« افغانستان د نړیوال جام دفاعي اتلې لوبډلې ته په زړه پورې ماتې ورکولو سره تاریخ جوړ کړ. افغانستان د کرکټ په نړیوال جام کې د ۱۴لوبو د بایللو لړۍ پای ته ورسوله.»
د کرېکټ نړیواله شورا د انګلستان پر وړاندې د افغانستان د ورو توپ اچوونکو ډېره ستاینه کړې او ویلي یې دي: «دا لومړی ځل دی چې د نړیوال جام په یوه لوبه کې ورو توپ اچونکي د انګلستان اته ویکیټې اخلي. د انګلستان ماتې د افغانستان د دریو ورو توپ اچونکو په لاس لیکل شوې وه.»
له انګلستان څخه د لوبې په ګټلو سره افغانستان د خپل لوبیز تاریخ په کرېکټ کې د ۱۴ پرله پسې ماتو لړۍ ته د پای ټکی کیښود.
افغانستان په دغه لوبه کې د انګلستان لوبډلې ته د ۲۸۵ منډو هدف وټاکه، دا افغان لوبډلې له لوري سیالې لوبډلې لپاره دا دوهم لوی هدف دی.
د انګلستان په وړاندې افغان پېلیز توپ وهونکې رحمان الله ګربز توپانې توپ وهنه پیل کړه او د لوبې په دوام اکرام علي خیل، راشد خان او مجیب ځدران د منځنیو توپ وهونکو پر ځای ښه توپ وهنه وکړه.
افغان توپ اچوونکو د انګلستان د توپ وهنې قوي ځنځیر مات او د لوبې په لومړنیو پنځلسو اورونو کې یې د سیالې لوبډلې درې قوي او تجربه لرونکې لوبغاړو ویکټې واخیستې.
د کرېکټ د نړۍ افسانوي لوبغاړي سچن ټنډولکر د افغان لوبدلې د بریا سره سم پر خپل ایکس پاڼه ولیکل«د افغانستان له لورې په زرړه پوري او هر اړخیزه هڅه تر سره شوه. دا د افغان لوبډلې لپاره ښه او د انګلستان لوبډلې لپاره بده ورځ وه.افغان لوبډله عالي وروتوپ اچونکي لري او نن د لوبې په ډګر کې خپل وړتیا وښودله. هغه انرژي چې دوی د لوبې په ډګر کې مصرف کړه پري خوښ شوم.»
د پاکستان کرېکټ پخوانی لوبغاړي شعیب اختر چې د کرېکټ په نړۍ تیز افسانوي لوبغاړی دی د افغان کرېکټ لوبډلې د بریا په اړه پر خپل ایکس پاڼه لیکلې «د افغانستان د کرېکټ لپاره ستره ورځ او هر اړخیزه بریا. افغان لوبډله د نننۍ پرمختللې زمانې لوبه کوي.تاسو د دوی لومړي لس اورونه ولیدل! همداسې توپ اچونه یې تاسو ولیدل! په دې لوبه کې د زده کړي لپاره ډیر څه وه.»
د هند د کرېکټ پخوانې لوبغاړي عرفان پټان د ګډېدا ویډیو پر ټولیزو رسنیو خپره شوه، نوموړی د افغان لوبډلې د بریا په خوشحالۍ کې رقص کوي او پر خپل ایکس پاڼه یې لیکلي دي«افغانستان ته دې ډیر مبارک وي،ګربزه ته په زړه پوري وې، اکرام علیخیل په منځینو اورونو کې ښه ښکاریده. د افغانانو توپ اچونه د توپ اچونې په برخه کې تر ټولو مخکښه وه.»
د انګلستان د لوبډلې پر وړاندې د افغان لوبډلې د بریا او ښې لوبې په اړه د کرېکټ ډیرو نورو سترو لوبغاړو هم خپل نظرونه لیکلي دي او افغان لوبډله یې ستایلې ده.
همدارنګه په افغانستان کې او له افغانستان بهر ګڼو افغانانو د تیرې شپې بریا په خوښیو او اتڼونو لمانځلې ده.
د افغانستان او انګلینډ د نننۍ لوبې غوره لوبغاړي او توپ اچوونکي د غوره لوبغاړي جایزه د افغانستان په هرات کې زلزله ځپلو ته ډالۍ کړه. د افغانستان د کرېکټ ملي لوبډلې د روان نړۍوال جام په سیالیو کې خپل سیال انګلینډ ته په ماتې ورکولو سره خپله درېیمه لوبه وګټله.
دا د پنځوس اوریز نړۍوال جام په تاریخ کې د افغانستان د کرېکټ د ملي لوبډلې دویمه بریا ده.
په هند کې د پنځوس اوریزو سیالیو په نړۍوال جام کې افغان لوبډلې د انګلستان کرېکټ لوبډلې ته د ۶۹ منډو په توپیر ماتې ورکړه.
مجیب الرحمان د درېیو لوبغاړو په اوټ کولو سره په خپلو لسو اورونو کې ۵۱ منډې ورکړې او د توپ وهنې په پاڼۍ کې یې ۲۲ منډې هم کړې وې.
نوموړي د غوره لوبغاړي د جایزې د اخیستو پر مهال وویل، چې نن د ټول افغان ولس لپاره د ویاړ ډکه شېبه ده، چې په نړۍوال جام کې یې د یوې غښتلې لوبډلې پر وړاندې خپله سیالي وګټله.
مجیب وویل، چې دا جایزه د هرات زلزله ځپلو ته ډالۍ کوي.
د یادونې وړ ده، چې د تېرې اونۍ له شنبې ورځې راپه دېخوا په هرات کې څو ځله زلزله شوې، چې تر دا دمه د مړو او ټپیانو دقیقه شمېره نه ده معلومه.
خو د طالبانو له خوا تر دا مهاله نېږدې د ۴۰۰۰ کسانو د مړه کېدو خبره تایید شوې ده.
