متقي: د پاکستان له خوا د را ایستل کېدونکو افغانانو پر کورونو چاپي وهل کیږي او لوټل کیږي

نوموړي د افغانستان پر ګاونډیانو غږ وکړ، چې افغان کډوالو ته د بشرپالو مرستو په برابولو کې له نړۍوالو ادارو سره همغږي وکړي.

د امریکايي چارواکو دا غوښتنه په داسې مهال ده، چې پاکستان د اکټوبر په لومړیو کې بې قانونه کډوالو ته د یوې میاشتې لپاره د وتلو وخت ورکړ.

خو هممهاله په دغه هېواد کې د قانوني کډوالو نیول هم زیات شول او پرون د دې نېټې تر پای ته رسېدو وروسته د پاکستان مختلفو ښارونو کې د کډوالو نیولو خبرونه خپریږي.

باوري سرچینو پرون افغانستان انټرنشنل - پښتو ته وویل؛ د پاکستان امنیتي ځواکونه په دغه هېواد کې هغه افغانان هم نیسي چې امریکا ته د تلو پي یو، پي دوه او اېس ای وي او یا کاناډا او اسټرالیا او یا هم نورو اروپايي هېوادونو ته د تللو کېسونه لري.

د پاکستان پولیسو د پلازمېنې اسلام اباد ګاونډ ته د پنډۍ ښار په صادق اباد کې هم څلور داسې کسان نیولي، چې غرب ته د تللو کېسونه لري.

د سرچینو په خبره؛ دا کسان په پاکستان کې د اوسېدو لپاره ویزې هم لري؛ خو بیا هم زندان ته ولېږدول شول.

نوموړې نن پنجشنبه ( د لړم ۱۱مه) د خبریالانو پر وړاندې د جرایمو د معافیت د ختمولو د نړۍواله ورځ په مناسبت پر خپلې اېکس پاڼې لیکلي، چې د هغو افغان خبریالانو د زړورتیا درناوی کوي، څوک چې د حقیقتونو په لټه کې دي.

د ډېکر په خبره، چې معلوماتو ته لاسرسی ټولنه پیاوړې کوي.

هغې زیاته کړې، چې معلوماتو ته له لاسرسي څخه باید ویره ونه شي او نه هم باید سرکوب شي.

نوموړې د خبریالانو د خوندیتوب کمېټې د یو ځانګړي یادښت له خپرېدا دا پیغام خپور کړی، په یادښت کې ویل شوي، چې په وروستیو ۳۱ کلونو کې په افغانستان کې ۷۹ خبریالان وژل شوي دي.

پاکستان د اکتوبر لومړیو کې د نومبر تر لومړۍ نېټې کډوالو ته د وتلو لپاره وخت ور کړ. د دې نېټې په رارسېدو سره افغانستان ته د کډوالو بهیر هم زیات شو.

خو کډوال وايي؛ د دوی د شمېر له زیاتېدو سره پاکستان د دوی د ثبت لپاره خپل کارکوونکي زیات نه کړل او په بایو مټریک هم ډېر وخت تېروي.

په اسلام اباد کې د طالبانو سفارت وايي؛ د پاکستان حکومت ور سره ژمنه کړې، چې ښځې او له ۱۴ کلونو کم عمره ماشومان نور نه بایومټریک کوي.

په تورخم او چمن کې چې افغانستان ته د اوښتو بوختې لارې دې ځینې کډوال څو ورځې منتظر پاتې شوي دی.

د لارې په اوږدو کې د خوراک څښاک او نورو لومړنیو اړتیاوو پوره کولو لپاره هم کوم سهولت نه شته.

پاکستان کې له پرون راهیسې د کډوالو نیول هم زیات شوي او طالبان وايي، چې قانوني کډوال هم نیول کېږي.

طالبان وايي؛ د پاکستان حکومت ژمنه ور سره کړې چې قانوني کډوال به نه نیسي.

خو افغانستان ته تلونکي کډوال په تورخم او چمن کې د پاکستاني چارواکو له ورو پروسې شکایت کوي. له همدې امله څو ورځې په سلګونه کورنۍ تورخم او چمن کې ایسارې وي او شپې پرې تېروي.

په اسلام اباد کې د طالبانو سفارت هم د دې ستونزې په منلو سره وايي، چې د پاکستان سرپرست کورنیو چارو وزیر سره لیدنه کې یې د پرسونل زیاتېدو او د پروسې د چټکېدو غوښتنه کړې ده.

دوی پر اېکس ټولنیزې شبکې یو یادښت خپور کړی او ویلي یې دي؛ سرفراز بګټي ور سره ژمنه کړې چې تر دې وروسته به د ښځو او له ۱۴ کلونو کم عمره ماشومانو بایو متریک نه کېږي.

د کډوالو اړوند پرسونل به زیات شي او امنیتي ځواکونه به تلونکي کډوال او اسناد لرونکي مهاجر نه ځوروي.

نوموړي د پنجشنبې په ورځ له ایرنا سره په خبرو کې ویلي، چې افغانستان او ایران د ټېکنالوجیکي او تخنیکي خدمتونو په ګډون د ټرانسپورټ او ټرانزيټ په برخو کې ډېر ګامونه اخیستلی شي.

د هغه په خبره؛ دواړه هېوادونه له دې شرایطو د کار اخیستو لپاره اوږدمهالي پلان ته اړتیا لري او د طالب چارواکو او ایراني حکومت په هڅو دا پلان جوړېږي.

هغه دا هم وویل، چې د ایران او افغانستان په سوداګریزه پراختیا کې هغه افغانان هم لاس لري، چې په دغه هېواد کې په کم لګښت مواد تولیدوي او افغانستان ته یې استوي.

ښاغلی جوانمرد قصاب وايي؛ ایران افغانستان ته یوازې صادرات نه لري، بلکې پلان لري چې ټیکنالوجي، تخنیکي او انجینري خدمتونه هم دغه هېواد ته انتقال کړي او په افغانستان کې د خپلو محصولاتو تولید زیات کړي.