د افغانستان په بېلابېلو سيمو کې د پوليو واکسين کمپاين پيل شو
د معلوماتو له مخې، په دې وروستيو کې د "پوليو څخه پاک افغانستان" په نوم موسسې اعلان کړى، چې د افغانستان په بېلابېلو سيمو کې د پوليو واکسين د تطبيق کمپاين پيلوي.
د معلوماتو له مخې، په دې وروستيو کې د "پوليو څخه پاک افغانستان" په نوم موسسې اعلان کړى، چې د افغانستان په بېلابېلو سيمو کې د پوليو واکسين د تطبيق کمپاين پيلوي.
د دې ادارې لخوا د دوشنبې په ورځ (د لیندۍ ۶مه) په اېکس ټولنیزه پاڼه د خپاره شوي پیغام له مخې: «نن به د هیواد په بیلابیلو سیمو کې د پولیو واکسین کمپاین پیل شي.»
د پولیو واکسین د تطبیق دغه کمپاین چې په کومو ولایتونو کې به د "پولیو څخه پاک افغانستان" موسسې له خوا پیلیږي لا نه ده معلومه.
په همدې حال کې د پوليو واکسين د تطبيق کمپاين د ماشومانو د اړتياوو او د پوليو ناروغۍ د له منځه وړلو په موخه په بېلابېلو ولايتونو کې پيلېږي.
د يادونې وړ ده، چې تر دې وړاندې په ننګرهار ولايت کې د طالبانو د روغتيايي برخې مسولانو په دغه ولايت کې تر يو ميليون زياتو ماشومانو ته د پوليو واکسين د اوه ورځني کمپاين د پيل خبر ورکړی و.
دا په داسې حال کې ده چې په افغانستان او پاکستان کې د ګوزڼ د بشپړ له منځه وړلو له پاره هڅې روانې دي خو تر اوسه هم دغه دواړه هیوادونه د دې ناروغۍ له امله اغیزمنې دي.
یوازې په روان کال کې د پولیو پنځه مثبتې پیښې په ننګرهار ولایت کې ثبت شوي دي.
د طالبانو تر واکمنۍ وروسته د افغانستان روغتيایي سکټور هم له ګڼو ننګونو سره مخ شوی، د معلوماتو پر بنسټ، د اداري فساد او د بودجې د نشتوالي له امله يې ډېر کارونه ټکني شوي دي.
