د ایران سپاه پاسداران وايي د دوی دوه افسران په سوریه کې د اسراییل له خوا وژل شوي

د ایراني رسنیو د راپورونو له مخې، د دې میاشتې په پیل کې پولیسو د تهران په ختیځ کې په یوه روغتون کې د یوه افغان ځوان د مشکوکې مړینې خبر ترلاسه کړ.

لومړنۍ څېړنې ښيي چې دغه افغان ځوان سخت وهل شوى او جسد يې د لا زياتو څېړنو لپاره عدلي طب ته وړل شوى دى.

تر اوسه د دغې وژنې لامل او د وژل شوي کس هویت نه دی په ډاګه شوی.

د نیویارک پوست د رپوټ له مخې، پوتین خپل پوځ ته امر کړې چې د اوکراین جګړې ته یو لک او اویازره نور عسکر واستوي.‌

په همدې حال کې په کور دننه د اوکراین جګړې سره د مخالفت د ډیریدو له امله،‌ کرملین د عسکرو میرمنو ته پیسې ورکوي چې د اوکراین جګړې خلاف اعتراضونو کې ګډون ونه کړي.

د بریټانیا د دفاع وزارت یو استخباراتي رپوټ کې راغلي، چې روسي چارواکي‌ هڅه کوي چې د دغه هیواد د عسکرو د میرمنو له خوا په اوکراین کې د روسیې جګړې سره پراخ مخالفت له منځه یوسي.

دغه چاره یا د پیسو په بدل کې ترسره کیږي او یا هم یې هم په خواله رسنیو کې د عسکرو د میرمنو د څرګندونو د بې اعتباره کولو هڅې کیږي.‌

د جګړې د مخالفتونو پای ته رسولو هڅه په داسې حال کې کیږي چې د یوې وروستۍ نظرپوښتنې له مخې، ۷۴ سلنه روسان په اوکراین که د جګړې د ختمولو لپاره د سولې د خبرو اترو پلویان دي.‌

اوکراین ته تلونکي نوي پوځیان به د اوکراین په ختیځ کې د مارینکا ښار په څیر ځایونو ته ولیږدول شي، هغه سیمه چې د یوې کلنې جګړې له امله تر ډیره ویجاړه شوي ده.

روسي پوځیانو تر اوږدو جګړو وروسته د شنبې په ورځ د دغه ښار د نیولو ادعا وکړه خو د رپوټونو له مخې دغه ښار چې پخوا پکې لس زره کسانو ژوند کوه، له خلکو بشپړ خالي شوی او په ښار کې نږدې ټولې ودانۍ ویجاړې شوي دي.‌

اوکراینې چارواکو د روسي پوځ دغه ادعا رد کړې او ویلي یې دي چې روسي پوځ د دغه ښار د ځینو کلیو په نیولو کې پاتې راغلي او په ښار کې کوم پوځي تحرکات نه لیدل کیږي.

د رپوټونو له مخې، د نويو روسي عسکرو په رسیدو سره به په اوکراین کې د روسي عسکرو شمیر ۱.۳ میلیونو ته پورته شي.‌

مکرون په دوبۍ کې د اقلیمي بدلون په اړه د ملګرو ملتونو د سرمشریزې په څڼډه کې یوې خبري غونډې ته وویل چې د دوامداره اوربند او د ټولو یرغملو د خوشي کولو لپاره روانې هڅې باید دوه برابره شي.‌

د جمعې په ورځ د اسراییل او حماس ترمنځ لنډمهاله اوربند وروسته له هغه مات شو چې منځګړي هیوادونه د دغه اوربند په غځولو کې پاتې راغلل.

اسراییل او حماس د اوربند د ماتولو پړه پر یو بل اچوي.

مکرون همدا راز له اسراییل وغوښتل چې د حماس پر وړاندې خپلې موخې روښانه کړي.

هغه وويل: "موږ په داسې یو وخت کې يو چې نور اسرایيلي چارواکي بايد په دقيقه توګه خپلې موخې او وروستۍ موخه بیان کړي: په بشپړه توګه د حماس له منځه وړل، ايا څوک فکر کوي چې دا امکان لري؟ که داسې وي، نو جګړه به لس کاله دوام وکړي."

مکرون زیاته کړه: "که د اسراییل امنیت د فلسطینیانو د ژوند په بیه او په سیمه کې د عامه افکارو د قهرجنولو په پایله کې خوندي کیږي، په سیمه کې به د اسراییل لپاره هیڅکله ډاډه امنیت خوندي نشي.‌"

د سرچينو د معلوماتو له مخې، تورن افغان دى او د يزد د کډوالو په ښارګوټي کې ژوند کوي.

دوی ویلي چې د پنجشنبې په شپه د یزد ښار په «میبد» سیمه کې یو ۱۷ کلن ایرانی ځوان له شخړې وروسته وژل شوی دی.

ایراني رسنیو د یزد د والي د سیاسي امنیت مرستیال علي اکبر عزیزي له قوله لیکلي، چې قاتل بهرنی وګړی دی او د یزد په ازاد شهر کې نیول شوی دی.

سرچینو افغانستان انټرنشنل ته ویلي، چې له دې پیښې وروسته د سیمې خلک په قهر شوي او د افغان کډوالو پر کورونو یې بریدونه کړي او سوځولي یې دي.

هغه انځورونه چې افغانستان انټرنشنل ته رسیدلي ښیي، چې د دې شخړې رسنیز کول د دې لامل شوی چې یوه ډله خلک د افغان کډوالو پر ښارګوتي برید وکړي. دا انځورونه ښیي چې کورونو اور اخیستي دي.

ظاهراً په دغه ښارګوټي کې د مهاجرینو د استوګنې په لور د قهرجنو خلکو راتګ له ایراني پولیسو سره د نښتې سبب شوی دی.

په دې وروستیو کې په ایران کې د افغان کډوالو د شمېر له زیاتیدو وروسته د ایران په بېلا بېلو ښارونو کې ورته پیښې راپور شوې چې ایراني اتباعو افغان مهاجر وهلي او د افغان کډوالو د ایستلو غوښتنه کوي.

په دې وروستیو کې د ایران د کورنیو چارو وزارت هم د زرګونو افغان کډوالو د ایستلو اعلان کړی.

د نویو ځوانانو هاکي نړیوال جام کې به له بیلابیلو هیوادونو ۱۶لوبډلې ګډون وکړي او د ۱۱ ورځو لپاره به له یو بل سره ولوبېږي.‌

د هاکي نړیوال جام کې به د ارجنټاین، استرالیا، بلجیم، کاناډا، چیلي، مصر، فرانسې، جرمني، هند، سویلي کوریا، مالیزیا، هالنډ، نیوزیلینډ، پاکستان، سویلي افریقا او هسپانیا لوبډلې ګډون کوي.

د دغې جام د پیل په سیالیو کې به په لومړۍ ورځ دولس ټیمونه سره لوبې وکړي.

د جام لومړۍ سیالۍ به په محلي وخت د سهار پر نهو بجو د فرانسې او مصر ترمنځ وي.

په دویمه لوبه کې به جرمني له سویلي افریقې سره، او بیا اسپانیا له کاناډا سره او تر هغه وروسته ارجنټاین له اسټرلیا سره او هندوستان له کوریا سره سیالي کوي.

د هاکي د نوي ځوانانو د نړیوال جام په لومړی ورځ به کوربه هیواد مالیزیا د چیلي سره د جام د لومړۍ ورځې وروستۍ سیالي ترسره کړي.‌

پاکستان به د دغې جام په دریمه ورځ پنجشنبه له نیوزیلینډ سره خپله لومړۍ سیالی وکړي.