خلیل الرحمان حقاني: پاکستان کې مو د افغان کډوالو د پانګو د لیږد لپاره کمیسون جوړ کړی

هغه د امریکا له عدلي او قضايي ارګانونو څخه غوښتنه وکړه، چې د خزانې وزارت د راپور له جوړوونکي دې 'پوښتنې ګروېګنې' وکړي.

هغه په ​​خپله رسمي فیسبوک پاڼه لیکلي، چې د اړتیا په صورت کې به د ټولو قراردادونو مالي راپورونه اړوندو چارواکو ته وسپاري.

تېره ورځ (د قوس په ۲۰مه) د امریکا د خزانې وزارت د افغانستان د ولسي جرګې پر پخواني مشر میر رحمان رحماني، د هغه پر زوی اجمل رحماني او په یو شمېر اروپايي او اسیايي هېوادونو کې په دوی پورې تړلو ۴۴ شرکتونو باندې بندیزونه ولګول.

د دغه وزارت په یوه اعلامیه کې د میر رحمان رحماني او اجمل رحماني د فساد، مالي او سیاسي سرغړونو یو نوملړ ته اشاره شوې، چې له پخواني پوځ نه د تېلو د غلا او په لویه بیه د تیلو له پلورلو نیولې تر مالیې نه ورکولو او د پارلمان د مشر په توګه د ټاکل کېدو لپاره د بډو ورکول پکې شامل دي.‌

میر رحمان رحماني ویلي چې د داسې راپورونو خپرول "د نړۍوالو معیارونو او هغو کنوانسیونونو خلاف کار دی، چې د ملګرو ملتونو د غړو هېوادونو تر منځ تصویب شوی دی".

میر رحمان رحماني د امریکا له عدلي او قضايي بنسټونو غوښتي: "هغه چارواکي چې دا راپور یې خپور کړی، باید ژر تر ژره ترې پوښتنې ګروېګنې وشي، چې پر خپور کړي راپور بیا کتنه وکړي."

د پاکستان د دفاع پخواني وزیر خواجه محمد اصف په خواله رسنۍ اېکس یو پیغام کې ویلي، چې په دغه هېواد کې د ترهګرۍ د څپې پراخېدل او په ډېره اسماعیل خان کې د ۲۳ پوځیانو وژل کېدل دا باور پیاوړی کوي، چې د ترهګرۍ سرچینه یوازې په افغانستان کې ده.

د پاکستاني چارواکو په وینا؛ د سې شنبې په ورځ په ډېره اسمعیل خان کې د پاکستان د پوځ پر یوې پوستې د تحریک جهاد پاکستان ډلې له خوا په شوي ځانمرګي برید کې ۲۳ پاکستاني پوځیان وژل شوي او یو شمېر نور ټپیان شوي دي.

د نوموړي په وینا یو ورور او ګاونډی هېواد افغانستان باید دې ته اجازه ورنه کړي، چې خاوره یې د پاکستان پر وړاندې وکارول شي.‌

هغه ادعا کړې، چې د پاکستان ۵۰ کلن تاریخ د دې شاهد دی چې د دوی خاوره د افغانانو لپاره د یو پناه ځای په توګه ده او دا اوس هم په دغه هېواد کې څلور یا پنځه میلیونه افغان کډوال اوسیږي چې یوازې څلورمه برخه یې د کډوالۍ قانوني اسناد لري.

هغه ویلي:‌”افغانان په پاکستان کې کاروبارونه او جایدادونه لري. افغانستان سره زموږ پولې د نړۍ د دودیزو پولو په شان نه دي او زموږ هېواد ته تګ راتګ د افغانستان له نورو ګاونډیو سره توپیر لري او ډېره اسانه دی.“

هغه زیاته کړې:”د افغانستان له خاورې د دوی د هېواد پر بشپړتیا باندې بریدونه دغه ټولې تاریخي او د ورورولۍ اړیکې زیانمنوي.“

تر دې وړاندې طالبانو په وار - وار د پاکستان پر خلاف د افغانستان د خاورې د کارولو او په افغانستان کې د پاکستاني طالبانو تحریک د مشرانو د شتون په اړه د پاکستاني چارواکو ادعاوې رد کړي دي.

په افغانستان کې د طالبانو تر بریا وړاندې د افغان طالبانو مشران په پاکستان کې دیره وو، پخواني افغان جمهوریت په وار - وار پاکستان ته په دغه هېواد کې د طالبانو د حضور په اړه اسناد وړاندې کړي وو؛ خو پاکستاني چارواکو به تل افغان چارواکي په دې تورنول چې په خپلو مسوولیتونو کې پاتې راغلي‌ د خپلې ناکامۍ پړه پر پاکستان ور اچوي.

د شنونکو په باور؛ د پاکستان له خوا په افغانستان کې د امریکا پر وړاندې د طالبانو د جګړې ملاتړ او په دغه جګړه کې د طالبانو برلاسه کېدو، پاکستاني طالبانو ته هم انګېزه ورکړې او له همدې امله یې د دغه هېواد پر ځواکونو خپلو بریدونو ته زور ورکړی دی.

دغې ادارې تېره ورځ په خپل تازه راپور کې ویلي، چې د افغانستان په ګډون په نړۍ کې ۵۳هېوادونه د خوړو له کمښت سره مخ دي او په یادونو هېوادونو کې د خوړو خوندیتوب نه شته.

په راپور کې راغلي چې د نړۍ ۲۵۸ میلیونه وګړي په روان ۲۰۲۳ کال کې د خوړو خوندیتوب نه لري.

د ملګرو ملتونو د کرنې او خوړو دغه ادارې د یادو ۵۳ هېوادونو د خوړو د کمښت لاملونه جګړې، اقلیمي بدلونونه، بې وزلي او نابرابري ښودلې ده.

راپور زیاتوي، چې په ټوله نړۍ کې د کرنې او خوړو په برخه کې بېړنۍ مرستې کمې شوي او لوږه مخ په ډېرېدو ده.

دغه اداره وايي، چې په روان ۲۰۲۳ کال کې د بودیجې د کمښت له امله د نړۍ میلیونونو وګړو ته د خوړو او کرنې په برخه کې مرستې نه دي رسېدلي.

په راپور کې د راتلونکي ۲۰۲۳ کال لپاره د ۱،۸ میلیارده ډالرو د اړتیا وړاندوینه شوې او ویل شوي، که چېرې یادې مرستې برابرې نه شي ښايي راتلونکی کال د لوږې کچه لا لوړه شي.

د یادونې وړ ده، چې تېره میاشت د افغانستان لپاره د ملګرو ملتونو د بشري مرستو د همغږۍ ادارې (اوچا) هم ویلي وو، چې د افغانستان نېږدې ۲۹ میلیونه وګړي بېړنیو بشري مرستو ته اړتیا لري.

بل خوا د ملګرو ملتونو د کډوالۍ ادارې هم په خپلې اعلامیې کې تېره اونۍ ویلي وو، چې افغانستان له پاکستان او ایران څخه راستنېدونکي کډوال بېړنیو مرستو ته اړتیا لري او که چېرې مرستې ور ونه رسول شي نو د سخت ژمي له امله یې ښايي ځینې کډوال مړه شي.

د پاکستان پوځ نن ومنله چې ډېره اسماعیل خان کې د پولیسو پر مرکز په موټر بم برید کې یې ۲۳ سرتېري وژل شوي دي.

د پاکستان اسلامي جهاد په نوم وسلوالې ډلې د دې برید مسوولیت منلی دی.
د هلمند د ځايي طالب چارواکو د وټساپ غږونو له مخې؛ دغه برید د قاري شاکر په نوم د موسا کلا ولسوالۍ یوه اوسېدونکي کړی دی.

د قاري شاکر په نوم دغه ځوان یو ویډیویي پیغام هم خپور کړی او پکې وايي:«خپلې جهادپاله او شهادتپاله کورنۍ ته مې دا پیغام دی، چې زما کورنۍ دې زما د شهادت په اړه دې نه خفه کیږي، کله چې زما د شهادت په اړه خبر شي دوه رکعته د شکر نفل دي ادا کړي او شکر دې وباسي چې زه په دې لاره کې شهید شوم.»
نوموړی د یاد پیغام په دوام وايي، چې د ټولو مسلمانانو انتقام به په خپلو لاسونو اخلي او خلک جهاد ته رابولي.
سرچینې افغانستان انټرنشنل ـ پښتو ته وايي؛ د قاري شاکر په نوم یاد بریدګر د مولوي فرقاني په نوم د هلمند د موسا کلا ولسوالی د اوسیدونکي ورور دی او کورنۍ یې د تېرو څو کلنو راهیسې په پاکستان کې ژوند کاوه.

هلمند کې ځايي طالب چارواکو هم له یو بل سره د وټساپ په پیغامونو کې ویلي، چې د موسا کلا اوسېدونکي قاري شاکر نن درې بجې په پاکستان کې ځانمرګی برید کړی دی.

په یوه وټساپ پیغام کې یو طالب له نورو غواړي چې د عکس خپرولو سره له نورو ملګرو هغه ته بښنه وکړي.

پاکستان تل پر طالب چارواکو تور پورې کوي، چې په افغان خاوره کې یې وسلوال ساتلي او د دغه هېواد په تاوتریخوالي کې افغان طالبان هم ګډون لري.

څه مهال مخکې د پاکستان حکومت وویل د روان میلادي کال کې ۱۴ ځانمرګي بریدونه افغانانو کړي دي.

که څه هم د طالبانو مشر ملا هبت الله په پاکستان کې د بریدونو پرضد فتوا ورکړې او د دې ډلې دفاع وزیر ملا یعقوب هم طالب چارواکو ته سپارښتنه کړې، چې بهر به جګړې ته نه ځي؛ خو داسې ښکاري چې طالبان دا امرونه نه مني.

ډېکر د سې شنبې په ورځ په خواله رسنۍ اېکس خپور کړي پیغام کې ویلي، چې د امریکا د خزانې وزارت او د سیګار د موندنو له مخې د افغانستان د پارلمان پخواني مشر میر رحمان رحماني او د هغه زوی اجمل رحماني د درغلیو په یوه پراخه طرحې د میلیونونو ډالرو په غلا کولو سره امریکا او افغانستان دواړه لوټ کړي دي.

د امریکا د خزانې وزارت د بهرنیو شتمنیو د کنټرول دفتر «او اف اې سي» د دوشنبې په ورځ په خپور کړي رپوټ کې میر رحمان رحماني او د هغه زوی او د دې جرګې یو پخوانی غړی اجمل رحماني په پراخ فساد تورن او تحریم کړل.

دغه وزارت په اسیا او اروپا کې په دوی پورې په تړلو ۴۴ شرکتونو هم بندیز ولګاوه.

د دې دفتر په اعلاميه کې د مير رحمان او اجمل رحماني د فساد، مالي او سياسي سرغړونو يادونه شوې، چې پکې افغان پوځ ته په لوړه بیه د تېلو پلورل، د ماليې د نه ورکړې او د افغانستان پارلمان ریاست ته د ټاکل کېدو لپاره د بډو ورکول شامل دي.

د امریکا خزانې وزارت ویلي، چې رحمانيانو په «تدارکاتي فساد ککړه یوه پېچلې» طرحه جوړه کړې وه.
یوه بېلګه یې د افغان پوځ لپاره د سون توکو رسول وو، چې د خزانې وزارت په وینا؛ د تېلو بیه یې په مصنوعي ډول څو برابره لوړه کړې وه.
دغه وزارت وايي: "په ۲۰۱۴ کال کې د رحمانیانو په ګډون څو کورنیو چې د تېلو په سوداګرۍ کې فعالې وې، له یو بل سره په همکارۍ لاس پورې کړ او د تېلو بیې یې له ۲۰۰ میلیونو څخه ډېرې لوړې کړې. دوی د امریکایي قراردادونو د ترلاسه کولو لپاره د ازادې داوطلبۍ مخه نیولې وه."
پر دې سربیره د امریکا د خزانې وزارت د افغانستان د پارلمان د پخواني رییس او د هغه د زوی شرکتونه د افغان پوځ څخه د تیلو په غلا کولو تورن کړي دي.

دغه وزارت وايي؛ رحمانيانو "له يو کال څخه په کمه موده کې د پوځ چارواکو ته د بډو په ورکولو سره لږ تر لږه ١١ ميليونه لېتره تېل پوځ ته نه دي رسولي."
په عین حال کې د رحماني شرکتونه تورن دي چې د ګمرکي معافیت څخه په استفادې یې په میلیونونو لیټره تېل افغانستان ته وارد کړي چې د ناټو ځواکونو لپاره ځانګړي شوي وو او "میلیونونه ډالره دولتي عواید یې لوټ کړي دي."

میر رحمان رحماني د ۱۳۹۸ کال د تلې په ۲۸مه د ۱۲۳ رایو په ترلاسه کولو سره د لومړي ځل لپاره د افغانستان د ولسي جرګې د رییس په توګه وټاکل شو.

نوموړی د تېر حکومت تر نسکورېدو پورې په دې دنده و. د هغه زوی اجمل رحماني هم د ۲۰۱۷ کال په پارلماني ټاکنو کې له کابل څخه وټاکل شو.
د متحده ایالاتو د خزانې وزارت وايي چې "پارلمان ته د بډې ورکولو وروسته، رحماني او د هغه زوی د خپل فاسد تجارتي سیسټم د ساتنې لپاره خپل موقفونه کارولي."
میر رحمان رحماني د افغانستان د «ولسي جرګې د رییس په توګه د ټاکلو لپاره د ولسي جرګې څو غړو ته په میلیونونو ډالر رشوت» ورکړ.

همداراز اجمل رحماني "د افغانستان پارلمان ته د ننوتو لپاره د ټاکنو د کمیسیون ځینو غړو ته د خپلو رایو د زیاتولو لپاره ۱.۶ میلیونه ډالر ورکړي دي."
د امریکا د خزانې وزارت وايي؛ میر رحمان او اجمل رحماني په جرمني، قبرس، متحده عربي اماراتو، هالنډ او بلجیم کې د ۴۴ شرکتونو شبکه پرانیستې ده.
دغه وزارت ویلي، دغه شرکتونه د امریکا د بندیزونو په لېست کې شامل شوي او په دغه هېواد کې یې شتمنۍ کنګل شوې دي.
اوس هغه شرکتونه او اشخاص چې په امریکا کې فعالیت کوي نه شي کولی د رحماني کورنۍ شرکتونو سره سوداګري وکړي.