د پاکستان د دفاع پخواني وزیر : د ترهګرۍ سرچینه یوازې په افغانستان کې ده

دغې ادارې تېره ورځ په خپل تازه راپور کې ویلي، چې د افغانستان په ګډون په نړۍ کې ۵۳هېوادونه د خوړو له کمښت سره مخ دي او په یادونو هېوادونو کې د خوړو خوندیتوب نه شته.

په راپور کې راغلي چې د نړۍ ۲۵۸ میلیونه وګړي په روان ۲۰۲۳ کال کې د خوړو خوندیتوب نه لري.

د ملګرو ملتونو د کرنې او خوړو دغه ادارې د یادو ۵۳ هېوادونو د خوړو د کمښت لاملونه جګړې، اقلیمي بدلونونه، بې وزلي او نابرابري ښودلې ده.

راپور زیاتوي، چې په ټوله نړۍ کې د کرنې او خوړو په برخه کې بېړنۍ مرستې کمې شوي او لوږه مخ په ډېرېدو ده.

دغه اداره وايي، چې په روان ۲۰۲۳ کال کې د بودیجې د کمښت له امله د نړۍ میلیونونو وګړو ته د خوړو او کرنې په برخه کې مرستې نه دي رسېدلي.

په راپور کې د راتلونکي ۲۰۲۳ کال لپاره د ۱،۸ میلیارده ډالرو د اړتیا وړاندوینه شوې او ویل شوي، که چېرې یادې مرستې برابرې نه شي ښايي راتلونکی کال د لوږې کچه لا لوړه شي.

د یادونې وړ ده، چې تېره میاشت د افغانستان لپاره د ملګرو ملتونو د بشري مرستو د همغږۍ ادارې (اوچا) هم ویلي وو، چې د افغانستان نېږدې ۲۹ میلیونه وګړي بېړنیو بشري مرستو ته اړتیا لري.

بل خوا د ملګرو ملتونو د کډوالۍ ادارې هم په خپلې اعلامیې کې تېره اونۍ ویلي وو، چې افغانستان له پاکستان او ایران څخه راستنېدونکي کډوال بېړنیو مرستو ته اړتیا لري او که چېرې مرستې ور ونه رسول شي نو د سخت ژمي له امله یې ښايي ځینې کډوال مړه شي.

د پاکستان پوځ نن ومنله چې ډېره اسماعیل خان کې د پولیسو پر مرکز په موټر بم برید کې یې ۲۳ سرتېري وژل شوي دي.

د پاکستان اسلامي جهاد په نوم وسلوالې ډلې د دې برید مسوولیت منلی دی.
د هلمند د ځايي طالب چارواکو د وټساپ غږونو له مخې؛ دغه برید د قاري شاکر په نوم د موسا کلا ولسوالۍ یوه اوسېدونکي کړی دی.

د قاري شاکر په نوم دغه ځوان یو ویډیویي پیغام هم خپور کړی او پکې وايي:«خپلې جهادپاله او شهادتپاله کورنۍ ته مې دا پیغام دی، چې زما کورنۍ دې زما د شهادت په اړه دې نه خفه کیږي، کله چې زما د شهادت په اړه خبر شي دوه رکعته د شکر نفل دي ادا کړي او شکر دې وباسي چې زه په دې لاره کې شهید شوم.»
نوموړی د یاد پیغام په دوام وايي، چې د ټولو مسلمانانو انتقام به په خپلو لاسونو اخلي او خلک جهاد ته رابولي.
سرچینې افغانستان انټرنشنل ـ پښتو ته وايي؛ د قاري شاکر په نوم یاد بریدګر د مولوي فرقاني په نوم د هلمند د موسا کلا ولسوالی د اوسیدونکي ورور دی او کورنۍ یې د تېرو څو کلنو راهیسې په پاکستان کې ژوند کاوه.

هلمند کې ځايي طالب چارواکو هم له یو بل سره د وټساپ په پیغامونو کې ویلي، چې د موسا کلا اوسېدونکي قاري شاکر نن درې بجې په پاکستان کې ځانمرګی برید کړی دی.

په یوه وټساپ پیغام کې یو طالب له نورو غواړي چې د عکس خپرولو سره له نورو ملګرو هغه ته بښنه وکړي.

پاکستان تل پر طالب چارواکو تور پورې کوي، چې په افغان خاوره کې یې وسلوال ساتلي او د دغه هېواد په تاوتریخوالي کې افغان طالبان هم ګډون لري.

څه مهال مخکې د پاکستان حکومت وویل د روان میلادي کال کې ۱۴ ځانمرګي بریدونه افغانانو کړي دي.

که څه هم د طالبانو مشر ملا هبت الله په پاکستان کې د بریدونو پرضد فتوا ورکړې او د دې ډلې دفاع وزیر ملا یعقوب هم طالب چارواکو ته سپارښتنه کړې، چې بهر به جګړې ته نه ځي؛ خو داسې ښکاري چې طالبان دا امرونه نه مني.

ډېکر د سې شنبې په ورځ په خواله رسنۍ اېکس خپور کړي پیغام کې ویلي، چې د امریکا د خزانې وزارت او د سیګار د موندنو له مخې د افغانستان د پارلمان پخواني مشر میر رحمان رحماني او د هغه زوی اجمل رحماني د درغلیو په یوه پراخه طرحې د میلیونونو ډالرو په غلا کولو سره امریکا او افغانستان دواړه لوټ کړي دي.

د امریکا د خزانې وزارت د بهرنیو شتمنیو د کنټرول دفتر «او اف اې سي» د دوشنبې په ورځ په خپور کړي رپوټ کې میر رحمان رحماني او د هغه زوی او د دې جرګې یو پخوانی غړی اجمل رحماني په پراخ فساد تورن او تحریم کړل.

دغه وزارت په اسیا او اروپا کې په دوی پورې په تړلو ۴۴ شرکتونو هم بندیز ولګاوه.

د دې دفتر په اعلاميه کې د مير رحمان او اجمل رحماني د فساد، مالي او سياسي سرغړونو يادونه شوې، چې پکې افغان پوځ ته په لوړه بیه د تېلو پلورل، د ماليې د نه ورکړې او د افغانستان پارلمان ریاست ته د ټاکل کېدو لپاره د بډو ورکول شامل دي.

د امریکا خزانې وزارت ویلي، چې رحمانيانو په «تدارکاتي فساد ککړه یوه پېچلې» طرحه جوړه کړې وه.
یوه بېلګه یې د افغان پوځ لپاره د سون توکو رسول وو، چې د خزانې وزارت په وینا؛ د تېلو بیه یې په مصنوعي ډول څو برابره لوړه کړې وه.
دغه وزارت وايي: "په ۲۰۱۴ کال کې د رحمانیانو په ګډون څو کورنیو چې د تېلو په سوداګرۍ کې فعالې وې، له یو بل سره په همکارۍ لاس پورې کړ او د تېلو بیې یې له ۲۰۰ میلیونو څخه ډېرې لوړې کړې. دوی د امریکایي قراردادونو د ترلاسه کولو لپاره د ازادې داوطلبۍ مخه نیولې وه."
پر دې سربیره د امریکا د خزانې وزارت د افغانستان د پارلمان د پخواني رییس او د هغه د زوی شرکتونه د افغان پوځ څخه د تیلو په غلا کولو تورن کړي دي.

دغه وزارت وايي؛ رحمانيانو "له يو کال څخه په کمه موده کې د پوځ چارواکو ته د بډو په ورکولو سره لږ تر لږه ١١ ميليونه لېتره تېل پوځ ته نه دي رسولي."
په عین حال کې د رحماني شرکتونه تورن دي چې د ګمرکي معافیت څخه په استفادې یې په میلیونونو لیټره تېل افغانستان ته وارد کړي چې د ناټو ځواکونو لپاره ځانګړي شوي وو او "میلیونونه ډالره دولتي عواید یې لوټ کړي دي."

میر رحمان رحماني د ۱۳۹۸ کال د تلې په ۲۸مه د ۱۲۳ رایو په ترلاسه کولو سره د لومړي ځل لپاره د افغانستان د ولسي جرګې د رییس په توګه وټاکل شو.

نوموړی د تېر حکومت تر نسکورېدو پورې په دې دنده و. د هغه زوی اجمل رحماني هم د ۲۰۱۷ کال په پارلماني ټاکنو کې له کابل څخه وټاکل شو.
د متحده ایالاتو د خزانې وزارت وايي چې "پارلمان ته د بډې ورکولو وروسته، رحماني او د هغه زوی د خپل فاسد تجارتي سیسټم د ساتنې لپاره خپل موقفونه کارولي."
میر رحمان رحماني د افغانستان د «ولسي جرګې د رییس په توګه د ټاکلو لپاره د ولسي جرګې څو غړو ته په میلیونونو ډالر رشوت» ورکړ.

همداراز اجمل رحماني "د افغانستان پارلمان ته د ننوتو لپاره د ټاکنو د کمیسیون ځینو غړو ته د خپلو رایو د زیاتولو لپاره ۱.۶ میلیونه ډالر ورکړي دي."
د امریکا د خزانې وزارت وايي؛ میر رحمان او اجمل رحماني په جرمني، قبرس، متحده عربي اماراتو، هالنډ او بلجیم کې د ۴۴ شرکتونو شبکه پرانیستې ده.
دغه وزارت ویلي، دغه شرکتونه د امریکا د بندیزونو په لېست کې شامل شوي او په دغه هېواد کې یې شتمنۍ کنګل شوې دي.
اوس هغه شرکتونه او اشخاص چې په امریکا کې فعالیت کوي نه شي کولی د رحماني کورنۍ شرکتونو سره سوداګري وکړي.

د کندهار د رسنیو مرکز نن سې شنبې په خپله اېکس پاڼه کې لیکلي، چې د پټو پولیسو ګومارل د کندهار د سرپرست والي حاجي ملا په امر کیږي.

یاد مرکز همداراز لیکلي، چې د کندهار سرپرست والي د کندهار ښار د ټولو حوزو له امرینو سره په کتنه کې ټینګار کړی، چې د باتجربه کسانو په ګومارلو کې ژر تر ژره اقدام وکړي.

په کندهار ولایت کې چې د ملا هبت الله په ګډون لوړپوړي طالب چارواکي اوسیږي وخت ناوخته د افغانستان د مهمو پرېکړو په اړه ځانکړې او مهمې غونډې او پرېکړې کیږي چې ډېری یې له خلکو او رسنیو پټ ساتل کیږي.

دا چې د طالبانو د امنیتي ځواکونو ترڅنګ د پټ (مخفي) پولیسو ګومارلو ته اړتیا څه ده؟

په اعلامیه کې څه نه دي ویل شوي؛ خو د کندهار په ګډون په بیلابیلو ولایتونو کې جنایي او د طالبانو هدفي وژنې د دې لامل شوي، چې طالبان په دغو پېښو کې ښکیل وبلل شي.

د پاکستان د بهرنیو چارو وزارت په یوه اعلامیه کې ویلي، چې په ډېره اسماعیل خان کې د پاکستان پر امنیتي ځواکونو د سې شنبې ورځې د خونړي برید په غبرګون کې د بهرنیو چارو وزیر د ‘افغانستان د موقت حکومت’شارژدافیر وربللی او سخت اعتراض یې ورته وړاندې کړی دی.‌

په دغه اعلامیه کې راغلي، چې ډېره اسماعیل خان په دربان سیمه کې د پاکستاني ځواکونو پر یوه پوسته شوي برید کې ۲۳ پاکستاني ځواکونه وژل شوي او یو شمېر نور ټپیان دي.

د پاکستان بهرنیو چارو وزارت ویلي، چې تحریک جهاد پاکستان ډلې د دغې برید مسوولیت پر غاړه اخیستی چې په وینا یې د پاکستاني طالبانو د تحریک پورې تړلې ډله ده.

په اعلامیه راغلي، چې د پاکستان د بهرنیو چارو وزیر د طالبانو له شارژدافیر نه غوښتنه کړې، چې طالبان دې ژر تر ژره دې د دې وروستي برید په اړه څیړنې وکړي او د عاملینو په وړاندې دې سخت اقدام وکړي.

پاکستان دغه راز له طالبانو غوښتي چې دغه برید دې په پراخه کچه وغندي،‌ په افغانستان کې د شته ټولو ترهګرو ډلو او د هغوی د مشرانو پر وړاندې دې د تایید وړ اقدام وکړي او پټنځایونه دې یې له منځه یوسي.

د اعلامیې په ټکو پاکستان د برید د عاملینو د نیولو او په افغانستان کې د دوی په وینا؛ د مېشتو پاکستاني طالبانو د تحریک د مشرانو ورسپارلو او د پاکستان پر ضد د افغانستان د خاورې د دوامداره کارونې د مخنیوي لپاره د ټولو اړینو اقداماتو د ترسره کولو غوښتنه هم کړې ده.‌

په اعلامیه کې راغلي:‌ “د نن ورځې ترهګریز برید په سیمه کې د سولې او ثبات لپاره د شته ګواښ یو بله یادونه ده. موږ باید د دې ګواښ د له منځه وړلو لپاره په خپل ټول ځواک سره عمل وکړو. پاکستان له ترهګرۍ سره د مبارزې په برخه کې پر خپلو ژمنو کلک ولاړ دی.”

طالبانو تر اوسه په پاکستان د سې شنبې ورځې د برید او د پاکستاني چارواکو د څرګندونو په اړه څه نه دي ویلي.

تر دې وړاندې طالبانو په وار - وار په افغانستان د پاکستاني طالبانو د مشرانو او په پاکستان کې د شویو بریدونو په برخه د افغانستان د خاورې د کارولو په اړه د پاکستاني چارواکو څرګندونې په کلکه ردې کړي او ویلي یې دي چې پاکستان د امنیت په ټینګولو کې د خپلې ناکامۍ پړه پر دې ډلې وراچوي.