د روسیې دولتي خبري اژانسونو د راپور له مخې د روسیې د ولسمشر ولادیمیر پوتین پلویانو د شنبې په ورځ هغه په رسمي ډول د ۲۰۲۴ کال ولسمشرۍ ټاکنو ته د یوه خپلواک نوماند په توګه نومولی دی.
د روسیې د ټاکنوې د قانون له مخې هغه نوماندان چې د یو ګوند له ادرسه نه وی راغلي، باید لږ تر لږه د ۵۰۰ پلویانو د یوې ډلې له خوا نوماند شي.
خپلواک نوماند باید د خپلو درې لکه ملاتړو لاسلیکونه راټول کړي.
په هغه ډله کې چې پوتین یې نومولی، د روسیې د واکمن ګوند، متحدې روسې لوړپوړي چارواکي، د روسیې مشهور سینمايي لوبغاړي، سندرغاړي، ورزشکاران او نور عامه شخصیتونه شامل دي.
د خلکو د جبهې په نوم د یو سیاسي ایتلاف د اجرایوي کمیټې مشر میخایل کوزنیتسوف په یوه غوڼډه کې له راټولو شوو کسانو وپوښتل: "هر هغه څوک چې د روسیې د ولسمشرۍ څوکۍ لپاره د ولادیمیرویچ پوتین د نوماندۍ ملاتړ کوي، رایه دې ورکړي. څوک د هغه ملاتړ کوي؟"
د خلکو جبهه هغه سیاسي ایتلاف دی چې په ۲۰۱۱ کال کې د پوتین له خوا رامنځ ته شوی وو.
له رای اچونې وروسته، کوزنیتسوف اعلان وکړ چې دې ډلې د رایو په اتفاق د پوتین د نوماندۍ لپاره رایه ورکړه.
د روسیې د ټاکنو د قوانینو له مخې، هغه نوماندان چې د داسې ګوندونو له ادرسه راځي چې روسیې د پارلمان په یوخ ځانګړي مجلس یا دوما کې استازي نه لري او یا قانون جوړوونکې جرګه کې دریمه برخه غړي نه لري، باید د دغه هیواد له ۴۰ سیمو د یو لکو کسانو اماضاګانې راټولې کړي. هغه کاندیدان چې په خپواکه ټوګه ځان نوماندوي، باید د دغه هیواد له ۴۰ سیمو د درې لکه کسانو امضاګانې راټولې کړي.
هغه کاندیدان چې په خپلواکه ټوګه ځان نوماندوي، باید د دغه هیواد له ۴۰ سیمو د درې لکه کسانو امضاګانې راټولې کړي.
پوتین هم باید دغه معیارونه پوره کړي، چې تر دې وړاندې یې د معیارونو پوره کولو لپاره د کلونو په اوږدو کې له بیلابیلو لارو کار اخیستی دی.
پوتین په ۲۰۱۸ کال کې د خپلواک کاندید په توګه ودرېد او د هغه کمپاین لاسلیکونه راټول کړل.
په ۲۰۱۲ کال کې بیا، نوموړی د کریملین د متحدې روسیې د ګوند د نوماند په توګه ټاکنو کې ګډون وکړ، چې لاسلیکونو راټولولو ته یې اړتیا نه وه.
