په افغانستان کې د م.م بشري مرستو همغږۍ دفتر اوچا د یک شنبې په ورځ د (لیندۍ ۲۶مه) په اېکس پاڼه لیکلي، په هرات کې له ۶،۳ درجې زلزلې څخه د دوو میاشتو په تېرېدو بشري فعالانو له ۲ لکه او ۶۶ زره او ۸۰۰ اغېزمنو سره د نغدو پیسو، خوراکي او غیرې خوراکي توکو او روغتیايي برخه کې مرستې کړې.
د ملکرو ملتونو د بشري مرستو د همغږۍ دفتر له لوري په خپاره شوي راپور کې لیکل شوي چې، تر دې مهاله یې ۱۹ زره او ۶۵۲ کورنیو ته ۵،۱ میلیون ډالره نغدي مرستې کړې دي.
همدارنګه دغه اداره زیاتوي۱۶ زره او ۱۶۹ کورنیو ته بیړنۍ سرپناوې جوړې شوې،۲۱۰۱۷ کورنیو ته غیرې خوراکي توکي، ۱۳۱۰۱ کورنیو ته ژمني توکي او ۱۱۷۸۲ کورنیو ته يې د سرپناه د ترمیم کېټونه ورکړي دي.
د ملګرو ملتونو د بشري مرستو د همغږۍ دفتر په راپور کې ویل شوي چې، اغیزمنو کسانو ته یې بیړنۍ خوراکي مرستې، د مالدارۍ مرستې او روغتیايي خدمتونه وړاندې کړي دي.
په هرات کې د دوه میاشتې وړاندې پرله پسې زورورو زلزلو له امله زرګونه کورنۍ زیانمنې شوې او دیادو اغېزمنو کسانو لپاره په نړیواله کچه ډیرې مرستې هم راټولې شوې خو د هرات اوسیدونکي وايي له زلزله ځپلو وګړو سره د مرستو وېش عادلانه نه و.
