د پاکستان لومړي وزیر د کریسمیس مراسمو کې د ټولو اقلیتونو د حقونو خوندي کولو ژمنه وکړه
د پاکستان سرپرست لومړي وزیر انورالحق کاکړ د عیسیویانو د اختر یا کریسمیس مراسمو کې، د پاکستان د اساسي قانون په رڼا کې د اقلیتونو د خوندیتوب ژمنه وکړه.
د پاکستان سرپرست لومړي وزیر انورالحق کاکړ د عیسیویانو د اختر یا کریسمیس مراسمو کې، د پاکستان د اساسي قانون په رڼا کې د اقلیتونو د خوندیتوب ژمنه وکړه.
کاکړ د شنبې په شپه په اسلام اباد کې د کریسمس د کیک پرې کولو سره وویل، د مختلفو مذهبونو د پیروانو د عبادت ځایونو ساتنه او د مذهبونو تنوع ته درنښت د پاکستان اساسي اصول او ارزښتونه دي.
لومړي وزیر په پاکستان کې د بیان پر ازادۍ ټینګار وکړ او ویې ویل چې هیڅ شخص یا ارګان ته اجازه نه ورکول کیږي چې د خلکو تر منځ کرکه خپره کړي.
هغه د پوهنې او روغتیا په برخو کې د مسیحي ټولنې د ارزښتناکو مرستو ستاینه وکړه.
نوموړي په دې مراسمو کې د کریسمیس مبارکي هم ور کړه او کیک یې هم پرې کړ.
پاکستان کې عیسویان له سخت مذهبي تعصب سره مخ دي.
تېر دوبی هم د پنجاب په فیصل اباد کې قران ته د دوو عیسویانو د سپکاوي په تور پسې توندلارو څلور کلیساوې او د عیسویانو تر پنځوسو کورونه وسوځول.
