د عمران خان مېرمن به د راتلونکي کال د جنوري په څلورمه محاکمه شي

د پاکستان د پوځ د عامه اړیکو دفتر اعلان کړی، چې د دغه هېواد د پوځ د قوماندانانو ۲۶۱مه غونډه د دغه هېواد د پوځ د لوی درستیز سید عاصم منیر په مشرۍ د دغه هېواد د پوځ په مرکز کې جوړه شوه او په دغه هېواد کې د امنیتي ننګونو په هکله پکې خبرې اترې شوي.

د پاکستان د پوځ اعلامیه کې په یوه ګاونډي هېواد کې د پاکستاني طالبان تحریک او نورو ورته ډلو د پټنځایونو شتون، د خپلواکه فعالیت زمینه او نوو وسلو ته د هغوی لاسرسی د پاکستان د امنیت لپاره د یوې جدي اندېښنې په توګه یاد شوی دي.

د پاکستان پوځ اعلان کړی، چې له ټولو ترهګرو ډلو، د هغوی له تمویلوونکو او ملاتړو سره به په پوره قوت سره مقابله کوي.

د پاکستان پوځ له افغان طالبانو غوښتي وو، چې د پاکستاني طالبان تحریک د غړو پر ضد دې جدي اقدام وکړي؛ خو د پوځ دغه غوښتنه افغان طالبانو په نظر کې نه ده نیولې.

د پاکستان پوځ وايي، چې د پاکستاني طالبانو تحریک سره تړلي افغان وسله وال د پاکستان پر امنیتي ځواکونو په خونړیو بریدونو کې لاس لري او په افغانستان کې مېشت د ټي ټي پي‌ غړي د پاکستان پر پوځ او پولیسو د بریدونو پلانونه جوړوي.

طالبانو په دې وروستیو کې د پاکستان پوځ ته نېږدې سیاسي او مذهبي مشر مولانا فضل الرحمان ته افغانستان ته د راتګ بلنه ورکړې ده.

د پاکستان د جمعیت علمای اسلام مشر د پنجشنبې په ورځ اعلان کړی، چې له پارلماني ټاکنو وروسته به د افغان طالبانو او پاکستان تر منځ د باور رامنځته کولو په موخه افغانستان ته سفر وکړي.

هغه ویلي چې پلان لري چې په پاکستان کې د فبرورۍ د اتمې له پارلماني ټاکنو وروسته افغانستان ته سفر وکړي او زیاته کړې یې ده، چې د سفر موخه یې د پاکستان او طالبانو ترمنځ د باور رامنځته کول دي.

ښاغلي فضل الرحمان ویلي، چې طالبانو له هغه په رسمي توګه بلنه کړې ده.

افغان طالبانو ته نېږدې دغه مذهبي مشر ټینګار کوي، چې د افغانستان په اړه د پاکستان بهرنۍ تګلاره باید د باور پر اړیکو ولاړه وي او دغه باور باید وساتل شي.

د جمعیت علمای اسلام مشر اعلان کړی، چې د ټاکنیزو ناندریو له پای ته رسېدو وروسته به یې لومړیتوب افغانستان ته سفر او له طالب چارواکو سره لیده کاته وي.

نوموړي ویلي، چې له طالبانو سره په لیدنه کې به د پاکستان او طالبانو ترمنځ د تلپاتې باور رامنځته کولو هڅې وکړي.

هغه وايي: "پاکستان د خپل ځواک لپاره افغانستان ته اړتيا لري او افغانستان د خپلې خپلواکۍ د ساتلو لپاره پاکستان ته اړتيا لري."

هغه د نړۍوالو قوانينو پر تعقیبولو د ټينګار په ترڅ کې ویلي له نړۍوالو قوانينو په استفادې د ګاونډيو هېوادونو تر منځ د اختلافونو پاى ته رسولو ته جدي اړتيا ده."

په دې وروستیو کې پاکستاني رسنیو خبر ورکړی و، چې په اسلام اباد کې طالب چارواکو ښاغلي فضل الرحمان ته بلنه ورکړې.

د طالبانو ویاند ذبیح الله مجاهد هم دغه خبر تایید کړی. د مجاهد په وينا؛ دغه پاکستاني مولوي په پاکستان کې د طالبانو پر ضد د منفي تبليغاتو د مخنيوي په موخه کابل ته بلل شوى.

مجاهد ویلي، چې د طالبانو ډله د پاکستان خلکو ته د ځینو حقایقو د رسولو اراده لري او مولانا فضل الرحمان په دې برخه کې ښه رول لوبولی شي.

مولانا فضل الرحمان چې ځينې يې د طالبانو روحاني پلار بولي، له يوې خوا د پاکستان له پوځ او حکومت سره نېږدې اړيکې لري او له بلې خوا هڅه کوي له افغان طالبانو سره چې ځينې يې شاګردان هم وو، خپلې نېږدې اړيکې وساتي.

د پاکستان د دولتي راډیو د راپور له مخې؛ ښاغلي کاکړ زیاته کړه چې د پولیو واکسین پر اهمیت د خلکو د پوهاوي لپاره باید له دیني لارو کار واخیستل شي.

نوموړي دې غونډې ته په وینا کې پر عالمانو سربېره له خلکو هم وغوښتل چې د خپلو ماشومانو په واکسینولو سره له پولیو د پاک پاکستان جوړولو کې مرسته وکړي.

د هغه په خبره؛ پولیو د راتلونکو نسلونو لپاره هم ګواښ دی او له دې ناروغۍ د ماشومانو ژغورل ټولنیز مسوولیت دی.

پاکستان او افغانستان په نړۍ کې دوه یوازیني هېوادونه دي چې لا هم پکې ماشومان پر پولیو اخته کېږي.

پاکستان کې سږ کال تر پنځو پورې ماشومان پولیو شوي دي او افغانستان کې هم د دې ناروغۍ شپږ پېښې ثبت شوې دي.

د واکسین پر اهمیت د خلکو نه پوهاوی او په لېرې پرتو سیمو کې د وسلوالو تاوتریخوالی هغه لاملونه دي، چې لا هم په دواړو هېوادونو کې ماشومان په پولیو اخته کېږي.

د پاکستان د صوبايي او قامي اسمبلۍ او لومړي وزیر د ټاکلو لپاره ټولټاکنې راتلونکې فبرورۍ کې پر اتمه نېټه کېږي.

د پاکستان پوځ د دغه هېواد په سیاست په تېره ټاکنو کې ښکېل بلل کېږي او تل ورته ګوته نیول کېږي چې په خوښه یې ولسي چارواکي تر واک رسېږي.

پوځ ورته تورونه ردوي.

دې پاکستاني چارواکي همداراز زیاته کړې ده، چې پاکستاني طالبان په خبرو کې هڅه کوي څو د دغه هېواد پر قبايلي سيمو واکمن شي.

تر دې مخکې یو شمیر پاکستاني رسنیو د پاکستاني سناتور مشاهد حسین له قوله ویلي وو، چې امیر خان متقي د فلسطین په اړه د تهران نړیوال کنفرانس په څنډه کې هغه ته ویلي و، چې د پاکستاني چارواکو او د تحریک طالبان د مشرتابه تر منځ له ځینې کتنو وروسته، پاکستان د قبایلي سیمو د قانوني اړخ پرته ډیری جنجالي مسایل حل کړي دي.

رپوټونو کې د امیر خان متقي له قوله ویل شوي، چې «ټي ټي پي غوښتل په خیبر پښتونخوا ایالت کې د قبایلي سیمو ادغام لغوه کړي، خو د پاکستان حکومت دا غوښتنه ونه منله او د خبرو له دوام یې ډډه وکړه." د طالبانو د بهرنیو چارو وزیر امیر خان موتاغي تر اوسه د دغو راپورونو په اړه څه نه دي ویلي.»

د طالبانو د بهرنیو چارو وزیر امیر خان متقي تر اوسه د دغو راپورونو په اړه څه نه دي ویلي.

اېکسپرېس ټریبیون ورځپاڼې د پنجشنبې په ورځ (د مرغومې ۷مه) راپور ورکړ چې د پاکستان یوه لوړ پوړي چارواکي چې نه یې غوښتل د موضوع د حساسیت له امله نوم یې واخیستل شي، د امیر خان متقي څرګندونې یې "بې بنسټه" وبللې او ویلي یې دي چې د نوموړي دا کیسه رښتیا نه ده.

سرچینې اېکسپرېس ټریبیون ته ویلي، «ایا موږ باید خپله خاوره دغو ترهګرو ته ورکړو؟ بلکل چې نه،» دغه چارواکي د خپلو خبرو پر دوام افغان طالبان "په دوه اړخیزو اړیکو کې د اوسني کړکېچ لپاره مسوول بللي دي.»

سرچینې اېکسپرېس ټریبیون ته ویلي چې د پاکستان تحریک طالبان د سولې خبرې د بیا تنظیمولو لپاره د یوې بهانې په توګه کاروي او د هغه په ​​وینا دا یو بل لامل و چې د خبرو د پرمختګ مخه یې ونیوله.

دغه چارواکی وايي، چې پاکستان اوس روښانه دریځ خپل کړی او «د ټي ټي پي له ترهګرو سره به خبرې اترې ونه کړي.»