د اورګاډي د چلولو نړیوال شرکت یوروسټار د شنبې په ورځ د انګلستان په سویل ختیځ کې د اورګاډي تونلونو کې د سیلاوونو راوتلو له امله د لندن او اروپا ترمنځ د اورګاډي د ټولو سفرونو د لغوه کیدو او د نوي کال د رخصتیو په درشل کې د زرګونو مسافرانو د سفر د ګډوډیدو خبر ورکړ.
د رویټرز خبري اژانس د رپوټ له مخې، یوروسټار اول یوازې د ۱۴ اورګاډو سفرونه لغوه کړل مګر وروسته له هغه چې سیلاوونو دوام وکړ، دوی د همدې ورځې لپاره پلان شوي ټول ۴۱ سفرونه لغوه کړل.
تر اوسه دا روښانه نه ده چې د لندن ختیځ، ایبس فلیټ ته نږدې د تیمز سیند لاندې د اورګاډي تونلونو کې د سیلاو د راوتلو لامل څه دی.
د انګلستان په ځینو برخو کې په دې وروستیو ورځو کې سخت بارانونه شوي دي او په سویل کې د قوي او توندو بادونو په اړه رسمي خبرداری ورکړل شوی دی.
د یوروسټار په یوه خبرپاڼه کې راغلي: "مونږ پوهیږو چې دا د رخصتیو پای کې او له نوي کال دمخه کور ته د رسیدو لپاره ډیر مهم وخت دی او موږ د خپلو پیریدونکو د ملاتړ لپاره تمځیو که حضور لرو."
