امريکا وايي، د حوثيانو تر کنټرول لاندې سيمو څخه يې دوه توغول شوي توغندي ويشتلي دي

شمالي کوریا د نومبر په میاشت کې اعلان وکړ چې خپله لومړنۍ جاسوسي سپوږمکۍ یې په «بریالیتوب» توغولې او ویلي یې دي چې د سپینې ماڼۍ، پنټاګون، د امریکا د پوځي اډو او نورو «په نښه سیمو» انځورونه یې را اخیستي دي.

که څه هم شمالي کوریا تر دې دمه کوم انځورونه نه دي خپاره کړي، خو د جاسوسي سپوږمکۍ توغولو سیمه ییز تاوتریخوالی زیات کړی او امریکا، جاپان، اسټرالیا او سوېلي کوریا پر دغه هېواد نوي بندیزونه ولګول.

سږ کال دوه ځله د شمالي کوریا د جاسوسي سپوږمکۍ د توغولو هڅې ناکامې شوې دي.

دغه هېواد په دې وتوانېد چې خپله لومړنۍ جاسوسي سپوږمکۍ وروسته له هغه فضا ته واستوي چې د روسيې ولسمشر ولاديمير پوتين د کيم جونګ اون د سفر پر مهال روسيې ته ژمنه ورکړه چې هېواد به يې له شمالي کوريا سره د سپوږمکۍ په جوړولو کې مرسته وکړي.

سوېلي کوريا وايي، د شمالي کوريا د جاسوسي سپوږمکۍ په بريالي توغولو کې روسيې رول لوبولی، خو ځينې کارپوهان په دې باور دي چې معلومه نه ده، تر کومه حده مسکو په دې برخه کې د همکارۍ توان لري.

د راتلونکي کال لپاره د خپل هیواد د سیاسي پالیسیو په اړه په یوه غونډه کې، د شمالي کوریا مشر کیم جونګ اون وویل چې هغه د خپلو اټومي موخو تعقیبولو او د «امریکا ضد» هیوادونو سره د ژورو اړیکو د جوړولو پرته بله لاره نه لري. د شمالي کوریا مشر هغو هېوادونو ته اشاره کوي چې د روسیې په ګډون د امریکا له بې ساري ضد اقداماتو سره مخ دي.

سرچینو افغانستان انټرنشنل ته ویلي، احمد چې په دویم نوم «وړه» ډېر یادېده، دوه اوونۍ وړاندې د مرمۍ لګېدو له امله ټپي شوی او روغتون ته لېږدول شوی و.

پاکستاني امنیتي چارواکو تر اوسه په دې اړه څه نه دي ویلي.

په همدې حال کې د سه شنبې په ورځ (د مرغومي ۵ مه) په پېښور ښار کې یو افغان نرښځی هم د وسله والو له خوا ووژل شو.

سرچينو زياته کړې، چې احمد ١٤ ورځې وړاندې د پېښور په ارباب روډ سيمه کې د هغه کور ته څېرمه وسله والو په نښه کړى و. له برید وروسته دولتي روغتون ته لېږدول شوی او په کوما کې وو.

د دې ډلې په اعلامیه کې راغلې: "موږ د سویلي چین سمندرګي کې وروستي پرمختګونه له نږدې څارو او اندیښمن یو چې ښایې په سیمه کې سوله، امنیت او ثبات زیانمن کړي."

دغه اعلامیه په داسې حال کې خپره شوې چې په دې وروستیو میاشتو کې چین او فلیپین پر یو بل د یو لړ سمندري بریدونو په اړه تورونه لګولي او مانیلا د خپلې کړنلارې د بدلون اړتیا ته اشاره کړې،‌ ځکه ډیپلوماټیکې هلې ځلې پایله نه ده ورکړې.

چین د فلیپین تورونه "درواغجن" بللي او ویلي یې دي چې د فلیپین له "تحرکاتو او ځورونو" به سترګې پټې نه کړي.

چین ادعا کوي چې د سویلي چین سمندر ډیری برخه د دوی ملکیت دی، دغه ساحه د چین له سویلي قلمروه تر ۱۵ سوو کیلومتره پورې سمندري سیمه رانغاړي خو په عین حال کې کومه سیمه چې چین یې د ملکیت ادعا کوي‌ د برونای، اندونیزیا، مالیزیا، فیلیپین او ویتنام ځانګړې اقتصادي سیمې هم رانغاړي.‌

د اسیان د بهرنیو چارو وزیرانو او چین په سویلي چین سمندرګي کې د کړنلارې د جوړولو لپاره پر سر له ۲۰۰۲ کال راهیسې کار پیل کړی خو لا تر اوسه د دغې ستونزې د هواري‌ په برخه کې یې د پام وړ پرمختګ نه دی کړی.

د سوریې د بشري حقونو څارډلې ویلي چې په دغو بریدونو کې لږ تر لږه ۱۹ کسان وژل شوي دي.

دا بریدونه تېره شپه ناوخته شوي او څرګنده نه ده چې دغه هوايي بریدونه کوم هېواد کړي دي.

د عراق د حشد الشعبي د ملېشو یوه ځایي قوماندان چې د ایران ملاتړ ور سره دی، د لږ تر لږه څلورو کسانو وژل کېدل تایید کړل، خو د سوریې پولې ته څېرمه د دغې ډلې د ځواکونو د مرګ ژوبلې خبره یې رد کړه.

د هغو سرچینو په وینا چې د سوریې له چارواکو سره په اړیکه کې دي، دغو بریدونو اته لارۍ په نښه کړې چې لږترلږه څلور یې ویجاړې کړې دي.

چارواکو وویل، دې بریدونو کې د ایران ملاتړه ملېشو درې ودانۍ هم په نښه شوې دي.

د حزب الله په ګډون ایران پلوه وسله وال اوس د سوریې په ختیځ، سویل او شمال لویدیځ او د پلازمینې په شاوخوا سیمو کې پر لویو سیمو واکمن دي.

پهبوکمال سرحدي سیمه کې دا بریدونه څو ساعته وروسته له هغه شوي چې د ایران په ملاتړ د عراقي ملېشو یوې ډلې د عراق شمال ته په اربیل ښار کې د امریکا پر پوځي اډې د برید مسوولیت په غاړه واخیست.

د امریکا د پوځ یوه چارواکي ویلي، چې امریکا د شپې په اوږدو کې دفاعي بریدونه نه دي کړي.

اسراییل له کلونو راهیسې په سوریه کې د ایران اړوند اهدافو باندې بریدونه کوي.

پوځ وايي، په دې عملیاتو کې د وسلوالو دوه مشران هم وژل شوي او ۵ زره ۱۶۱ وسلوال نیول شوي دي.‌

پورځ د ترهګرۍ په وړاندې د مبارزې پر دوام ټینګار کړی دی.

د پوځ په وینا د استخباراتي ادارو د کار په پایله کې د یوې بلوڅ وسلوالې ډلې مهم قومندانان ګلزار امام شمبې او سرفراز بنګالزي له وسله والې مبارزې لاس اخیستی دی.

د پوخ په وینا یوازې په بلوچستان کې ۵ زره ۶۳ عملیات ترسره شوي چې ۱۰۹ اورپکي پکې وژل شوي‌ دي.‌

بلخوا پوځ پښتونخوا کې د ۱ زرو ۹۴۲ عملیاتو د کولو ادعا کړې او ویلي یې دي چې ۴۴۷ وسلوال په دغو عملیاتو کې وژل شوي دي.

په همدې حال کې د پاکستان پوځ ادعا کړې چې په پنجاب صوبه کې یې ۱۹۰ پوځي عملیات، په ګلګلت-بالتیستان کې یې ۱۴ عملیات او په سند کې یې ۱ زرو ۹۸۷ عملیات کړي‌ چې په پایله کې یې لس وسلوال وژل شوي.