څو ورځې وړاندې د اسراییل د بهرنیو چارو وزیر ایلي کوهن د یوې څېړنیزې کمېټې د جوړېدو غوښتنه کړې وه، چې له مخې یې په روانه جګړه کې له غلفت کوونکو اړخونو سره حساب وشي. خو تازه نوموړی د اسراییل د بهرنیو چارو له وزارته لرې شوی دی.
د اسراییل د حکومت په کابینه کې د موقفونو بدلون اعلان کړی دی.
په دې لړ کې ایلي کوهن د بهرنیو چارو د وزیر په توګه له دندې له ګوښه کولو وروسته د انرژۍ او زیربناو د وزیر په توګه وټاکل شو.
له دې ګمارنې وروسته یسرايیل کاتز د بهرنیو چارو د نوي وزیر په توګه وټاکل شو.
یوې اسراییلي ورځپاڼې معاریو ویلي، چې د بهرنیو چارو پخوانی وزیر د هغه د خبرو په غبرګون کې له دندې لرې شوی دی.
تر اوسه پورې کوهن د دغې نوې ټاکنې په اړه رسنیو ته څه نه دي ویلي.
د غزې د جګړې له پیل راهیسې دا دویم ځل دی، چې د اسراییل د کابینې یو لوړرتبه غړی د خپلو څرګندونو له جدي غبرګون سره مخ کیږي.
